ഇന്ത്യ-കുവൈത്ത് വ്യാപാര ബന്ധത്തിൽ വളർച്ച; എണ്ണ ഇതര വ്യാപാരം രണ്ടു ബില്യൺ യു.എസ് ഡോളർ കവിഞ്ഞു

കു​വൈ​ത്ത് സി​റ്റി: ഇ​ന്ത്യ​യും കു​വൈ​ത്ത് ത​മ്മി​ലു​ള്ള വ്യാ​പാ​ര ബ​ന്ധ​ത്തി​ൽ വ​ള​ർ​ച്ച. 2022 ൽ ​ഇ​രു രാ​ജ്യ​ങ്ങ​ളും ത​മ്മി​ലു​ള്ള എ​ണ്ണ ഇ​ത​ര വ്യാ​പാ​രം ര​ണ്ടു ബി​ല്യ​ൺ യു.​എ​സ് ഡോ​ള​ർ ക​വി​ഞ്ഞു. ഇ​രു രാ​ജ്യ​ങ്ങ​ളും ത​മ്മി​ലു​ള്ള വ്യാ​പാ​ര​ത്തി​ൽ 2023ൽ ​ഏ​ഴു ശ​ത​മാ​നം വ​ള​ർ​ച്ച​യു​മു​ണ്ടാ​യി. കു​വൈ​ത്തി​ലേ​ക്കു​ള്ള ഇ​ന്ത്യ​യു​ടെ ക​യ​റ്റു​മ​തി 2023-24 സാ​മ്പ​ത്തി​ക വ​ർ​ഷ​ത്തി​ൽ 34.78 ശ​ത​മാ​നം ഉ​യ​ർ​ന്ന് 2.10 ബി​ല്യ​ൺ ഡോ​ള​റി​ലെ​ത്തി. തൊ​ട്ടു​മു​മ്പു​ള്ള വ​ർ​ഷം ഇ​ത് 1.56 ബി​ല്യ​ൺ ഡോ​ള​റാ​യി​രു​ന്നു.

കു​വൈ​ത്തി​ൽ ന​ട​ന്ന ഇ​ന്ത്യ-​കു​വൈ​ത്ത് ബ​യ​ർ-​സെ​ല്ല​ർ മീ​റ്റി​ന്റെ ഭാ​ഗ​മാ​യി ഫെ​ഡ​റേ​ഷ​ൻ ഓ​ഫ് ഇ​ന്ത്യ​ൻ എ​ക്‌​സ്‌​പോ​ർ​ട്ട്‌​സ് ഓ​ർ​ഗ​നൈ​സേ​ഷ​ൻ (എ​ഫ്.​ഐ.​ഇ.​ഒ) പ്ര​സി​ഡ​ന്‍റ് ഇ​സ്രാ​ർ അ​ഹ​മ്മ​ദും ഭ​ക്ഷ്യ-​കാ​ർ​ഷി​ക മേ​ഖ​ല​ക​ളി​ലെ 30 ഇ​ന്ത്യ​ൻ ക​മ്പ​നി​ക​ളു​ടെ പ്ര​തി​നി​ധി​ക​ളും ന​ട​ത്തി​യ കൂ​ടി​ക്കാ​ഴ്ച​യി​ലാ​ണ് ഇ​ക്കാ​ര്യം അ​റി​യി​ച്ച​ത്.

ഇ​ന്ത്യ​യും കു​വൈ​ത്തു​മാ​യു​ള്ള ആ​ഴ​ത്തി​ലു​ള്ള സാ​മ്പ​ത്തി​ക ബ​ന്ധം കു​വൈ​ത്ത് ചേം​ബ​ർ ഓ​ഫ് കോ​മേ​ഴ്‌​സ് ആ​ൻ​ഡ് ഇ​ൻ​ഡ​സ്ട്രി​യും (കെ.​സി.​സി.​ഐ) വ്യ​ക്ത​മാ​ക്കി. കു​വൈ​ത്തി​ലെ ഇ​ന്ത്യ​ൻ അം​ബാ​സ​ഡ​ർ ഡോ. ​ആ​ദ​ർ​ശ് സ്വൈ​ക, കു​വൈ​ത്ത് ക​മ്പ​നി​ക​ളു​ടെ​യും പ​ബ്ലി​ക് അ​തോ​റി​റ്റി ഫോ​ർ ഫു​ഡ് ആ​ൻ​ഡ് ന്യൂ​ട്രീ​ഷ്യന്‍റെ​യും പ്ര​തി​നി​ധി​ക​ൾ എ​ന്നി​വ​ർ യോ​ഗ​ത്തി​ൽ പ​ങ്കെ​ടു​ത്തു. കു​വൈ​ത്തും ഇ​ന്ത്യ​യും ത​മ്മി​ലു​ള്ള ബ​ന്ധം വ്യാ​പാ​ര പ​ങ്കാ​ളി​ത്ത​ത്തി​ന​പ്പു​റ​മാ​ണെ​ന്നും ച​രി​ത്ര​പ​ര​മാ​ണെ​ന്ന് ചേം​ബ​ർ സൂ​ചി​പ്പി​ച്ചു.

ഭ​ക്ഷ്യ​സു​ര​ക്ഷ​യു​ടെ പ്രാ​ധാ​ന്യ​വും ഈ ​മേ​ഖ​ല​യി​ൽ സം​ഭാ​വ​ന ന​ൽ​കു​ന്ന കു​വൈ​ത്ത് ക​മ്പ​നി​ക​ളു​ടെ പ​ങ്കും ചേം​ബ​ർ എ​ടു​ത്തു​പ​റ​ഞ്ഞു. ഇ​ന്ത്യ​യു​ടെ പ്ര​ധാ​ന വ്യാ​പാ​ര പ​ങ്കാ​ളി എ​ന്ന നി​ല​യി​ൽ കു​വൈ​ത്തി​ന്‍റെ പ്രാ​ധാ​ന്യം ഇ​സ്രാ​ർ അ​ഹ്മ​ദ് ചൂ​ണ്ടി​ക്കാ​ട്ടി. ബി​സി​ന​സി​നും ഫ​ല​പ്ര​ദ​മാ​യ പ​ങ്കാ​ളി​ത്ത​ത്തി​നും അ​നു​കൂ​ല​മാ​യ അ​ന്ത​രീ​ക്ഷം ഇ​ന്ത്യ​ൻ സ​ർ​ക്കാ​ർ സൃ​ഷ്ടി​ക്കു​ന്ന​താ​യും സൂ​ചി​പ്പി​ച്ചു.

കു​വൈ​ത്തി​ലെ ഇ​ന്ത്യ​ൻ പ്ര​തി​നി​ധി സം​ഘ​ത്തി​ന്‍റെ സാ​ന്നി​ധ്യ​ത്തി​ൽ ഇ​ന്ത്യ​ൻ അം​ബാ​സ​ഡ​ർ ഡോ. ​ആ​ദ​ർ​ശ് സ്വൈ​ക സ​ന്തോ​ഷം പ്ര​ക​ടി​പ്പി​ച്ചു. ഇ​ന്ത്യ​യും കു​വൈ​ത്തും ത​മ്മി​ലു​ള്ള ച​രി​ത്ര​പ​ര​വും ത​ന്ത്ര​പ​ര​വു​മാ​യ ബ​ന്ധ​ങ്ങ​ൾ കൂ​ടു​ത​ൽ വി​ക​സി​പ്പി​ക്കാ​ൻ ഇ​രു രാ​ജ്യ​ങ്ങ​ളു​ടെ​യും നേ​തൃ​ത്വം താ​ൽപ​ര്യ​മെ​ടു​ക്കു​ന്ന​താ​യും അ​ദ്ദേ​ഹം കൂ​ട്ടി​ച്ചേ​ർ​ത്തു. ഇ​ന്ത്യ സ​ന്ദ​ർ​ശി​ക്കാ​നും ല​ഭ്യ​മാ​യ നി​ക്ഷേ​പ അ​വ​സ​ര​ങ്ങ​ൾ പ​ര്യ​വേ​ക്ഷ​ണം ചെ​യ്യാ​നും ഡോ. ​ആ​ദ​ർ​ശ് സ്വൈ​ക കു​വൈ​ത്ത് വ്യ​വ​സാ​യി​ക​ളെ ക്ഷ​ണി​ച്ചു.