വിദ്യാർഥികൾക്കും അധ്യാപകർക്കും കുറഞ്ഞ നിരക്കിൽ ഇൻറർനെറ്റ്​ നൽകണമെന്ന്​ എം.പി

കുവൈത്ത്​ സിറ്റി: കോവിഡിനെതുടർന്ന്​ വിദ്യാഭ്യാസം ഒാൺലൈനിലേക്ക്​ മാറിയ സാഹചര്യത്തിൽ വിദ്യാർഥികൾക്കും അധ്യാപകർക്കും കുറഞ്ഞ നിരക്കിൽ വേഗമേറിയ ഇൻറർനെറ്റ്​ ലഭ്യമാക്ക​ണമെന്ന്​ കുവൈത്ത്​ പാർലമ​െൻറ്​ അംഗം. അലി അൽ ദഖ്​ബസി എം.പിയാണ്​ ഉന്നതവിദ്യാഭ്യാസ മന്ത്രി ഡോ. സൗദ്​ അൽ ഹർബിക്ക്​ നിർദേശം സമർപ്പിച്ചത്​. ഇതുസംബന്ധിച്ച്​ സെൻട്രൽ ഏജൻസി ഫോർ ഇൻഫർമേഷൻ ടെക്​നോളജി രാജ്യത്തെ ടെലി കമ്യൂണിക്കേഷൻ കമ്പനികളുമായി ധാരണയിലെത്തണമെന്ന്​ എം.പി ആവശ്യപ്പെട്ടു.

ഒാൺലൈൻ വിദ്യാഭ്യാസം എത്രനാൾ തുടരേണ്ടി വരുമെന്ന്​ ഇപ്പോൾ പറയാനാവില്ല. സ്​കൂളുകൾ തുറന്നാലും അറിവുനേടുന്നതിന്​ ഇൻറർനെറ്റി​​െൻറ ഉപയോഗം ഭാവിയിൽ കൂടുതലായിരിക്കും.വേഗമേറിയ ഇൻറർനെറ്റ്​ സൗകര്യം കുറഞ്ഞ നിരക്കിൽ വിദ്യാർഥികൾക്കും അധ്യാപകർക്കും ലഭ്യമാക്കേണ്ടത്​ നല്ല ഭാവിക്ക്​ അനിവാര്യമാണെന്ന്​ അദ്ദേഹം പറഞ്ഞു.