സ്വാ​ത​ന്ത്ര്യ​സ​മ​ര​ത്തി​ന്റെ ‘ചൂ​ട്’ അ​നു​ഭ​വി​ച്ച നാ​ൾ

സ്വാ​ത​ന്ത്ര്യ​ത്തി​ന്റെ 78ാം വാ​ർ​ഷി​കം ആ​ഘോ​ഷി​ക്കു​മ്പോ​ൾ എ​ന്റെ സ്കൂ​ളി​ൽ മു​മ്പൊ​രി​ക്ക​ൽ ന​ട​ന്ന ഒ​രു സ്വാ​ത​ന്ത്ര്യ​ദി​നാ​ഘോ​ഷ പ​രി​പാ​ടി​യെ​ക്കു​റി​ച്ച ‘ചൂ​ടു​ള്ള’ ചി​ല ഓ​ർ​മ​ക​ൾ തി​ക​ട്ടി​വ​രു​ന്നു.

സ്കൂ​ൾ ബ​സ് ഹോ​ൺ അ​ടി​ക്കു​ന്ന​ത് കേ​ട്ട് ഞാ​നും കെ.​ജി​യി​ലും മൂ​ന്നാം ത​ര​ത്തി​ലും പ​ഠി​ക്കു​ന്ന കു​ഞ്ഞ​നു​ജ​ന്മാ​രും റോ​ഡി​ലേ​ക്ക് ഓ​ടി. ‘സ്വാ​ത​ന്ത്ര്യ സ​മ​ര സേ​നാ​നി​ക​ളു​ടെ’ ഒ​രു​സം​ഘം ത​ന്നെ​യു​ണ്ടാ​യി​രു​ന്നു ബ​സി​ൽ. ഭ​ഗ​ത് സി​ങ്ങി​ന്റെ​യും സു​ഭാ​ഷ് ച​ന്ദ്ര​ബോ​സി​ന്റെ​യും വേ​ഷ​ത്തി​ലാ​യി​രു​ന്നു അ​നു​ജ​ന്മാ​രാ​യ അ​യ്മ​നും ലി​യാ​മും. സ്കൂ​ൾ മു​റ്റ​ത്തെ​ത്തി​യ​പ്പോ​ൾ സേ​നാ​നി​മാ​രു​ടെ ഒ​രു വ​ലി​യ കൂ​ട്ടം അ​വി​ടെ​യും നി​ര​ന്നി​രു​ന്നു.

ടീ​ച്ച​ർ​മാ​രും ആ​യ​മാ​രു​മെ​ല്ലാം അ​ല​ങ്കാ​ര​പ്പ​ണി​യു​ടെ തി​ര​ക്കി​ലാ​ണ്. ക്ലാ​സി​ൽ ടീ​ച്ച​ർ പ​താ​ക​യും ബാ​ഡ്ജും റി​ബ​ണും ഒ​ക്കെ നി​ര​ത്തി​വെ​ച്ചി​രി​ക്കു​ന്നു. പ​ത്തു രൂ​പ കൊ​ടു​ത്താ​ൽ സ്വാ​ത​ന്ത്ര്യ​ദി​നം കേ​മ​മാ​ക്കാ​നു​ള്ള ഈ ​ഐ​റ്റം​സ് സ്വ​ന്ത​മാ​ക്കാം. ബാ​ഡ്ജ് കു​ത്തി​ക്കൊ​ണ്ടി​രി​ക്കു​മ്പോ​ൾ ഗ്രൗ​ണ്ടി​ലേ​ക്ക് പോ​കാ​നു​ള്ള അ​നൗ​ൺ​സ്മെൻറ് കേ​ട്ടു.

സ്വാ​ത​ന്ത്ര്യ​സ​മ​ര​സേ​നാ​നി​ക​ളും നേ​താ​ക്ക​ളും പു​ന​ർ​ജ​നി​ച്ചു വ​ന്ന് കാ​ത്തി​രി​ക്കു​ന്ന സ​ദ​സ്സി​ൽ കൃ​ത്യം ഏ​ഴു മ​ണി​ക്ക് പ്രി​ൻ​സി​പ്പ​ൽ പ​താ​ക ഉ​യ​ർ​ത്തി. ബാ​ൻ​ഡ് മേ​ള​ത്തി​ന്റെ അ​ക​മ്പ​ടി​യോ​ടെ പ​രി​പാ​ടി​ക​ൾ​ക്ക് തു​ട​ക്കം. പ്രാ​ർ​ഥ​ന ഗാ​നം ക​ഴി​ഞ്ഞ് സാ​റ​ൻ​മാ​രു​ടെ നീ​ണ്ട പ്ര​സം​ഗം കേ​ട്ട് കു​റെ​പേ​രെ​ങ്കി​ലും കോ​ട്ടു​വാ​യി​ടു​ന്ന​ത് ക​ണ്ടു. ക​ത്തി​ക്ക​യ​റു​ന്ന പ്ര​സം​ഗ​ങ്ങ​ൾ​ക്കി​ടെ ആ​യ​മാ​ർ മ​ധു​ര​പ്പാ​യ​സ​വു​മാ​യെ​ത്തി​യ​പ്പോ​ഴാ​ണ് അ​ൽ​പം ആ​ശ്വാ​സ​മാ​യ​ത്,

പി​റ​കെ മി​ഠാ​യി​ക​ളും എ​ത്തി​യ​ത് കു​ളി​രാ​യി. എ​ന്നാ​ൽ ആ ​കു​ളി​ര് അ​ടു​ത്ത പ​രി​പാ​ടി​യോ​ടെ അ​പ്ര​ത്യ​ക്ഷ​മാ​യി. ഗ്രൗ​ണ്ടി​ലെ പ​രി​പാ​ടി​ക​ൾ​ക്കൊ​ടു​വി​ൽ പൊ​രി​വെ​യി​ല​ത്ത് ടൗ​ണി​ലൂ​ടെ ന​ട​ത്തി​യ മാ​ർ​ച്ച് സ്വാ​ത​ന്ത്ര്യ​സ​മ​ര​ത്തി​ന്റെ ‘ചൂ​ട്’ അ​നു​ഭ​വി​പ്പി​ക്കു​ന്ന​താ​യി. അ​ടു​ത്ത വ​ർ​ഷ​ത്തെ പെ​രു​മ​ഴ​ക്കാ​ലം മ​ന​സ്സി​ൽ ക​ണ്ട് അ​ന്ന​ത്തെ സ്വാ​ത​ന്ത്ര്യ​ദി​നാ​ഘോ​ഷ​ത്തി​ന് തി​ര​ശ്ശീ​ല താ​ഴ്ന്നു. അ​ന്ന​ത്തെ പ്രാ​ർ​ഥ​ന​യു​ടെ ഫ​ല​മാ​ണോ എ​ന്തോ ഇ​പ്പോ​ൾ ആ​ഗ​സ്റ്റി​ൽ കൊ​ടും മ​ഴ​യാ​ണ്...!