പെരുന്നാൾ ദിനത്തിലും കുത്തിവെപ്പ് കേന്ദ്രത്തിൽ തിരക്ക്
text_fieldsകുവൈത്ത് സിറ്റി: പെരുന്നാൾ ദിവസവും കുവൈത്തിലെ കോവിഡ് പ്രതിരോധ കുത്തിവെപ്പ് കേന്ദ്രത്തിൽ വൻ തിരക്ക്. കുത്തിവെപ്പ് പ്രക്രിയ വിലയിരുത്താൻ ആരോഗ്യമന്ത്രാലയത്തിലെ പൊതുജനാരോഗ്യകാര്യ അസിസ്റ്റൻറ് അണ്ടർ സെക്രട്ടറി ഡോ. ബുതൈന അൽ മുദഫ്, പൊതുജനാരോഗ്യ ഡയറക്ടർ ഡോ. ഫഹദ് അൽ ഗംലാസ് എന്നിവർ മിഷ്രിഫിലെ കുത്തിവെപ്പ് കേന്ദ്രം സന്ദർശിച്ചു.
അവധിദിവസങ്ങളിലും ജോലിചെയ്യുന്ന ആരോഗ്യപ്രവർത്തകരെ മന്ത്രാലയം അഭിനന്ദിച്ചു. മഹാമാരിക്കെതിരായ പോരാട്ടം മുന്നിൽനിന്ന് നയിക്കുന്ന ആരോഗ്യപ്രവർത്തകരോട് രാജ്യം കടപ്പെട്ടിരിക്കുന്നുവെന്ന് ഡോ. ബുതൈന അൽ മുദഫ് പറഞ്ഞു. പരമാവധി പേർക്ക് വേഗത്തിൽ വാക്സിൻ നൽകി എത്രയും വേഗത്തിൽ സാമൂഹിക പ്രതിരോധശേഷി കൈവരിക്കാനാണ് അധികൃതർ ശ്രമിക്കുന്നത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.