രാ​ജ്യം തെ​ര​ഞ്ഞെ​ടു​പ്പി​ലേ​ക്ക്; തീ​യ​തി ഉ​ട​ൻ

കു​വൈ​ത്ത് സി​റ്റി: രാ​ജ്യം തെ​ര​ഞ്ഞെ​ടു​പ്പി​ലേ​ക്ക് ക​ട​ക്കു​ന്നു. ദേ​ശീ​യ അ​സം​ബ്ലി തെ​ര​ഞ്ഞെ​ടു​പ്പി​ന് മു​ന്നോ​ടി​യാ​യു​ള്ള ന​ട​പ​ടി​ക്ര​മ​ങ്ങ​ൾ​ക്ക് തു​ട​ക്ക​മാ​യി. ഇ​തി​ന്റെ ആ​ദ്യ​പ​ടി​യാ​യി തെ​ര​ഞ്ഞെ​ടു​പ്പു​ക​ളു​ടെ സം​ഘട​ന ആ​രം​ഭി​ക്കു​ന്ന​തി​നു​ള്ള ന​ട​പ​ടി​ക്ര​മ​ങ്ങ​ൾ മ​ന്ത്രി​സ​ഭ ച​ർ​ച്ച ചെ​യ്യും. തെ​ര​ഞ്ഞെ​ടു​പ്പ് തീ​യ​തി​ക​ളും നാ​മ​നി​ർ​ദേ​ശം ചെ​യ്യാ​ൻ ആ​ഗ്ര​ഹി​ക്കു​ന്ന സ്ഥാ​നാ​ർ​ഥി​ക​ൾ​ക്കു​ള്ള ക്ഷ​ണ​വും ഇ​തി​ൽ വി​ഷ​യ​മാ​കും.

ഭ​ര​ണ​ഘ​ട​ന നി​യ​മം അ​നു​സ​രി​ച്ച്, ദേ​ശീ​യ അ​സം​ബ്ലി പി​രി​ച്ചു​വി​ട്ട് ര​ണ്ട് മാ​സ​ത്തി​നു​ള്ളി​ൽ തെ​ര​ഞ്ഞെ​ടു​പ്പ് ആ​രം​ഭി​ക്ക​ണം. അ​തേ​സ​മ​യം പി​രി​ച്ചു​വി​ട്ട് ഒ​രു മാ​സ​ത്തി​നു​ള്ളി​ൽ ക്ഷ​ണി​ക്ക​ണം. അ​ടു​ത്ത ആ​ഴ്ച​ക്കു​ള്ളി​ൽ ക്ഷ​ണ​ക്ക​ത്ത് ന​ൽ​കി​യാ​ൽ സെ​പ്റ്റം​ബ​ർ അ​വ​സാ​ന​മോ ഒ​ക്‌​ടോ​ബ​ർ ആ​ദ്യ​മോ തെ​ര​ഞ്ഞെ​ടു​പ്പ് ന​ട​ക്കു​മെ​ന്നാ​ണ് പ്ര​തീ​ക്ഷ.

സ്ഥാ​നാ​ർ​ഥി​ക​ൾ നാ​മ​നി​ർ​ദേ​ശ പ​ത്രി​ക സ​മ​ർ​പ്പി​ക്കാ​ൻ തു​ട​ങ്ങി​യാ​ലു​ട​ൻ അ​ന്വേ​ഷ​ണ പാ​ന​ലു​ക​ൾ പ്ര​വ​ർ​ത്ത​നം ആ​രം​ഭി​ക്കും. രാ​ജ്യ​ത്തെ വി​വി​ധ പ്ര​വി​ശ്യ​ക​ളി​ലാ​യി 125 സ്‌​കൂ​ളു​ക​ളി​ൽ തെ​ര​ഞ്ഞെ​ടു​പ്പ് പാ​ന​ലു​ക​ൾ നി​യോ​ഗി​ച്ചി​ട്ടു​ണ്ടെ​ന്ന് പ്രാ​ദേ​ശി​ക പ​ത്രം റി​പ്പോ​ർ​ട്ട് ചെ​യ്തു.

തെ​ര​ഞ്ഞെ​ടു​പ്പ് പ്ര​ക്രി​യ​യു​ടെ മേ​ൽ​നോ​ട്ടം വ​ഹി​ക്കാ​ൻ 1,200 ല​ധി​കം ജ​ഡ്ജി​മാ​രും പ​ബ്ലി​ക് പ്രോ​സി​ക്യൂ​ട്ട​ർ​മാ​​രും ഉ​ണ്ടാ​കും.

തെ​ര​ഞ്ഞെ​ടു​പ്പ് പ്ര​വ​ർ​ത്ത​നം നി​യ​ന്ത്രി​ക്കു​ന്ന​തി​നും സു​ര​ക്ഷ ഒ​രു​ക്കു​ന്ന​തി​നു​മാ​യി 13,000ത്തി​ല​ധി​കം പൊ​ലീ​സു​കാ​രും രം​ഗ​ത്തു​ണ്ടാ​കും.

ഇ​തി​ൽ 4,000 പേ​രെ തെ​ര​ഞ്ഞെ​ടു​പ്പ് ബാ​ല​റ്റു​ക​ളു​ടെ മേ​ൽ​നോ​ട്ടം വ​ഹി​ക്കാ​ൻ പ്ര​ത്യേ​കം നി​യോ​ഗി​ക്കും. സ്ഥാ​നാ​ർ​ഥി പ​ര​സ്യ​ങ്ങ​ൾ​ക്ക് ലൈ​സ​ൻ​സ് ന​ൽ​കു​ന്ന​തി​ലും സു​ഗ​മ​മാ​യ ന​ട​ത്തി​പ്പി​ലും മു​നി​സി​പ്പാ​ലി​റ്റി ശ്ര​ദ്ധ ന​ൽ​കും.

ആ​ഭ്യ​ന്ത​രം, ആ​രോ​ഗ്യം, വി​ദ്യാ​ഭ്യാ​സം തു​ട​ങ്ങി​യ മ​ന്ത്രാ​ല​യ​ങ്ങ​ളു​ടെ​യും ബ​ന്ധ​പ്പെ​ട്ട മ​റ്റ് ഏ​ജ​ൻ​സി​ക​ളു​ടെ​യും ത​യാ​റെ​ടു​പ്പു​ക​ൾ, മ​റ്റു വി​ഷ​യ​ങ്ങ​ൾ എ​ന്നി​വ പ​രി​ശോ​ധി​ച്ച ശേ​ഷ​മാ​കും തെ​ര​ഞ്ഞെ​ടു​പ്പ് തീ​യ​തി പ്ര​ഖ്യാ​പി​ക്കു​ക. ഇ​തി​ൽ വൈ​കാ​തെ വ്യ​ക്ത​ത വ​രും.