ഗതാഗത നിയമലംഘനം: പിഴത്തുകയിൽ വൻ വർധന

കു​വൈ​ത്ത്​ സി​റ്റി: കു​വൈ​ത്തി​ൽ ഗ​താ​ഗ​ത നി​യ​മ​ലം​ഘ​ന​ങ്ങ​ൾ​ക്ക്​ ഇൗ​ടാ​ക്കി​യ പി​ഴ​ത്തു​ക​യി​ൽ വ​ൻ വ​ർ​ധ​ന. കോ​വി​ഡ്​ പ​ശ്ചാ​ത്ത​ല​ത്തി​ൽ ഏ​റെ​ക്കാ​ലം ക​ർ​ഫ്യൂ​വും ലോ​ക്​​ഡൗ​ണും ഉ​ൾ​പ്പെ​ടെ നി​യ​ന്ത്ര​ണ​ങ്ങ​ൾ ഏ​ർ​പ്പെ​ടു​ത്തി​യി​ട്ടു പോ​ലും വ​ൻ വ​ർ​ധ​ന​ രേ​ഖ​പ്പെ​ടു​ത്തി​യ​ത്​ ശ്ര​ദ്ധേ​യ​മാ​ണ്. 2020/2021 സാ​മ്പ​ത്തി​ക​വ​ര്‍ഷം 61.6 ദ​ശ​ല​ക്ഷം ദീ​നാ​റാ​ണ്​ പി​ഴ​ത്തു​ക​യാ​യി ല​ഭി​ച്ച​ത്. 2019/2020 സാ​മ്പ​ത്തി​ക വ​ര്‍ഷം ല​ഭി​ച്ച​തി​നേ​ക്കാ​ള്‍ 6,00,00 ദീ​നാ​ർ അ​ധി​ക​മാ​ണി​ത്.

അ​തി​നി​ടെ ഗ​താ​ഗ​ത നി​യ​മ​ലം​ഘ​ന പി​ഴ അ​ട​ക്കാ​ത്ത വി​ദേ​ശി​ക​ൾ​ക്ക്​ യാ​ത്ര​വി​ല​ക്ക്​ ഏ​ർ​പ്പെ​ടു​ത്താ​ൻ അ​ധി​കൃ​ത​ർ ആ​ലോ​ചി​ക്കു​ന്നു​ണ്ട്.

പി​ഴ അ​ട​ക്കാ​ത്ത സ്വ​ദേ​ശി​ക​ൾ​ക്കും വി​ദേ​ശി​ക​ൾ​ക്കും മ​റ്റു മ​ന്ത്രാ​ല​യ​ങ്ങ​ളി​ലും സ​ർ​ക്കാ​ർ വ​കു​പ്പു​ക​ളി​ലും​നി​ന്നു​ള്ള സേ​വ​ന​ങ്ങ​ൾ നി​ർ​ത്തി​വെ​ക്കു​ന്ന​തും പ​രി​ഗ​ണി​ക്കു​ന്ന​താ​യാ​ണ്​ റി​പ്പോ​ർ​ട്ട്.

ഗ​താ​ഗ​ത നി​യ​മ​ലം​ഘ​ന പി​ഴ​യി​ന​ത്തി​ൽ സ​ർ​ക്കാ​റി​ന്​ ല​ഭി​ക്കാ​നു​ള്ള​ത്​ 15 ല​ക്ഷം ദീ​നാ​റി​ല​ധി​ക​മാ​ണ്. ചെ​റു​തും വ​ലു​തു​മാ​യ നി​യ​മ​ലം​ഘ​ന​ങ്ങ​ൾ​ക്ക്​ മു​നി​സി​പ്പ​ൽ-​ആ​ഭ്യ​ന്ത​ര വ​കു​പ്പു​ക​ൾ​ക്ക് ന​ൽ​കേ​ണ്ട പി​ഴ​യാ​ണ് കു​ടി​ശ്ശി​ക​യാ​യ​ത്.

വി​ദേ​ശി​ക​ൾ പി​ഴ​യ​ട​ക്കാ​തെ നാ​ടു​വി​ട്ട വ​ക​യി​ൽ സ​ർ​ക്കാ​റി​ന്​ ല​ക്ഷ​ക്ക​ണ​ക്കി​ന്​ ദീ​നാ​റി​െൻറ ന​ഷ്​​ടം സം​ഭ​വി​ച്ച​താ​യി ഒാ​ഡി​റ്റ്​ ബ്യൂ​റോ റി​പ്പോ​ർ​ട്ടു​ണ്ടാ​യി​രു​ന്നു.

പി​ഴ അ​ട​ക്കാ​ത്ത​തി​ന് 40,000 വി​ദേ​ശി​ക​ൾ​ക്കെ​തി​രെ കോ​ട​തി​യി​ൽ കേ​സു​ക​ൾ ഫ​യ​ൽ ചെ​യ്തി​രു​ന്നെ​ങ്കി​ലും ഇ​വ​രി​ൽ ഭൂ​രി​പ​ക്ഷ​വും നാ​ടു​വി​ടു​ക​യാ​യി​രു​ന്നു.