രണ്ട് മില്യൻ ലിറിക്ക ഗുളികകളും 7000 കുപ്പി മദ്യവും പിടിച്ചെടുത്തു

കുവൈത്ത് സിറ്റി: കസ്റ്റംസ് വകുപ്പ് നടത്തിയ പരിശോധനയിൽ ഷുവൈഖ് തുറമുഖത്തുനിന്ന് വൻ ലഹരിവസ്തുക്കൾ പിടികൂടി. കണ്ടെയ്‌നറിൽ ഒളിപ്പിച്ച രണ്ട് മില്യൻ ലിറിക്ക ഗുളികകളും 7474 കുപ്പി മദ്യവുമാണ് പിടിച്ചെടുത്തത്. ഏഷ്യൻ രാജ്യത്തുനിന്ന് എത്തിയതാണ് ഇവ. സംഭവത്തിൽ ആവശ്യമായ നിയമനടപടികൾ സ്വീകരിച്ചു. രാജ്യത്തേക്ക് ലഹരിവസ്തുക്കൾ എത്തിക്കുകയും വിതരണം നടത്തുകയും ചെയ്യുന്നവർക്കെതിരെ കർശന നടപടികൾ സ്വീകരിക്കുമെന്ന് അധികൃതർ മുന്നറിയിപ്പു നൽകി. ലഹരിവസ്തുക്കൾക്കെതിരെ രാജ്യത്ത് പരിശോധന തുടരുകയാണ്.