രാ​ജ്യ​ത്ത് ആ​റുമാ​സ​ത്തി​ല​ധി​കം ആ​വ​ശ്യ​ത്തി​ന് ഭ​ക്ഷ്യ ശേ​ഖ​രം

കു​വൈ​ത്ത് സി​റ്റി: ഇ​സ്രാ​യേ​ൽ-​ഇ​റാ​ൻ സം​ഘ​ർ​ഷ​ത്തി​നി​ടെ രാ​ജ്യ​ത്തെ ഭ​ക്ഷ്യ​ശേ​ഖ​ര​ത്തെ​ക്കു​റി​ച്ച് ആ​ശ​ങ്ക വേ​ണ്ട. രാ​ജ്യ​ത്ത് ആ​റ് മാ​സ​ത്തി​ല​ധി​കം കാ​ല​ത്തേ​ക്ക് ഭ​ക്ഷ്യ​ശേ​ഖ​രം ഉ​ണ്ടെ​ന്ന് വാ​ണി​ജ്യ മ​ന്ത്രാ​ല​യം വ്യ​ക്ത​മാ​ക്കി.

അ​വ​ശ്യ, ദ്വി​തീ​യ വ​സ്തു​ക്ക​ളു​ടെ ദേ​ശീ​യ ക​രു​ത​ൽ ശേ​ഖ​രം ആ​റ് മാ​സ​ത്തി​ല​ധി​കം കാ​ല​ത്തേ​ക്ക് പ​ര്യാ​പ്ത​മാ​ണെ​ന്നും സ്ഥി​തി തൃ​പ്തി​ക​ര​വും ഉ​റ​പ്പു​ന​ൽ​കു​ന്ന​തു​മാ​ണെ​ന്നും വാ​ണി​ജ്യ വ്യ​വ​സാ​യ മ​ന്ത്രാ​ല​യ​ത്തി​ലെ സ​പ്ലൈ​സ് വ​കു​പ്പ് ഡ​യ​റ​ക്ട​ർ സ​ലാ​ഹ് അ​ൽ റ​ഷീ​ദി പ​റ​ഞ്ഞു. സം​ഘ​ർ​ഷ​ത്തെ​ത്തു​ട​ർ​ന്ന് കു​വൈ​ത്ത് അ​ടി​യ​ന്ത​ര പ​ദ്ധ​തി​ക​ൾ ശ​ക്ത​മാ​ക്കി​യി​ട്ടു​ണ്ട്.

ഭ​ക്ഷ​ണ​ത്തി​ന്റെ​യും മ​റ്റ് അ​വ​ശ്യ വ​സ്തു​ക്ക​ളു​ടെ​യും ല​ഭ്യ​ത ഉ​റ​പ്പാ​ക്കു​ന്ന​തി​നോ​ടൊ​പ്പം ആ​ണ​വ വി​കി​ര​ണ​വും രാ​സ അ​പ​ക​ട​ങ്ങ​ളും ത​ട​യു​ന്ന​തി​ലും ശ്ര​ദ്ധ കേ​ന്ദ്രീ​ക​രി​ക്കു​ന്നു. അ​ടി​യ​ന്ത​ര സാ​ഹ​ച​ര്യ​ങ്ങ​ൾ നേ​രി​ടാ​ൻ വ​കു​പ്പി​ന് ത​ന്ത്ര​പ​ര​മാ​യ പ​ദ്ധ​തി​യു​ണ്ട്, ഭ​ക്ഷ്യ​വ​സ്തു​ക്ക​ളു​ടെ സു​ഗ​മ​മാ​യ വി​ത​ര​ണ​വും മ​തി​യാ​യ അ​ള​വി​ലു​ള്ള ല​ഭ്യ​ത​യും ഉ​റ​പ്പാ​ക്കു​ന്ന​തി​ൽ ശ്ര​ദ്ധ കേ​ന്ദ്രീ​ക​രി​ക്കു​ന്നു​ണ്ടെ​ന്നും അ​ൽ റ​ഷീ​ദി പ​റ​ഞ്ഞു.

സ്ഥി​തി സാ​ധാ​ര​ണ​മാ​ണ്. പൊ​തു​ജ​ന​ങ്ങ​ളു​ടെ വാ​ങ്ങ​ൽ വ​ർ​ധി​ച്ചി​ട്ടി​ല്ല. എ​ല്ലാ ഇ​ന​ങ്ങ​ളും വി​ത​ര​ണ കേ​ന്ദ്ര​ങ്ങ​ളി​ൽ ല​ഭ്യ​മാ​ണ്. ആ​വ​ശ്യ​ത്തി​ന് സാ​ധ​ന​ങ്ങ​ൾ ഉ​ണ്ടെ​ന്ന് ഉ​റ​പ്പാ​ക്കാ​ൻ വ​കു​പ്പ് വി​ത​ര​ണ കേ​ന്ദ്ര​ങ്ങ​ളി​ൽ ദി​വ​സേ​ന പ​രി​ശോ​ധ​ന ന​ട​ത്തു​ന്നു​ണ്ടെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. സം​ഘ​ർ​ഷ​ത്തി​ന്റെ പ​ശ്ചാ​ത്ത​ല​ത്തി​ൽ സ്വീ​ക​രി​ക്കേ​ണ്ട മു​ൻ​ക​രു​ത​ൽ ന​ട​പ​ടി​ക​ൾ ച​ർ​ച്ച ചെ​യ്യു​ന്ന​തി​നാ​യി പ​ബ്ലി​ക് അ​തോ​റി​റ്റി ഫോ​ർ ഇ​ൻ​ഡ​സ്ട്രി​യു​ടെ അ​ടി​യ​ന്ത​ര സ​മി​തി ക​ഴി​ഞ്ഞ ദി​വ​സം യോ​ഗം ചേ​ർ​ന്നി​രു​ന്നു.

ഭ​ക്ഷ​ണം, വെ​ള്ളം, മ​രു​ന്ന് എ​ന്നി​വ​യു​ടെ ക​രു​ത​ൽ ശേ​ഖ​ര​മു​ള്ള ഇ​ട​ങ്ങ​ൾ​ക്ക് സം​ര​ക്ഷ​ണം ന​ൽ​കേ​ണ്ട​തി​ന്റെ ആ​വ​ശ്യ​ക​ത​യും ജീ​വ​ന​ക്കാ​ർ​ക്ക് സം​ര​ക്ഷ​ണം ന​ൽ​കു​ന്ന​തി​നു​ള്ള മാ​ർ​ഗ​ങ്ങ​ളും യോ​ഗം ഉ​റ​പ്പാ​ക്കി. അ​ടി​യ​ന്ത​ര സാ​ഹ​ച​ര്യ​ങ്ങ​ളി​ല്‍ വേ​ഗ​ത്തി​ലു​ള്ള പ്ര​തി​ക​ര​ണ​ത്തി​നാ​യി അ​തോ​റി​റ്റി ഹോ​ട്ട്‌​ലൈ​ന്‍ ആ​രം​ഭി​ച്ചി​ട്ടു​ണ്ട്.