മുഴുവൻ വിദ്യാർഥികൾക്കും ലാപ്​ടോപ്​ നൽകണമെന്ന്​ എം.പി

കുവൈത്ത്​ സിറ്റി: കുവൈത്തിലെ മുഴുവൻ വിദ്യാർഥികൾക്കും സർക്കാർ ലാപ്​ടോപ്​ അനുവദിക്കണമെന്ന ആവശ്യവുമായി പാർലമെൻറ്​ അംഗം. ഇൗസ അൽ കൻദരി എം.പിയാണ്​ ഇൗ ആവശ്യം ഉന്നയിച്ചത്​.

ഒാൺലൈൻ വിദ്യാഭ്യാസത്തെ ആശ്രയിക്കുന്ന നിലവിലെ സാഹചര്യത്തിൽ വിദ്യാർഥികൾക്ക്​ അതിനനുസരിച്ചുള്ള സൗകര്യം ഒരുക്കേണ്ടതുണ്ട്​. എല്ലാ കുട്ടികൾക്ക്​ ഡിവൈസ്​ സംഘടിപ്പിക്കുന്നത്​ രക്ഷിതാക്കൾക്ക്​ ഭാരമാണ്​. സമൂഹ പു​രോഗതിയുടെ അടിസ്ഥാന ശിലയാണ്​ വിദ്യാഭ്യാസം. അതിന്​ സർക്കാർ അധികം പണം ചെലവഴിച്ചാലും നഷ്​ടമാവില്ല. അതുകൊണ്ട്​ മുഴുവൻ വിദ്യാർഥികൾക്കും ലാപ്​ടോപ്​ നൽകാൻ വിദ്യാഭ്യാസ മന്ത്രാലയം പദ്ധതി ആവിഷ്​കരിക്കണമെന്ന്​ ഇൗസ അൽ കൻദരി എം.പി ആവശ്യപ്പെട്ടു.