ദുഃഖഭാരത്തിൽ രാജ്യം

ബി​ലാ​ൽ ബി​ൻ റ​ബാ​ഹ് മ​സ്ജി​ദി​ൽ ന​ട​ന്ന മ​യ്യി​ത്ത് ന​മ​സ്കാ​രം

കു​വൈ​ത്ത് സി​റ്റി: രാ​ജ്യ​നാ​യ​ക​ന്റെ വി​യോ​ഗ​ത്തി​ൽ ദുഃഖ​ഭാ​ര​ത്തി​ലാ​യി​രു​ന്നു ഞാ​യ​റാ​ഴ്ച രാ​ജ്യം. കു​വൈ​ത്തി​ലെ ദുഃ​ഖി​ത​രാ​യ ജ​ന​ങ്ങ​ൾ പ്രാ​ർ​ഥ​ന​ക​ളി​ലൂ​ടെ മു​ൻ അ​മീ​റി​ന് ആ​ദ​രാ​ഞ്ജ​ലി​ക​ൾ അ​ർ​പ്പി​ച്ചു. ബി​ലാ​ൽ ബി​ൻ റ​ബാ​ഹ് മ​സ്ജി​ദി​ൽ മ​യ്യി​ത്ത് ന​മ​സ്കാ​ര​ത്തി​ന് സ്വ​ദേ​ശി​ക​ളും പ്ര​വാ​സി​ക​ളും അ​ട​ക്കം ആ​യി​ര​ങ്ങ​ളാ​ണ് അ​ണി ​ചേ​ർ​ന്ന​ത്.

സം​സ്കാ​ര​ച​ട​ങ്ങി​ൽ അ​മീ​ർ ശൈ​ഖ് മി​ശ്അ​ൽ അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹ്

രാ​ജ്യ​ത്തെ മ​റ്റു പ​ള്ളി​ക​ളി​ലും മ​യ്യി​ത്ത് ന​മ​സ്‌​കാ​രം ന​ട​ന്നു. കു​വൈ​ത്ത് ദേ​ശീ​യ പ​താ​ക​യി​ൽ പൊ​തി​ഞ്ഞ പെ​ട്ടി​യി​ൽ മൃ​ത​ദേ​ഹ​വു​മാ​യി ഉ​ന്ന​ത ഉ​ദ്യോ​ഗ​സ്ഥ​ർ പ​ള്ളി​യി​ൽ​നി​ന്ന് പു​റ​പ്പെ​ടു​മ്പോ​ൾ, പു​തി​യ അ​മീ​ർ ശൈ​ഖ് മി​ശ്അ​ൽ അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹ് വാ​ഹ​ന​ത്തി​ൽ സ​ങ്ക​ട​ത്തോ​ടെ കാ​ണ​പ്പെ​ട്ടു. വാ​ഹ​ന​ത്തി​ലി​രു​ന്ന് അ​ദ്ദേ​ഹം പ​ല​ത​വ​ണ ക​ണ്ണു​തു​ട​ച്ചു. ദേ​ശീ​യ പ​താ​ക അ​ണി​ഞ്ഞ വാ​ഹ​ന​ത്തി​ലാ​ണ് മൃ​ത​ദേ​ഹം സു​ലൈ​ബി​ക്കാ​ത്തി​ലേ​ക്ക് കൊ​ണ്ടു​പോ​യ​ത്. അ​മീ​ർ ശൈ​ഖ് മി​ശ്അ​ൽ അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹ്, അ​സ്സ​ബാ​ഹ് കു​ടും​ബാം​ഗ​ങ്ങ​ൾ, മു​തി​ർ​ന്ന പ​ദ​വി വ​ഹി​ക്കു​ന്ന​വ​ർ എ​ന്നി​വ​ർ ഖ​ബ​റ​ട​ക്ക​ത്തി​ലും പ്രാ​ർ​ഥ​ന​യി​ലും പ​ങ്കെ​ടു​ത്തു.

മൃ​ത​ദേ​ഹം ഖ​ബ​റ​ട​ക്കു​ന്ന​തി​നാ​യി എ​ത്തി​ക്കു​ന്നു

രാ​ജ്യ​ത്തി​ന​ക​ത്തും പു​റ​ത്തു​മു​ള്ള വ​ലി​യൊ​രു വി​ഭാ​ഗം ടെ​ലി​വി​ഷ​നി​ൽ ത​ത്സ​മ​യം വീ​ക്ഷി​ച്ചു. വ്യാ​പാ​ര​സ്ഥാ​പ​ന​ങ്ങ​ളും സ്‌​കൂ​ളു​ക​ളും സ​ർ​ക്കാ​ർ സം​വി​ധാ​ന​ങ്ങ​ളും അ​ട​ച്ചു​പൂ​ട്ടി ദു​ഃഖത്തി​ൽ പ​ങ്കാ​ളി​ക​ളാ​യി. രാ​ജ്യ​ത്ത് ഞാ​യ​റാ​ഴ്ച മു​ത​ൽ മൂ​ന്നു​ദി​വ​സം അ​വ​ധി​യാ​ണ്. 40 ദി​വ​സ​ത്തെ ദുഃ​ഖാ​ച​ര​ണ​വും പ്ര​ഖ്യാ​പി​ച്ചി​ട്ടു​ണ്ട്.

സുലൈബിക്കാത്ത് ഖബറിസ്ഥാനിൽ ഖബറടക്കുന്നു

മ​ക്ക​യി​ലും മ​ദീ​ന​യി​ലും മ​യ്യി​ത്ത് ന​മ​സ്‌​കാ​രം

കു​വൈ​ത്ത് സി​റ്റി: അ​ന്ത​രി​ച്ച കു​വൈ​ത്ത് അ​മീ​ര്‍ ശൈ​ഖ്​ ന​വാ​ഫ്​ അ​ഹ​മ്മ​ദ്​ അ​ൽ ജാ​ബി​ർ അ​ൽ സ​ബാ​ഹി​ന് വേ​ണ്ടി വി​ശു​ദ്ധ ഗേ​ഹ​ങ്ങ​ളി​ലും മ​യ്യി​ത്ത് ന​മ​സ്കാ​രം ന​ട​ന്നു. മ​ക്ക​യി​ലെ മ​സ്‌​ജി​ദു​ൽ ഹ​റ​മി​ലും മ​ദീ​ന​യി​ലെ മ​സ്ജി​ദു​ന്ന​ബ​വി​യി​ലു​മാ​ണ് അ​മീ​റി​ന് വേ​ണ്ടി ളു​ഹ​ര്‍ ന​മ​സ്കാ​രാ​ന​ന്ത​രം മ​യ്യി​ത്ത് ന​മ​സ്കാ​രം നി​ർ​വ​ഹി​ച്ച​ത്. സ​ൽ​മാ​ൻ രാ​ജാ​വി​ന്‍റെ ഉ​ത്ത​ര​വ് പ്ര​കാ​ര​മാ​ണ് ന​മ​സ്കാ​രം ന​ട​ത്തി​യ​ത്. ബ​ഹ്‌​റൈ​നി​ലെ പ​ള്ളി​ക​ളി​ലും മ​യ്യി​ത്ത് ന​മ​സ്കാ​ര​വും പ്രാ​ർ​ഥ​ന​ന​ക​ളും ന​ട​ന്നു. രാ​ജ്യ​ത്തെ എ​ല്ലാ പ​ള്ളി​ക​ളി​ലും പ്രാ​ർ​ഥ​ന​ക​ൾ ന​ട​ത്താ​ൻ ബ​ഹ്‌​റൈ​ൻ രാ​ജാ​വ് ഹ​മ​ദ് ബി​ൻ ഈ​സ ബി​ൻ സ​ൽ​മാ​ൻ അ​ൽ ഖ​ലീ​ഫ നി​ർ​ദേ​ശം ന​ൽ​കി​യി​രു​ന്നു. കു​വൈ​ത്തി​ലെ മു​ഴു​വ​ന്‍ പ​ള്ളി​ക​ളി​ലും അ​മീ​റി​ന് വേ​ണ്ടി മ​യ്യി​ത്ത് ന​മ​സ്കാ​രം ന​ട​ന്നു. ഔ​ഖാ​ഫ് ഇ​സ്ലാ​മി​ക കാ​ര്യ മ​ന്ത്രാ​ല​യം ളു​ഹ​ര്‍ ന​മ​സ്കാ​ര​ത്തി​നു​ശേ​ഷം മ​യ്യി​ത്ത് ന​മ​സ്കാ​രം നി​ർ​വ​ഹി​ക്കാ​ൻ ഇ​മാ​മു​മാ​ർ​ക്ക് പ്ര​ത്യേ​കം നി​ർ​ദേ​ശം ന​ൽ​കി​യി​രു​ന്നു.

അ​മീ​ർ ശൈ​ഖ് മി​ശ്അ​ൽ അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹി​നൊ​പ്പം മ​ന്ത്രി ഹ​ർ​ദീ​പ് സി​ങ് പു​രി

ഇ​ന്ത്യ​ൻ മ​ന്ത്രി ഹ​ർ​ദീ​പ് സി​ങ് പു​രി കു​വൈ​ത്തി​ലെ​ത്തി

കു​വൈ​ത്ത് സി​റ്റി: ശൈ​ഖ് ന​വാ​ഫ് അ​ൽ അ​ഹ്മ​ദ് അ​ൽ ജാ​ബി​ർ അ​സ്സ​ബാ​ഹി​ന്റെ നി​ര്യാ​ണ​ത്തി​ൽ ദുഃ​ഖം രേ​ഖ​പ്പെ​ടു​ത്തി ഇ​ന്ത്യ. ഇ​ന്ത്യാ ഗ​വ​ൺ​മെ​ന്റി​നെ പ്ര​തി​നി​ധീ​ക​രി​ച്ച് പെ​ട്രോ​ളി​യം പ്ര​കൃ​തി വാ​ത​ക, ഭ​വ​ന, ന​ഗ​ര വി​ക​സ​ന മ​ന്ത്രി ഹ​ർ​ദീ​പ് സി​ങ് പു​രി കു​വൈ​ത്തി​ലെ​ത്തി. കു​വൈ​ത്ത് നേ​തൃ​ത്വ​ത്തെ അ​ദ്ദേ​ഹം അ​നു​ശോ​ച​നം അ​റി​യി​ച്ചു. കു​വൈ​ത്തി​ലെ ഇ​ന്ത്യ​ൻ അം​ബാ​സ​ഡ​ർ ഡോ. ​ആ​ദ​ർ​ശ് സ്വൈ​ക, എം​ബ​സി ഉ​ദ്യോ​ഗ​സ്ഥ​ർ എ​ന്നി​വ​ർ മ​ന്ത്രി​യെ അ​നു​ഗ​മി​ച്ചു. അ​മീ​റി​ന്റെ നി​ര്യാ​ണ​ത്തി​ൽ പ്ര​ധാ​ന​മ​ന്ത്രി ന​രേ​ന്ദ്ര​ മോ​ദി ക​ഴി​ഞ്ഞ ദി​വ​സം അ​നു​ശോ​ചി​ച്ചി​രു​ന്നു. അ​മീ​റി​നോ​ടു​ള്ള ആ​ദ​ര​സൂ​ച​ക​മാ​യി ഞാ​യ​റാ​ഴ്ച ഇ​ന്ത്യ​യി​ൽ ഔ​ദ്യോ​ഗി​ക ദുഃ​ഖാ​ച​ര​ണം ആ​ച​രി​ച്ചു. ദേ​ശീ​യ പ​താ​ക പ​കു​തി താ​ഴ്ത്തി​ക്കെ​ട്ടി. ഔ​ദ്യോ​ഗി​ക വി​നോ​ദ​പ​രി​പാ​ടി​ക​ളും ഒ​ഴി​വാ​ക്കി.