അധിനിവേശകാലത്ത്​ കൊല്ലപ്പെട്ട പത്ത്​ കുവൈത്തികളെ തിരിച്ചറിഞ്ഞു

കു​വൈ​ത്ത്​ സി​റ്റി: ഇ​റാ​ഖ് അ​ധി​നി​വേ​ശ​കാ​ല​ത്ത് കാ​ണാ​താ​യ പ​ത്ത്​ കു​വൈ​ത്ത്​ പൗ​ര​ന്മാ​ർ കൊ​ല്ല​പ്പെ​ട്ട​താ​യി സ്ഥി​രീ​ക​രി​ച്ചു.ഭൗ​തി​കാ​വ​ശി​ഷ്​​ട​ങ്ങ​ളി​ൽ ന​ട​ത്തി​യ ഡി.​എ​ൻ.​എ പ​രി​ശോ​ധ​ന​യി​ലാ​ണ് മ​രി​ച്ച​വ​രെ തി​രി​ച്ച​റി​ഞ്ഞ​ത്.

ഖ​ല​ഫ്​ സ​ലാ​മ യ​ലൂ​സ്​ അ​ൽ ഇ​നീ​സി, ഷാ​ഫി മ​ഹ്​​ദി അ​ൽ സു​ബൈ​ഇ, അ​ബ്​​ദു​ൽ മു​ഹ്​​സി​ൻ മു​സ്​​ത​ഫ റ​ദ്​​ഹി അ​ൽ ഗ​ല്ലാ​ഫ്, അ​ദ്​​നാ​ൻ റാ​ഷി​ദ്​ അ​ൽ ഖ​ല​ഫ്, അ​ലി അ​മ​ൻ അ​ൽ മു​ഫ്​​ദി, ഇ​മാ​ദ്​ മു​ഹ​മ്മ​ദ്​ ഇ​ബ്​​റാ​ഹിം അ​ൽ ബ​നാ​ഇ, മു​ഹ​മ്മ​ദ്​ സാ​ലിം ബ​ർ​റാ​ക്​ അ​ൽ സ​വ്വാ​ഗ്, നാ​ജി ഫ​ഹ​ദ്​ ജാ​ഫ​ർ അ​ബ്​​ദു​ല്ല, നാ​സ​ർ ഫാ​ലി​ഹ്​ ആ​യി​ദ്​ അ​ൽ റ​ഷീ​ദി, നാ​സ​ർ മു​ഹ​മ്മ​ദ്​ ഫ​ർ​റാ​ജ്​ അ​ൽ ഇ​നീ​സി എ​ന്നി​വ​രെ​യാ​ണ്​ ഡി.​എ​ൻ.​എ പ​രി​ശോ​ധ​ന​യി​ലൂ​ടെ തി​രി​ച്ച​റി​ഞ്ഞ​ത്.

അ​ധി​നി​വേ​ശ​കാ​ല​ത്ത്​ കു​വൈ​ത്തി​ൽ​നി​ന്ന് യു​ദ്ധ​ത്ത​ട​വു​കാ​രാ​യി പി​ടി​ക്ക​പ്പെ​ട്ട​വ​രെ കൊ​ല​പ്പെ​ടു​ത്തി മ​രു​ഭൂ​മി​യി​ൽ അ​ട​ക്കം ചെ​യ്ത​താ​കാ​മെ​ന്നാ​ണ് നി​ഗ​മ​നം.1990ലെ ​ഇ​റാ​ഖ് അ​ധി​നി​വേ​ശ കാ​ല​ത്ത് 600ലേ​റെ പേ​രെ​യാ​ണ് കു​വൈ​ത്തി​ൽ​നി​ന്ന്​ കാ​ണാ​താ​യ​ത്. അ​ന്താ​രാ​ഷ്‌​ട്ര റെ​ഡ്ക്രോ​സ് സം​ഘം ഇ​റാ​ഖി​ൽ ന​ട​ത്തി​യ പ​ര്യ​വേ​ഷ​ണ​ത്തി​ലാ​ണ്​ കു​വൈ​ത്ത് യു​ദ്ധ​ത്ത​ട​വു​കാ​രു​ടേ​തെ​ന്ന്​ സം​ശ​യി​ക്കു​ന്ന ശ​രീ​രാ​വ​ശി​ഷ്​​ട​ങ്ങ​ൾ ക​ണ്ടെ​ത്തി​യ​ത്.

ഇ​റാ​ഖി​ലെ കൂ​ട്ട​ക്കു​ഴി​മാ​ട​ങ്ങ​ളി​ൽ​നി​ന്ന്, കാ​ണാ​താ​യ ചി​ല കു​വൈ​ത്തി​ക​ളു​ടെ മൃ​ത​ദേ​ഹ അ​വ​ശി​ഷ്​​ട​ങ്ങ​ൾ നേ​ര​ത്തെ ക​ണ്ടെ​ത്തി​യി​രു​ന്നു.ഡി.​എ​ൻ.​എ പ​രി​ശോ​ധ​ന​യി​ലൂ​ടെ തി​രി​ച്ച​റി​ഞ്ഞ അ​വ​ശി​ഷ്​​ട​ങ്ങ​ൾ കു​വൈ​ത്തി​ലെ​ത്തി​ച്ച് മ​റ​വ് ചെ​യ്യു​ക​യാ​ണ് അ​ന്ന് ചെ​യ്ത​ത്.