ആസ്​ട്രസെനക അഞ്ചാം ബാച്ച്​ അടുത്തയാഴ്​ച എത്തും

കു​വൈ​ത്ത്​ സി​റ്റി: ഒാ​ക്​​സ്​​ഫ​ഡ്​ ആ​സ്​​ട്ര​സെ​ന​ക വാ​ക്​​സി​ൻ അ​ഞ്ചാം ബാ​ച്ച്​ അ​ടു​ത്ത​യാ​ഴ്​​ച കു​വൈ​ത്തി​ലെ​ത്തി​ക്കു​മെ​ന്ന്​ അ​ധി​കൃ​ത​ർ അ​റി​യി​ച്ചു. മൂ​ന്ന്​ ല​ക്ഷം ഡോ​സ്​ കൂ​ടി​യാ​ണ്​ എ​ത്തി​ക്കു​ക. ആ​റാ​മ​ത്​ ബാ​ച്ച്​ ആ​ഗ​സ്​​റ്റ്​ തു​ട​ക്ക​ത്തി​ൽ എ​ത്തി​ക്കാ​ൻ ക​ഴി​യു​മെ​ന്ന്​ പ്ര​തീ​ക്ഷി​ക്കു​ന്ന​താ​യും അ​ധി​കൃ​ത​ർ വ്യ​ക്​​ത​മാ​ക്കി.

ഇ​തോ​ടെ കു​ത്തി​വെ​പ്പ്​ ദൗ​ത്യം വേ​ഗ​ത്തി​ലാ​ക്കാ​ൻ ക​ഴി​യും. ഫൈ​സ​ർ ബ​യോ​ൺ​ടെ​ക്, ഒാ​ക്​​സ്​​ഫ​ഡ്​ ആ​സ്​​ട്ര​സെ​ന​ക വാ​ക്​​സി​നു​ക​ളാ​ണ്​ രാ​ജ്യ​ത്ത്​ ഇ​പ്പോ​ൾ വി​ത​ര​ണം ന​ട​ത്തി വ​രു​ന്ന​ത്.

മൊ​ഡേ​ണ, ജോ​ൺ​സ​ൻ ആ​ൻ​ഡ്​ ജോ​ൺ​സ​ൻ എ​ന്നീ വാ​ക്​​സി​നു​ക​ളു​ടെ ഇ​റ​ക്കു​മ​തി​ക്ക്​ ധാ​ര​ണ​യാ​യി​ട്ടു​ണ്ടെ​ങ്കി​ലും ആ​ദ്യ ബാ​ച്ച്​ എ​ത്താ​ൻ ഡി​സം​ബ​ർ വ​രെ കാ​ത്തി​രി​ക്കേ​ണ്ടി വ​രു​മെ​ന്നാ​ണ്​ റി​പ്പോ​ർ​ട്ട്. രാ​ജ്യ​ത്ത്​ 36 കേ​ന്ദ്ര​ങ്ങ​ളി​ൽ കു​ത്തി​വെ​പ്പ്​ ന​ൽ​കി​വ​രു​ന്നു. 31 എ​ണ്ണം പ്രാ​ഥ​മി​കാ​രോ​ഗ്യ കേ​ന്ദ്ര​ങ്ങ​ളാ​ണ്. 15 കേ​ന്ദ്ര​ങ്ങ​ളി​ൽ ഫൈ​സ​ർ വാ​ക്​​സി​നും 16 എ​ണ്ണ​ത്തി​ൽ ഒാ​ക്​​സ്​​ഫ​ഡ്​ ആ​സ്​​ട്ര​സെ​ന​ക​യു​മാ​ണ്​ ന​ൽ​കു​ന്ന​ത്.

ഇ​ത്​ കൂ​ടാ​തെ മി​ഷ്​​രി​ഫ്​ ഇ​ൻ​റ​ർ​നാ​ഷ​ന​ൽ എ​ക്​​സി​ബി​ഷ​ൻ സെൻറ​ർ, ശൈ​ഖ്​ ജാ​ബി​ർ പാ​ല​ത്തോ​ട​നു​ബ​ന്ധി​ച്ച ഡ്രൈ​വ്​ ത്രൂ ​വാ​ക്​​സി​നേ​ഷ​ൻ കേ​ന്ദ്രം, സൈ​നി​ക ആ​ശു​പ​ത്രി, അ​ഹ്​​മ​ദി ആ​ശു​പ​ത്രി, നാ​ഷ​ന​ൽ ഗാ​ർ​ഡ്​ സെൻറ​ർ എ​ന്നി​വി​ട​ങ്ങ​ളി​ൽ കൂ​ടി​യാ​ണ്​ വാ​ക്​​സി​നേ​ഷ​ന്​ സൗ​ക​ര്യം ഏ​ർ​പ്പെ​ടു​ത്തി​യി​ട്ടു​ള്ള​ത്. കു​ത്തി​വെ​പ്പ്​ പ്ര​ക്രി​യ സു​ഗ​മ​മാ​യി പു​രോ​ഗ​മി​ക്കു​ന്നു. അ​ധി​കം കാ​ത്തി​രി​ക്കാ​തെ ത​ന്നെ വാ​ക്​​സി​ൻ സ്വീ​ക​രി​ച്ച്​ മ​ട​ങ്ങാ​ൻ ക​ഴി​യു​ന്നു.

വ​ലി​യ തി​ര​ക്ക്​ ഉ​ണ്ടെ​ങ്കി​ലും ഒ​രു മ​ണി​ക്കൂ​റി​ല​ധി​കം എ​ടു​ക്കു​ന്നി​ല്ല. ഒ​രു ദി​വ​സം 43,000ത്തോ​ളം പേ​ർ​ക്കാ​ണ്​ എ​ല്ലാ​യി​ട​ത്തും കൂ​ടി കു​ത്തി​വെ​പ്പ്​ ന​ൽ​കു​ന്ന​ത്. കൂ​ടു​ത​ൽ ഡോ​സ്​ വാ​ക്​​സി​ൻ ല​ഭ്യ​മാ​കു​ന്ന മു​റ​ക്ക്​ ഇ​നി​യും വി​ത​ര​ണ സം​വി​ധാ​നം വി​പു​ലീ​ക​രി​ക്കാ​ൻ ആ​രോ​ഗ്യ മ​ന്ത്രാ​ല​യം സ​ന്ന​ദ്ധ​മാ​ണ്.