മി​ഠാ​യി കാ​ത്തി​രു​ന്ന മ​ക​ളെ തേ​ടി​യെ​ത്തി​യ​ത് അ​ച്ഛ​ന്റെ മ​ര​ണവാ​ർ​ത്ത

ആ​ക​സ്മി​ക മ​ര​ണ​ങ്ങ​ൾ ജീ​വി​ത പ്ര​തീ​ക്ഷ​ക​ളെ താ​ളം തെ​റ്റി​ക്കു​ന്ന​തി​ന്‍റെ അ​നു​ഭ​വം സാ​മൂ​ഹി​ക പ്ര​വ​ർ​ത്ത​ക​നും കെ.​എം.​സി.​സി കു​വൈ​ത്ത് വൈ​സ് പ്ര​സി​ഡ​ന്‍റു​മാ​യ ടി.​വി. ഷാ​ഫി കൊ​ല്ലം പ​ങ്കു​വെ​ക്കു​ന്നു

ജീ​വി​ത​യാ​ത്ര​ക്കി​ട​യി​ലെ ര​ണ്ട​റ്റം കൂ​ട്ടി​മു​ട്ടി​ക്കാ​നാ​യി ഒ​ത്തി​രി പ്ര​തീ​ക്ഷ​ക​ളോ​ടെ​യാ​ണ് ഓ​രോ മ​നു​ഷ്യ​നും പ്ര​വാ​സ ജീ​വി​തം തി​ര​ഞ്ഞെ​ടു​ക്കു​ന്ന​ത്. തു​ട​ർ​ന്ന​ങ്ങോ​ട്ടു​ള്ള ജീ​വി​ത​കാ​ല​മ​ത്ര​യും ഒ​രു​നാ​ൾ നാ​ട്ടി​ലേ​ക്ക് തി​രി​​കെ പോ​കാ​മെ​ന്ന പ്ര​തീ​ക്ഷ​യി​ലാ​യി​രി​ക്കും. വ​ലി​യ സ​മ്പാ​ദ്യ​ങ്ങ​ളു​മാ​യി നാ​ട്ടി​ലേ​ക്കു മ​ട​ങ്ങു​ന്ന ചു​രു​ക്കം ചി​ല​രെ മാ​റ്റി​നി​ർ​ത്തി​യാ​ൽ ഭൂ​രി​പ​ക്ഷ​വും വ​ലി​യ നേ​ട്ട​ങ്ങ​ൾ ഒ​ന്നു​മി​ല്ലാ​തെ​യാ​കും തി​രി​ച്ചു​പോ​കു​ന്ന​ത്. ഇ​തി​നി​ട​യി​ൽ പ്ര​വാ​സ​ലോ​ക​ത്തു മ​ര​ണ​പ്പെ​ടു​ന്ന​വ​രും നി​ര​വ​ധി.

ക​ഴി​ഞ്ഞ ദി​വ​സം ജോ​ലി​സ്ഥ​ല​ത്ത് കു​ഴ​ഞ്ഞു​വീ​ണു മ​രി​ച്ച വ​ട​ക​ര സ്വ​ദേ​ശി സു​ജി​ത്ത് കു​മാ​റി​ന്‍റെ മ​ര​ണം ഒ​രു​പാ​ട് പ്ര​യാ​സ​പ്പെ​ടു​ത്തു​ന്ന​താ​യി​രു​ന്നു. വെ​ള്ളി​യാ​ഴ്ച രാ​ത്രി നാ​ട്ടി​ലേ​ക്ക് പോ​കു​ന്ന ബ​ന്ധു​വും സു​ഹൃ​ത്തു​മാ​യ ഷി​ജു​വി​നോ​ട് സു​ജി​ത്ത് കു​മാ​ർ ത​ന്‍റെ എ​ട്ടു​വ​യ​സ്സ് പ്രാ​യ​മു​ള്ള മ​ക​ൾ​ക്ക് ചോ​ക്ല​റ്റ് വാ​ങ്ങാ​ൻ വി​ളി​ച്ചു പ​റ​ഞ്ഞി​രു​ന്നു. സു​ഹൃ​ത്തി​ന്‍റെ മ​ക​ൾ​ക്കാ​യി ഷി​ജു ചോ​ക്ല​റ്റ് വാ​ങ്ങി​വെ​ക്കു​ക​യും ചെ​യ്തി​രു​ന്നു.

എ​ന്നാ​ൽ, ഷി​ജു വെ​ള്ളി​യാ​ഴ്ച നാ​ട്ടി​ൽ പോ​കാ​നു​ള്ള ഒ​രു​ക്ക​ങ്ങ​ൾ​ക്കി​ട​യി​ൽ അ​പ്ര​തീ​ക്ഷിതമാ​യി പ്രി​യ സ്നേ​ഹി​ത​ൻ സു​ജി​ത്ത് കു​മാ​റി​ന്‍റെ മ​ര​ണ​വാ​ർ​ത്ത അ​റി​യു​ക​യാ​യി​രു​ന്നു. ഫ​ർ​വാ​നി​യ​യി​ൽ ടൈ​ല​റാ​യി​രു​ന്ന സു​ജി​ത് കു​മാ​ർ ജോ​ലി​ക്കി​ടെ കു​ഴ​ഞ്ഞു​വീ​ഴു​ക​യാ​യി​രു​ന്നു.

മ​ര​ണ​വാ​ർ​ത്ത അ​റി​ഞ്ഞ​തോ​ടെ വെ​ള്ളി​യാ​ഴ്ച​യി​ലെ ടി​ക്ക​റ്റ് കാ​ൻ​സ​ൽ ചെ​യ്തു സു​ജി​ത് കു​മാ​റി​ന്‍റെ മൃ​ത​ദേ​ഹം നാ​ട്ടി​ലെ​ത്തി​ക്കാ​ൻ വേ​ണ്ടി​യു​ള്ള പ്ര​വ​ർ​ത്ത​ന​ത്തി​ൽ മു​ഴു​കി ഷി​ജു. ഫ​ർ​വാ​നി​യ ആ​ശു​പ​ത്രി​യി​ൽ എ​ന്‍റെ കൂ​ടെ മു​ഴു​വ​ൻ സ​മ​യ​വും അ​ദ്ദേ​ഹ​വു​മു​ണ്ടാ​യി​രു​ന്നു. ഇ​തി​നി​ട​യി​ലാ​ണ് ഞാ​ൻ ഷി​ജു​വി​നെ കാ​ണു​ന്ന​തും സു​ജി​ത്ത് കു​മാ​റി​നെ മ​ക​ൾ​ക്കാ​യി ചോ​ക്ല​റ്റ് വാ​ങ്ങി​വെ​ച്ച ക​ഥ അ​ദ്ദേ​ഹം പ​റ​യു​ന്ന​തും.

പ​ക്ഷേ വി​ധി മ​റി​ച്ചാ​യി​രു​ന്നു, ഷി​ജു നാ​ട്ടി​ലേ​ക്ക് പോ​കേ​ണ്ട​ത് സു​ഹൃ​ത്തി​ന്‍റെ മൃ​ത​ദേ​ഹ​വു​മാ​യാ​ണ്. അ​ച്ഛ​ൻ കൊ​ടു​ത്ത​യ​ക്കു​ന്ന ചോ​ക്ല​റ്റ് കാ​ത്തു​നി​ൽ​ക്കു​ന്ന മ​ക​ളു​ടെ മു​മ്പി​ലേ​ക്ക് ചേ​ത​ന​യേ​റ്റ ശ​രീ​ര​വു​മാ​യി ചെ​ന്നു​ക​യ​റേ​ണ്ട സു​ഹൃ​ത്തി​ന്‍റെ പ്ര​യാ​സം ആ ​മു​ഖ​ത്തു​നി​ന്നു ഞാ​ൻ വാ​യി​ച്ചെ​ടു​ത്തു. ഞാ​യ​റാ​ഴ്ച സു​ജി​ത്ത് കു​മാ​റി​ന്‍റെ മൃ​ത​ദേ​ഹം നാ​ട്ടി​ലേ​ക്ക് കൊ​ണ്ടു​പോ​യി.

ഷി​ജു​വും മ​റ്റൊ​രു ബ​ന്ധു​വാ​യ രാ​ജ​നും മൃ​ത​ദേ​ഹ​ത്തെ അ​നു​ഗ​മി​ച്ചു. എ​ല്ലാം ക​ഴി​ഞ്ഞ് റൂ​മി​ലേ​ക്ക് മ​ട​ങ്ങ​വെ ക​ണ്ണു നി​റ​ഞ്ഞു​പോ​യി. ഒ​രു​പാ​ട് പ്ര​തീ​ക്ഷ​ക​ളോ​ടെ ഓ​രോ ദി​വ​സ​വും ത​ള്ളി നീ​ക്കു​ന്ന പ്ര​വാ​സി​ക​ളെ ഓ​ർ​ത്തു​പോ​യി. അ​തി​നി​ട​യി​ൽ വി​രു​ന്നു​കാ​ര​നാ​യെ​ത്തി കൂ​ടെ​കൊ​ണ്ടു​പോ​കു​ന്ന ആ​ക​സ്മി​ക​മാ​യ മ​ര​ണ​ങ്ങ​ൾ എ​ല്ലാ താ​ള​വും തെ​റ്റി​ക്കു​ന്നു. ഓ​രോ മ​ര​ണ​വും പ്ര​യാ​സ​പ്പെ​ടു​ത്തു​ന്ന​താ​ണ്. ഓ​രോ അ​നു​ഭ​വ​വും ന​മ്മ​ളെ ചി​ന്തി​പ്പി​ക്കു​ന്ന​തു​മാ​ണ്.