കോ​വി​ഡ് പ്ര​തി​രോ​ധം വി​ജ​യ​ത്തി​ൽ

കു​വൈ​ത്ത് സി​റ്റി: രാ​ജ്യ​ത്ത് കോ​വി​ഡ് പ്ര​തി​രോ​ധം വി​ജ​യ​ത്തി​ൽ. ഒ​റ്റ​പ്പെ​ട്ട കോ​വി​ഡ് കേ​സ് റി​പ്പോ​ർ​ട്ട് ചെ​യ്യു​ന്നു​ണ്ടെ​ങ്കി​ലും, കോ​വി​ഡ് വി​മു​ക്തി നി​ര​ക്ക് ഉ​യ​ർ​ന്ന നി​ല​യി​ലാ​ണ്. കോ​വി​ഡി​നെ നേ​രി​ടു​ന്ന​തി​ലും പ്ര​തി​രോ​ധി​ക്കു​ന്ന​തി​ലും രാ​ജ്യം മു​ന്നേ​റി​യ​താ​യി ഇ​ത് സൂ​ചി​പ്പി​ക്കു​ന്നു.

പ്ര​തി​രോ​ധം ശ​ക്തി​പ്പെ​ടു​ത്തു​ന്ന​തി​ന്റെ ഭാ​ഗ​മാ​യി 18നും ​മു​ക​ളി​ലും പ്രാ​യ​മു​ള്ള​വ​ർ​ക്ക് ബൈ​വാ​ല​ന്റ് കൊ​റോ​ണ വൈ​റ​സ് വാ​ക്‌​സി​ൻ കു​ത്തി​വെ​പ്പ് കാ​മ്പ​യി​ൻ ആ​രം​ഭി​ച്ചു. ജ​ലീ​ബ് യൂ​ത്ത് സെ​ന്റ​ർ, 15 പ്രാ​ഥ​മി​കാ​രോ​ഗ്യ കേ​ന്ദ്ര​ങ്ങ​ൾ എ​ന്നി​വ വ​ഴി ഇ​വ വി​ത​ര​ണം ചെ​യ്യു​ന്നു. ഉ​ത്തേ​ജ​ക ഡോ​സാ​ണ് ബൈ​വാ​ല​ന്റ് വാ​ക്‌​സി​ൻ. എ​ടു​ക്ക​ണോ, വേ​ണ്ട​യോ എ​ന്ന് ജ​ന​ങ്ങ​ൾ​ക്ക് തീ​രു​മാ​നി​ക്കാ​മെ​ന്നും നി​ർ​ബ​ന്ധ​മി​ല്ലെ​ന്നും മ​ന്ത്രാ​ല​യം വ്യ​ക്ത​മാ​ക്കി. ഇ​ത് രോ​ഗ​ത്തി​ന്റെ ആ​ഘാ​തം കു​റ​ക്കു​മെ​ന്നും ഒ​മി​ക്രോ​ൺ വ​ക​ഭേ​ദ​ങ്ങ​ൾ​ക്കെ​തി​രാ​യ പ്ര​തി​രോ​ധ​ശേ​ഷി വ​ർ​ധി​പ്പി​ക്കു​മെ​ന്നും അ​ധി​കൃ​ത​ർ പ​റ​യു​ന്നു.

പ്രാ​യ​മാ​യ​വ​ർ​ക്കും അ​പ​ക​ട​സാ​ധ്യ​ത​യു​ള്ള​വ​ർ​ക്കും ബൂ​സ്റ്റ​ർ ഡോ​സ് ഗു​ണം ചെ​യ്യും. മു​ൻ കു​ത്തി​വെ​പ്പു​ക​ളു​ടെ ഫ​ല​പ്രാ​പ്തി വ​ർ​ധി​പ്പി​ക്കും. ഗു​രു​ത​ര രോ​ഗം, ആ​ശു​പ​ത്രി​വാ​സം, മ​ര​ണം എ​ന്നി​വ​യി​ൽ നി​ന്ന് സം​ര​ക്ഷി​ക്കാ​നും സ​ഹാ​യി​ക്കു​മെ​ന്നും അ​ധി​കൃ​ത​ർ അ​റി​യി​ച്ചു. 18നും ​അ​തി​ന് മു​ക​ളി​ലും പ്രാ​യ​മു​ള്ള​വ​ർ​ക്ക് മു​ൻ ഡോ​സ് ക​ഴി​ഞ്ഞ് കു​റ​ഞ്ഞ​ത് ര​ണ്ടു​മാ​സ​മെ​ങ്കി​ലും ക​ഴി​ഞ്ഞാ​ൽ, ബൈ​വാ​ല​ന്റ് ഉ​ത്തേ​ജ​ക ഡോ​സ് എ​ടു​ക്കാം.

കൊ​റോ​ണ വൈ​റ​സ് വാ​ക്‌​സി​ന്റെ അ​ടി​സ്ഥാ​ന ഡോ​സു​ക​ൾ രാ​ജ്യ​ത്ത് ഇ​പ്പോ​ഴും ല​ഭ്യ​മാ​ണ്. വെ​സ്റ്റ് മി​ശ്റ​ഫി​ലെ അ​ബ്ദു​ൽ റ​ഹ്മാ​ൻ അ​ൽ സെ​യ്ദ് ഹെ​ൽ​ത്ത് സെ​ന്റ​ർ വ​ഴി അ​ഞ്ചു വ​യ​സ്സ് മു​ത​ലു​ള്ള​വ​ർ​ക്ക് ല​ഭി​ക്കും. 12-18 വ​യ​സ്സ് പ്രാ​യ​മു​ള്ള​വ​ർ​ക്കും മു​മ്പ് വാ​ക്സി​ൻ എ​ടു​ത്തി​ട്ടി​ല്ലാ​ത്ത എ​ല്ലാ​വ​ർ​ക്കും ഈ ​കു​ത്തി​വെ​പ്പെ​ടു​ക്കാം.

ജ​നു​വ​രി​യി​ൽ കോ​വി​ഡി​ന്റെ ഒ​മി​ക്രോ​ണ്‍ ഉ​പ​വ​ക​ഭേ​ദ​മാ​യ എ​ക്സ്.​ബി.​ബി- 1.5 രാ​ജ്യ​ത്ത് സ്ഥി​രീ​ക​രി​ച്ചി​രു​ന്നു. ഇ​തി​നെ വ്യാ​പ​നം ഇ​ല്ലാ​തെ പ്ര​തി​രോ​ധി​ക്കാ​ൻ ആ​രോ​ഗ്യ വ​കു​പ്പി​നാ​യി. രാ​ജ്യ​ത്ത് കോ​വി​ഡു​മാ​യി ബ​ന്ധ​പ്പെ​ട്ട സാ​ഹ​ച​ര്യം നി​ല​വി​ൽ ആ​ശ്വാ​സ​ക​ര​മാ​ണെ​ന്നും ഭ​യ​പ്പെ​ടാ​നി​ല്ലെ​ന്നും ആ​രോ​ഗ്യ​മ​ന്ത്രാ​ല​യം വ്യ​ക്ത​മാ​ക്കി​യി​രു​ന്നു. വൈ​റ​സ് പ​രി​വ​ർ​ത്ത​നം ചെ​യ്യ​പ്പെ​ട്ട് കാ​ല​ക്ര​മേ​ണ പ്ര​തി​രോ​ധ​ശേ​ഷി കു​റ​യു​ന്ന​തി​നാ​ൽ ഭ​യ​പ്പാ​ട് വേ​ണ്ടെ​ന്നും ആ​രോ​ഗ്യ​മ​ന്ത്രാ​ല​യം പ​റ​യു​ന്നു.