യാത്രാ പ്രശ്നം; വിദേശകാര്യ മന്ത്രിക്ക് നിവേദനം നൽകി

കുവൈത്ത് സിറ്റി: മിഡിൽ ഈസ്റ്റിലെ നിലവിലെ സുരക്ഷാ സാഹചര്യങ്ങളുടെ പശ്ചാത്തലത്തിൽ, കുവൈത്തിലുള്ള ഇന്ത്യൻ പ്രവാസികൾക്ക് സൗദി അറേബ്യ വഴി നാട്ടിലേക്ക് മടങ്ങുന്നതിന് പ്രത്യേക ട്രാൻസിറ്റ് സൗകര്യങ്ങൾ ഒരുക്കണമെന്ന് ആവശ്യപ്പെട്ട് ഭാരതീയ പ്രവാസി പരിഷത്ത് കുവൈത്ത് കേന്ദ്ര വിദേശകാര്യ മന്ത്രി ഡോ.എസ്.ജയശങ്കറിന് നിവേദനം നൽകി.

സൗദി വഴിയുള്ള ട്രാൻസിറ്റ് സൗകര്യം ലഘൂകരിക്കൽ, ട്രാൻസിറ്റ് വിസ ലഭിക്കുന്നതിലെ കാലതാമസം ഒഴിവാക്കൽ, ഇന്ത്യയിലേക്ക് വിമാന സർവിസുകൾ ആരംഭിക്കൽ എന്നിവയിൽ ഇടപെടണമെന്ന് നിവേദനത്തിൽ ചൂണ്ടിക്കാട്ടി.