നാടുകടത്തൽ കേന്ദ്രത്തിലെ ഇന്ത്യക്കാരുമായി ഇന്ന്​ രണ്ട്​ വിമാനങ്ങൾ

കുവൈത്ത്​ സിറ്റി: കുവൈത്തിൽ നാടുകടത്തൽ കേന്ദ്രത്തിൽ കഴിഞ്ഞിരുന്ന ഇന്ത്യക്കാരുമായി രണ്ട്​ വിമാനങ്ങൾ ബുധനാഴ്​ച നാട്ടിലേക്ക്​ പറക്കും. കുവൈത്ത്​ എയർ വേയ്​സ്​, ജസീറ എയർവേയ്​സ്​​ വിമാനങ്ങളിലാണ്​ ഉച്ചക്ക്​ ശേഷം 117 വീതം പോവുന്നത്​. മധ്യപ്രദേശിലെ ഇ​ൻഡോറിലേക്കാണ്​ ബുധനാഴ്​ച ഉച്ചക്ക്​ ശേഷം പോവുന്നത്​. അവിലെ രണ്ടാഴ്​ച നിരീക്ഷണത്തിൽ കഴിഞ്ഞ ശേഷമാണ്​ ​വീടുകളിലേക്ക്​ അയക്കുക. കൂടുതലും ഉത്തരേന്ത്യക്കാരാണെങ്കിലും മലയാളികൾ ഉൾപ്പെടെ ഇൻഡോറിലേക്കുള്ള വിമാനത്തിൽ ഉള്ളതായാണ്​ അറിവ്​.