ഭിന്നശേഷിക്കാർക്ക്​ ട്രാഫിക്​ സർവിസ്​ സെൻറർ തുറന്നു

കുവൈത്ത്​ സിറ്റി: കുവൈത്തിൽ ഭിന്നശേഷിക്കാർക്കായി പ്രത്യേക ട്രാഫിക്​ സർവിസ്​ സെൻറർ തുറന്നു. ഗതാഗത വകുപ്പ്​ ആസ്ഥാനത്തുതന്നെയാണ്​ ഭിന്നശേഷിക്കാരുടെ വിവിധ സേവനങ്ങൾക്കായി പ്രത്യേക കേന്ദ്രം തുറന്നത്​. ഡ്രൈവിങ്​ ലൈസൻസ്​ പുതുക്കൽ, വാഹന രജിസ്​ട്രേഷൻ, മറ്റു കാര്യങ്ങൾ എന്നിവക്ക്​ ഭിന്നശേഷിക്കാർ വീൽചെയറിൽനിന്ന്​ ഇറങ്ങാതെത്തന്നെ കഴിയുന്ന ഡ്രൈവ്​ ത്രൂ സർവിസാണ്​ ആരംഭിച്ചത്​.

ആഭ്യന്തര മന്ത്രാലയം അണ്ടർ സെക്രട്ടറി മേജർ ജനറൽ ഇസ്സാം അൽ നഹാം ഉദ്​ഘാടനം നിർവഹിച്ചു. കേന്ദ്രം കൂടുതൽ വികസിപ്പിക്കാനുള്ള തയാറെടുപ്പിലാണ്​ മന്ത്രാലയമെന്ന്​ അദ്ദേഹം കൂട്ടിച്ചേർത്തു. അസിസ്​റ്റൻറ്​ അണ്ടർ സെക്രട്ടറി മേജർ ജനറൽ ജമാൽ അൽ സായിഗ്​, ഭിന്ന ശേഷി വകുപ്പിലെ സൈക്ലോജിക്കൽ ഡയറക്​ടർ ഹനാദി അൽ മുബൈലിഷ്​ തുടങ്ങിയവർ ചടങ്ങിൽ സംബന്ധിച്ചു.