ട്രാ​വ​ൽ ക്ലി​നി​ക്കു​ക​ളു​ടെ ജോ​ലി സ​മ​യം നീ​ട്ടി

കു​വൈ​ത്ത് സി​റ്റി: യാ​ത്ര​ക്കാ​ർ​ക്ക് വി​വി​ധ സേ​വ​ന​ങ്ങ​ൾ ന​ൽ​കു​ന്ന ട്രാ​വ​ൽ ക്ലി​നി​ക്കു​ക​ളു​ടെ ജോ​ലി സ​മ​യം നീ​ട്ടി​യ​താ​യി ആ​രോ​ഗ്യ മ​ന്ത്രാ​ല​യം അ​റി​യി​ച്ചു. ആ​വ​ശ്യ​മാ​യ പ്ര​തി​രോ​ധ പ​രി​പാ​ല​നം ന​ൽ​കു​ന്ന​തി​നും പൗ​ര​ന്മാ​രു​ടെ ആ​വ​ശ്യ​ങ്ങ​ൾ നി​റ​വേ​റ്റു​ന്ന​തി​നു​മാ​യു​ള്ള മു​ൻ​ക​രു​ത​ൽ ന​ട​പ​ടി​യു​ടെ ഭാ​ഗ​മാ​യാ​ണ് ന​ട​പ​ടി​യെ​ന്ന് മ​ന്ത്രാ​ല​യം വ്യ​ക്ത​മാ​ക്കി.

ജ​ന​ങ്ങ​ൾ​ക്ക് സു​ര​ക്ഷി​ത​മാ​യി യാ​ത്ര ചെ​യ്യാ​നു​ള്ള ക​ഴി​വി​ന് ഇ​ത് സ​ഹാ​യ​ക​ര​മാ​കും. പൊ​തു​ജ​നാ​രോ​ഗ്യ വി​ഭാ​ഗ​ത്തി​ന്റെ കീ​ഴി​ൽ പ്ര​വ​ർ​ത്തി​ക്കു​ന്ന ട്രാ​വ​ല​ർ ക്ലി​നി​ക്കു​ക​ൾ യാ​ത്ര​ക്കു​മു​മ്പ് ആ​വ​ശ്യ​മാ​യ പ​രി​ശോ​ധ​ന​ക​ളും ഉ​പ​ദേ​ശ​ങ്ങ​ളും ന​ൽ​കു​ന്ന പ്ര​ത്യേ​ക മെ​ഡി​ക്ക​ൽ കേ​ന്ദ്ര​ങ്ങ​ളാ​ണ്.

വി​വി​ധ രാ​ജ്യ​ങ്ങ​ളി​ൽ വ്യാ​പ​ക​മാ​യ രോ​ഗ​ങ്ങ​ളെ​ക്കു​റി​ച്ചു​ള്ള അ​വ​ബോ​ധം, ആ​വ​ശ്യ​മാ​യ വാ​ക്സി​നേ​ഷ​നു​ക​ൾ​ക്ക് ശി​പാ​ർ​ശ​ക​ൾ, പ്ര​തി​രോ​ധ പ​രി​ശോ​ധ​ന​ക​ൾ, മെ​ഡി​ക്ക​ൽ മാ​ർ​ഗ​നി​ർ​ദേ​ശ​ങ്ങ​ൾ എ​ന്നി​വ ഇ​വ​യു​ടെ സേ​വ​ന​ങ്ങ​ളി​ൽ ഉ​ൾ​പ്പെ​ടു​ന്നു.