ഓ​ട്ടി​സം ബാ​ധി​ച്ച വ്യ​ക്തി​ക​ൾ​ക്ക് രാ​ജ്യം ന​ൽ​കു​ന്ന​ത് പ്ര​ത്യേ​ക ശ്ര​ദ്ധ

കു​വൈ​ത്ത് സി​റ്റി: ഓ​ട്ടി​സം ബാ​ധി​ച്ച വ്യ​ക്തി​ക​ൾ​ക്ക് കു​വൈ​ത്ത് പ്ര​ത്യേ​ക ശ്ര​ദ്ധ ന​ൽ​കു​ന്ന​താ​യി സാ​മൂ​ഹി​ക, കു​ടും​ബ, ബാ​ല്യ​കാ​ല കാ​ര്യ മ​ന്ത്രി ഡോ.​അം​താ​ൽ അ​ൽ ഹു​വൈ​ല. സ​മൂ​ഹ​ത്തി​ലെ ഈ ​പ്രി​യ​പ്പെ​ട്ട വി​ഭാ​ഗ​ത്തോ​ടു​ള്ള മാ​നു​ഷി​ക​വും സാ​മൂ​ഹി​ക​വു​മാ​യ പ്ര​തി​ബ​ദ്ധ​ത രാ​ജ്യം പു​ല​ർ​ത്തി​വ​രു​ന്നു. അ​വ​രെ സ​മൂ​ഹ​ത്തി​ലേ​ക്ക് സം​യോ​ജി​പ്പി​ക്കാ​നും അ​വ​കാ​ശ​ങ്ങ​ൾ സം​ര​ക്ഷി​ക്കാ​നും, ക​ഴി​വു​ക​ൾ വ​ർ​ധി​പ്പി​ക്കാ​നും, കു​ടും​ബ​ങ്ങ​ളെ പി​ന്തു​ണ​ക്കാ​നും അ​ക്ഷീ​ണം പ്ര​വ​ർ​ത്തി​ച്ചു​വ​രു​ന്ന​താ​യും ഡോ.​അം​താ​ൽ അ​ൽ ഹു​വൈ​ല പ​റ​ഞ്ഞു.

ലോ​ക ഓ​ട്ടി​സം അ​വ​ബോ​ധ ദി​ന​ത്തോ​ട​നു​ബ​ന്ധി​ച്ച് പ്ര​തി​ക​രി​ക്കു​ക​യാ​യി​രു​ന്നു സാ​മൂ​ഹി​ക -കു​ടും​ബ -ബാ​ല്യ​കാ​ല കാ​ര്യ മ​ന്ത്രി. ഓ​ട്ടി​സം ബാ​ധി​ച്ച വ്യ​ക്തി​ക​ളു​ടെ ആ​വ​ശ്യ​ങ്ങ​ൾ​ക്കും ക​ഴി​വു​ക​ൾ​ക്കും അ​നു​സൃ​ത​മാ​യി പ​രി​ശീ​ല​ന​ത്തി​ലും പു​ന​ര​ധി​വാ​സ പ​രി​പാ​ടി​ക​ളി​ലും ശ്ര​ദ്ധ കേ​ന്ദ്രീ​ക​രി​ക്കു​ന്നു​ണ്ട്. ഇ​വ​ർ​ക്ക് പ്ര​ത്യേ​ക സേ​വ​ന​ങ്ങ​ൾ വി​ക​സി​പ്പി​ക്കു​ന്ന​തി​നു​ള്ള ശ്ര​മ​ങ്ങ​ൾ മ​ന്ത്രാ​ല​യം തു​ട​രു​ന്ന​താ​യും മ​ന്ത്രി അ​ഭി​പ്രാ​യ​പ്പെ​ട്ടു.

ഓ​ട്ടി​സം ബാ​ധി​ച്ച കു​ട്ടി​ക​ളെ പ​രി​പാ​ലി​ക്കു​ന്ന​തി​ൽ വ​ള​രെ​യ​ധി​കം പ​രി​ശ്ര​മി​ക്കു​ന്ന കു​ടും​ബ​ങ്ങ​ൾ​ക്ക് ന​ന്ദി​യും പൂ​ർ​ണ പി​ന്തു​ണ​യും പ്ര​ക​ടി​പ്പി​ക്കാ​നു​ള്ള അ​വ​സ​രം കൂ​ടി​യാ​ണ് ലോ​ക ഓ​ട്ടി​സം ദി​നം. പ​ബ്ലി​ക് അ​തോ​റി​റ്റി ഫോ​ർ ഡി​സെ​ബി​ലി​റ്റി അ​ഫ​യേ​ഴ്‌​സി​നും ഓ​ട്ടി​സം ബാ​ധി​ച്ച വ്യ​ക്തി​ക​ൾ​ക്ക് മാ​ന​സി​ക​വും സാ​മൂ​ഹി​ക​വു​മാ​യ പി​ന്തു​ണ ന​ൽ​കു​ന്ന എ​ല്ലാ​വ​ർ​ക്കും ത​ന്റെ പി​ന്തു​ണ​യും ഡോ.​അം​താ​ൽ അ​ൽ ഹു​വൈ​ല അ​റി​യി​ച്ചു.