അ​സം​ബ്ലി തെ​ര​ഞ്ഞെ​ടു​പ്പ് പ​ത്രി​ക സ​മ​ർ​പ്പ​ണം അ​വ​സാ​ന​ത്തി​ലേ​ക്ക്

കു​വൈ​ത്ത് സി​റ്റി: ദേ​ശീ​യ അ​സം​ബ്ലി തെ​ര​ഞ്ഞെ​ടു​പ്പി​ലേ​ക്ക് വെ​ള്ളി​യാ​ഴ്ച 13 സ്ഥാ​നാ​ർ​ഥി​ക​ൾ പ​ത്രി​ക ന​ൽ​കി. ഇ​തോ​ടെ തെ​ര​ഞ്ഞെ​ടു​പ്പി​ൽ മ​ത്സ​ര രം​ഗ​ത്തു​ള്ള​വ​രു​ടെ എ​ണ്ണം അ​ഞ്ചു വ​നി​ത​ക​ൾ അ​ട​ക്കം 183 ആ​യി. ഒ​ന്നാം മ​ണ്ഡ​ല​ത്തി​ൽ​നി​ന്ന് ഒ​ന്ന്, ര​ണ്ടാം മ​ണ്ഡ​ല​ത്തി​ൽ ഒ​ന്ന്, മൂ​ന്നാം മ​ണ്ഡ​ല​ത്തി​ൽ ര​ണ്ട്, നാ​ലാം മ​ണ്ഡ​ല​ത്തി​ൽ നാ​ല്, അ​ഞ്ചാം മ​ണ്ഡ​ല​ത്തി​ൽ അ​ഞ്ച് എ​ന്നി​ങ്ങ​നെ​യാ​ണ് വ്യാ​ഴാ​ഴ്ച പ​ത്രി​ക സ​മ​ർ​പ്പി​ച്ച​വ​ർ. ഈ ​മാ​സം 14 വ​രെ​യാ​ണ് പ​ത്രി​ക സ​മ​ർ​പ്പി​ക്കാ​നു​ള്ള അ​വ​സ​രം. ശ​നി​യാ​ഴ്ച കൂ​ടു​ത​ൽ പേ​ർ മ​ത്സ​ര രം​ഗ​ത്തെ​ത്തു​മെ​ന്നാ​ണ് സൂ​ച​ന.

പി​രി​ച്ചു​വി​ട്ട ര​ണ്ട് അ​സം​ബ്ലി​ക​ളി​ലെ​യും അം​ഗ​ങ്ങ​ളി​ൽ ഭൂ​രി​പ​ക്ഷ​വും മ​ത്സ​രി​ക്കു​മെ​ന്ന് പ്ര​ഖ്യാ​പി​ച്ചി​ട്ടു​ണ്ട്. മു​ൻ എം.​പി​മാ​രാ​യ ഡോ. ​ഹ​സ​ൻ ജോ​ഹ​ർ, മു​ഹ​ൽ​ഹെ​ൽ അ​ൽ മു​ദാ​ഫ്, അ​ബ്ദു​ല്ല അ​ൽ മു​ദാ​ഫ്, മു​ഹ​ന്ന​ദ് അ​ൽ സ​യ​ർ എ​ന്നി​വ​ർ വ്യാ​ഴാ​ഴ്ച പ​ത്രി​ക ന​ൽ​കി. അ​തേ​സ​മ​യം, മു​ൻ സ്പീ​ക്ക​ർ​മാ​രാ​യ അ​ഹ്മ​ദ് അ​ൽ സ​ദൂ​ൻ, മ​ർ​സൂ​ഖ് അ​ൽ ഗാ​നിം എ​ന്നി​വ​ർ നി​ല​പാ​ട് അ​റി​യി​ച്ചി​ട്ടി​ല്ല. ഞാ​യ​റാ​ഴ്ച​യോ​ടെ മ​ത്സ​ര രം​ഗ​ത്തു​ള്ള​വ​രു​ടെ പൂ​ർ​ണ ചി​ത്രം തെ​ളി​യും. അ​ഞ്ചു മ​ണ്ഡ​ല​ങ്ങ​ളി​ൽ നി​ന്നാ​യി 50 പേ​രെ​യാ​ണ് ദേ​ശീ​യ അ​സം​ബ്ലി​യി​ലേ​ക്ക് തെ​ര​ഞ്ഞെ​ടു​ക്കു​ക.

2022 സെ​പ്റ്റം​ബ​ർ 29ലെ ​തെ​ര​ഞ്ഞെ​ടു​പ്പ് ഭ​ര​ണ​ഘ​ട​ന കോ​ട​തി അ​സാ​ധു​വാ​ക്കി​യ​തോ​ടെ​യാ​ണ് രാ​ജ്യം പു​തി​യ തെ​ര​ഞ്ഞെ​ടു​പ്പി​ലേ​ക്ക് നീ​ങ്ങി​യ​ത്. ഇ​തി​നി​ടെ, 2020ലെ ​ദേ​ശീ​യ അ​സം​ബ്ലി കോ​ട​തി പു​നഃ​സ്ഥാ​പി​ച്ചെ​ങ്കി​ലും അ​മീ​ർ പി​രി​ച്ചു​വി​ട്ടു. ക​ഴി​ഞ്ഞ വെ​ള്ളി​യാ​ഴ്ച​യാ​ണ് പു​തി​യ തെ​ര​ഞ്ഞെ​ടു​പ്പി​ലേ​ക്ക് പ​ത്രി​ക സ്വീ​ക​രി​ക്ക​ൽ ആ​രം​ഭി​ച്ച​ത്. ജൂ​ൺ ആ​റി​നാ​ണ് തെ​ര​ഞ്ഞെ​ടു​പ്പ്.