മലയാളം ടോസ്​റ്റ്​ മാ​സ്​റ്റേഴ്​സ്​ ഒാൺലൈൻ യോഗം

കുവൈത്ത്​ സിറ്റി: മലയാളം ടോസ്​റ്റ്​ മാ​സ്​റ്റേഴ്​സ്​ യോഗം ഒാൺലൈനിൽ ചേർന്നു. കുവൈത്തിന് പുറമെ മറ്റു ഗൾഫ് രാജ്യങ്ങളിലുള്ള മാതൃഭാഷാ സ്നേഹികളും ടോസ്​റ്റ്​ മാസ്​റ്റേഴ്​സിനെ മുന്നിൽനിന്ന്​ നയിക്കുന്നവരും പങ്കെടുത്തു. യോഗ നിർദേശങ്ങൾ ടി.എം. തോമസ് സെൽവൻ അവതരിപ്പിച്ചു. ഷീബ വിവിധ വിഷയങ്ങളുടെ അവതാരകരെ പരിചയപ്പെടുത്തി. വ്യാകരണ നിരീക്ഷകൻ ബിജോ പി. ബാബു പ്രസംഗകർക്ക്​ ഉച്ചാരണത്തി​​െൻറയും വ്യാകരണ പ്രയോഗത്തി​​െൻറയും പ്രാധാന്യം വിവരിച്ചു. ഭവിത ബ്രൈറ്റ് അപശബ്‍ദ നിരീക്ഷകയായി. സന്തോഷ് പത്രോസ് യോഗത്തിൽ അംഗങ്ങൾ പാലിക്കേണ്ട സമയക്രമം വിവരിച്ചു. 

സുനിൽ തോമസ്​, കുവൈത്തിലെ ടോസ്​റ്റ്​ മാ​സ്​റ്റേഴ്​സ്​ അമരക്കാരായ ക്രിസ്​റ്റി കുളത്തൂരാൻ, സേവ്യർ യേശുദാസ്, അനിൽകുമാർ ജി. രേവങ്കർ, അൽക്ക കുമ്ര, മുരളി മനോഹർ, സിന്ധുമോൾ തോമസ്, ഏരിയ ഡയറക്ടർ അലൻ പോൾ എന്നിവരും മഹേഷ് അയ്യർ, ശശികൃഷ്​ണൻ, ബീത ജോൺസൻ, തോമസ്​ മാത്യൂ കടവിൽ, പ്രശാന്ത്​ കവലങ്ങാട്​ എന്നിവരും സംസാരിച്ചു. ടോസ്​റ്റ്​ മാസ്​റ്റേഴ്​സ്​ ഇൻറർനാഷനൽ അംഗങ്ങളുടെ പ്രസംഗകലയും നേതൃ നൈപുണ്യവും പ്രോത്സാഹിപ്പിക്കുന്നു. നിലവിൽ ലോകത്ത് 2,56,000 അംഗങ്ങളും 16,600 ക്ലബുകളുമുണ്ട്. കൂടുതലറിയാനും കുവൈത്ത്​ മലയാളം ടോസ്​റ്റ്​ മാസ്​റ്റേഴ്​സ് ക്ലബിൽ അംഗത്വം നേടാനും 99024673, 97213806 എന്നീ നമ്പറുകളിൽ ബന്ധപ്പെടാം.