വ്യാ​ജ ബി​ല്ലു​ക​ൾ ന​ൽ​കി വ​ഞ്ച​ന: ര​ണ്ട് ആ​ഫ്രി​ക്ക​ൻ പൗ​ര​ന്മാ​ർ അ​റ​സ്റ്റി​ൽ

കു​വൈ​ത്ത് സി​റ്റി: വ​ഞ്ച​നാ​പ​ര​മാ​യ പ്ര​വ​ർ​ത്ത​ന​ങ്ങ​ളി​ൽ ഏ​ർ​പ്പെ​ട്ട ര​ണ്ട് ആ​ഫ്രി​ക്ക​ൻ പൗ​ര​ന്മാ​രെ അ​റ​സ്റ്റ് ചെ​യ്ത​താ​യി ആ​ഭ്യ​ന്ത​ര മ​ന്ത്രാ​ല​യം അ​റി​യി​ച്ചു. വ്യാ​ജ ബി​ല്ലു​ക​ൾ കു​വൈ​ത്ത് ദീ​നാ​റി​ലേ​ക്ക് മാ​റ്റി സാ​ങ്ക​ൽ​പ്പി​ക ലാ​ഭം നേ​ടാ​മെ​ന്ന ആ​ശ​യം പ്ര​ച​രി​പ്പി​ച്ചാ​ണ് ഇ​വ​ർ ഇ​ര​ക​ളെ ചൂ​ഷ​ണം ചെ​യ്തി​രു​ന്ന​ത്.

ഇ​തി​നാ​യി യ​ഥാ​ർ​ത്ഥ മൂ​ല്യ​ത്തി​ന്റെ പ​കു​തി വി​ല​ക്ക് വ്യാ​ജ യു.​എ​സ് ഡോ​ള​റി​ന്റെ ബി​ല്ലു​ക​ൾ പ്ര​തി​ക​ൾ വാ​ഗ്ദാ​നം ചെ​യ്ത​താ​യി അ​ന്വേ​ഷ​ണ​ത്തി​ൽ ക​ണ്ടെ​ത്തി. ആ​സൂ​ത്രി​ത നീ​ക്ക​ത്തി​ലൂ​ടെ​യാ​ണ് പ്ര​തി​ക​ളെ പി​ടി​കൂ​ടി​യ​ത്. രാ​ജ്യ സു​ര​ക്ഷ​യെ ദു​ർ​ബ​ല​പ്പെ​ടു​ത്താ​ൻ ശ്ര​മി​ക്കു​ന്ന​വ​ർ​ക്കെ​തി​രെ ശ​ക്ത​മാ​യ ന​ട​പ​ടി തു​ട​രു​മെ​ന്ന് ആ​ഭ്യ​ന്ത​ര മ​ന്ത്രാ​ല​യം വ്യ​ക്ത​മാ​ക്കി.

വ​ഞ്ച​നാ​പ​ര​മാ​യ പ​ദ്ധ​തി​ക​ളി​ൽ വീ​ഴാ​തി​രി​ക്കാ​ൻ ജാ​ഗ്ര​ത പാ​ലി​ക്കാ​നും മ​ന്ത്രാ​ല​യം ഉ​ണ​ർ​ത്തി. പ്ര​തി​ക​ൾ​ക്കെ​തി​രെ നി​യ​മ​ന​ട​പ​ടി​ക​ൾ പൂ​ർ​ത്തി​യാ​ക്കി ബ​ന്ധ​പ്പെ​ട്ട അ​ധി​കാ​രി​ക​ൾ​ക്ക് കൈ​മാ​റി.