വി​ദ്യാ​ർ​ഥി ഷോ​ക്കേ​റ്റ് മ​രി​ച്ച സം​ഭ​വം; കു​വൈ​ത്ത് പ്ര​വാ​സി​യാ​യ അ​മ്മ നാ​ട്ടി​ലെ​ത്തും

കു​വൈ​ത്ത് സി​റ്റി: കൊ​ല്ലം തേ​വ​ല​ക്ക​ര കോ​വൂ​ര്‍ ബോ​യ്സ് ഹൈ​സ്കൂ​ളി​ൽ ഷോ​ക്കേ​റ്റ് മ​രി​ച്ച മി​ഥു​ന്റെ സം​സ്കാ​ര​ത്തി​ൽ പ​​ങ്കെ​ടു​ക്കാ​ൻ കു​വൈ​ത്ത് പ്ര​വാ​സി​യാ​യ മാ​താ​വ് സു​ജ നാ​ട്ടി​ലെ​ത്തും. അ​പ​ക​ടം ന​ട​ക്കു​ന്ന സ​മ​യം സു​ജ കു​വൈ​ത്തി​ലെ തൊ​ഴി​ലു​ട​മ​ക്കൊ​പ്പം തു​ർ​ക്കി​യി​ലാ​യി​രു​ന്നു. ഇ​തി​നാ​ൽ ഇ​വ​രെ വി​വ​രം അ​റി​യി​ക്കാ​ൻ വൈ​കി.

വ്യാ​ഴാ​ഴ്ച രാ​ത്രി​യാ​ണ് ദുഃ​ഖ​വാ​ർ​ത്ത മാ​താ​വി​നെ അ​റി​യി​ച്ച​ത്. തു​ട​ർ​ന്ന് ഉ​ട​ൻ നാ​ട്ടി​ലേ​ക്ക് തി​രി​ക്കാ​നു​ള്ള ക്ര​മീ​ക​ര​ണ​ങ്ങ​ൾ ഒ​രു​​ക്കു​ക​യാ​യി​രു​ന്നു. വെ​ള്ളി​യാ​ഴ്ച വൈ​കു​ന്നേ​രം ആ​റി​ന് സു​ജ തു​ർ​ക്കി​യി​ൽ​നി​ന്ന് കു​വൈ​ത്തി​ലേ​ക്ക് തി​രി​ക്കും. രാ​ത്രി 9:30ന് ​കു​വൈ​ത്തി​ലെ​ത്തും.

ശ​നി​യാ​ഴ്ച പു​ല​ർ​ച്ചെ 01.15നു​ള്ള ഇ​ൻ​ഡി​ഗോ വി​മാ​ന​ത്തി​ൽ നാ​ട്ടി​ലേ​ക്ക് പു​റ​പ്പെ​ടും. രാ​വി​ലെ 08.55ന് ​കൊ​ച്ചി അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ൽ എ​ത്തി​ച്ചേ​രു​മെ​ന്നാ​ണ് വി​വ​രം. ശ​നി​യാ​ഴ്ച വൈ​കീ​ട്ട് നാ​ലി​നാ​ണ് മി​ഥു​ന്റെ സം​സ്കാ​രം നി​ശ്ച​യി​ച്ചി​രി​ക്കു​ന്ന​ത്. രാ​വി​ലെ 10ന് ​സ്കൂ​ളി​ൽ മൃ​ത​ദേ​ഹം പൊ​തു​ദ​ർ​ശ​ന​ത്തി​ന് വെ​ക്കും.

മൂ​ന്നു മാ​സം മു​മ്പാ​ണ് സു​ജ കു​വൈ​ത്തി​ലെ​ത്തി​യ​ത്. അ​പ​ക​ട സ​മ​യം ജോ​ലി ചെ​യ്യു​ന്ന കു​ടും​ബ​ത്തി​നൊ​പ്പം തു​ർ​ക്കി​യി​ലാ​യി​രു​ന്നു. ഇ​തി​നാ​ൽ നാ​ട്ടി​ൽ​നി​ന്ന് സു​ജ​യു​ടെ ഫോ​ണി​ൽ ബ​ന്ധ​പ്പെ​ടാ​ൻ ക​ഴി​ഞ്ഞി​രു​ന്നി​ല്ല.

വ്യാ​​ഴാ​​ഴ്ച രാ​​വി​​ലെ​യാ​ണ്​ എ​​ട്ടാം ക്ലാ​​സ്​ വി​​ദ്യാ​​ർ​​ഥി​​യും തേ​​വ​​ല​​ക്ക​​ര വ​​ലി​​യ​​പാ​​ടം മി​​ഥു​​ന്‍ഭ​​വ​​നി​​ല്‍ മ​​നു​​വി​​ന്‍റെ​യും സു​ജ​യു​ടെ​യും മ​​ക​​നു​​മാ​​യ മി​​ഥു​​ൻ (13) സ്കൂ​ളി​ൽ ഷോ​​ക്കേ​​റ്റ് മ​​രി​​ച്ച​​ത്. സ്കൂ​​ൾ കെ​​ട്ടി​​ട​​ത്തോ​​ട്​ ചേ​​ർ​​ന്ന സൈ​​ക്കി​​ള്‍ ഷെ​​ഡി​​ന് മു​​ക​​ളി​​ൽ വീ​​ണ ചെ​​രി​​പ്പ് എ​​ടു​​ക്കാ​​ൻ ക​​യ​​റി​​യ​താ​യി​രു​ന്നു.