പാ​ട്ടി​ലെ ‘ഇ​ള​നീ​ർ’ മ​ധു​രം...

കു​വൈ​ത്ത് സി​റ്റി: മ​ല​യാ​ള​ത്തി​ലെ നി​ത്യ​ഹ​രി​ത ഗാ​ന​ങ്ങ​ളു​മാ​യി പി​ന്ന​ണി ഗാ​യി​ക സി​താ​ര​യും സം​ഘ​വും വേ​ദി​നി​റ​ഞ്ഞ ‘ഇ​ള​നീ​ർ’ കു​വൈ​ത്തി​ന് അ​വി​സ്മ​ര​ണീ​യ ഗാ​ന​സ​ന്ധ്യ​യാ​യി. മ​ല​യാ​ളി മൂ​ളി​ന​ട​ക്കു​ന്ന പാ​ട്ടു​ക​ൾ സി​താ​ര​യു​ടെ വേ​റി​ട്ട ശൈ​ലി​യി​ൽ ത​നി​മ ചോ​രാ​തെ വേ​ദി​യി​ലെ​ത്തി​യ​പ്പോ​ൾ ആ​സ്വാ​ദക​രു​ടെ ഉ​ള്ളി​ലും പാ​ട്ടി​ന്റെ മ​ധു​രം നി​റ​ഞ്ഞു. സി​താ​ര​​​ക്കൊ​പ്പം മി​​ഥു​​ൻ ജ​​യ​​രാ​​ജും ബ​​ൽ​​രാ​മും സു​ന്ദ​ര​ഗാ​ന​ങ്ങ​ളു​മാ​യി വേ​ദി​യി​ലെ​ത്തി. കേ​​ട്ട് മ​​തി​​വ​​രാ​​ത്ത നി​​ത്യ​​ഹ​​രി​​ത ഗാ​​ന​​ങ്ങ​​ള്‍ സ​ദ​സ്സും ഗാ​യ​ക​രോ​ടൊ​പ്പം ഏ​റ്റു​പാ​ടി.

മ​ല​യാ​ളി​യു​ടെ ആ​ത്മാ​വി​നെ തൊ​ട്ട​റി​ഞ്ഞ് സം​ഗീ​തം ഒ​രു​ക്കി​യ ദേ​വ​രാ​ജ​ൻ മാ​സ്റ്റ​റു​ടെ ഉ​ജ്ജ​യി​നി​യി​ലെ ഗാ​യി​ക, അ​രി​കി​ൽ നീ ​ഉ​ണ്ടാ​യി​രു​ന്നെ​ങ്കി​ൽ എ​ന്നു ഞാ​ൻ, കാ​യാ​മ്പൂ ക​ണ്ണി​ൽ വി​ട​രും എ​ന്നി​വ​യോ​ടെ​യാ​ണ് സം​ഗീ​ത സ​ദ​സ്സ് ആ​രം​ഭി​ച്ച​ത്. ദേ​വ​രാ​ജ​ൻ മാ​സ്റ്റ​ർ ഈ​ണം ന​ൽ​കി​യ പാ​ട്ടു​ക​ൾ മ​ല​യാ​ളി​യു​ടെ ഉ​ള്ളി​ൽ ഇ​ന്നും പ്രി​യ​രാ​ഗ​ങ്ങ​ളാ​യി തു​ട​രു​ന്നു എ​ന്ന​തി​ന്റെ തെ​ളി​വാ​യി ഈ ​പാ​ട്ടു​ക​ളോ​ടു​ള്ള സ​ദ​സ്സി​ന്റെ പ്ര​തി​ക​ര​ണം.

പി​.കെ. ദ​ക്ഷി​ണാ​മൂ​ർ​ത്തി സ്വാ​മി​യു​ടെ പാ​ട്ടു​ക​ളും എം.​എ​സ്. ബാ​ബു​രാ​ജു​മെ​ത്തി​യ​പ്പോ​ൾ സ​ദ​സ്സ് മ​ല​യാ​ള ഗാ​ന​ശാ​ഖ​യു​ടെ സു​വ​ർ​ണ​കാ​ല​ഘ​ട്ട​ത്തി​ലേ​ക്ക് തി​രി​ച്ചു​പോ​യി. ജോ​ൺ​സ​ൺ മാ​സ്റ്റ​റും, എം.​ജി. രാ​ധാ​കൃ​ഷ്ണ​നും, ര​വീ​ന്ദ്ര​ൻ മാ​സ്റ്റ​റും ഈ​ണ​മി​ട്ട ഗാ​ന​ങ്ങ​ൾ കൂ​ടി എ​ത്തി​യ​​തോ​ടെ കു​വൈ​ത്ത് ഗാ​ന​സ​ന്ധ്യ​യു​ടെ ഇ​ള​നീ​ർ മ​ധു​ര​ത്തി​ൽ അ​ലി​ഞ്ഞു.