വി​ദ്യാ​ർ​ഥി ഷോ​ക്കേ​റ്റ് മ​രി​ച്ച സം​ഭ​വം; പ്ര​വാ​സ​ത്തി​ന്റെ ദുഃ​ഖ​മാ​യി മി​ഥു​നും അ​മ്മ​യും

കു​വൈ​ത്ത് സി​റ്റി: കൊ​ല്ലം തേ​​വ​​ല​​ക്ക​​ര ബോ​​യ്​​​സ്​ ഹൈ​​സ്കൂ​​ളി​​ൽ ഷോ​ക്കേ​റ്റ് മ​രി​ച്ച മി​ഥു​ന്റെ വേ​ർ​പാ​ടും അ​മ്മ സു​ജ​യു​ടെ വേ​ദ​ന​യും കു​വൈ​ത്ത് പ്ര​വാ​സി​ക​ളു​ടെ കൂ​ടി ദു:​ഖ​മാ​യി. മ​ക​ന്റെ മൃ​ത​ദേ​ഹം കാ​ണാ​ൻ ര​ണ്ടു രാ​ജ്യ​ങ്ങ​ൾ താ​ണ്ടി​യാ​ണ് അ​വ​ർ കൊ​ല്ല​ത്തെ വീ​ട്ടി​ൽ എ​ത്തി​യ​ത്. ശ​നി​യാ​ഴ്ച രാ​വി​ലെ 9.08ന് ​കൊ​ച്ചി വി​മാ​ന​ത്താ​വ​ള​ത്തി​ലി​റ​ങ്ങി. ഇ​ള​യ മ​ക​നും ബ​ന്ധു​ക്ക​ളും വി​മാ​ന​ത്താ​വ​ള​ത്തി​ലെ​ത്തി​യി​രു​ന്നു. തു​ട​ർ​ന്ന് പൊ​ലീ​സ് അ​ക​മ്പ​ടി​യി​ൽ കൊ​ല്ല​ത്തെ വീ​ട്ടി​ലേ​ക്ക് പോ​യി. ഉ​ച്ച​ക​ഴി​ഞ്ഞ് ര​ണ്ടോ​ടെ വീ​ട്ടി​ലെ​ത്തി മ​ക​ന്റെ മൃ​ത​ദേ​ഹം ക​ണ്ട സു​ജ​യു​ടെ സ​ക​ല​നി​യ​ന്ത്ര​ണ​വും ന​ഷ്ട​പ്പെ​ട്ടു.

മൂ​​ന്നു​​മാ​​സം​ മു​​മ്പാ​ണ്​ വീ​​ട്ടു​​​ജോ​​ലി​​ക്കാ​​യി സു​​ജ കു​​വൈ​​ത്തി​​ൽ എ​ത്തി​യ​ത്. മി​ഥു​ൻ അ​പ​ക​ട​ത്തി​ൽ​പെ​ട്ട സ​​മ​​യ​​ത്ത്​ അ​വ​ർ തു​​ർ​​ക്കി​യ​​യി​​ലാ​​യി​​രു​​ന്നു. ജോ​​ലി​​ചെ​​യ്യു​​ന്ന വീ​​ട്ടു​കാ​രു​മൊ​ത്ത് ഒ​​രു​​മാ​​സം മു​​മ്പാ​ണ് അ​വി​ടേ​ക്ക് പോ​​യ​​ത്. ദി​വ​സ​വും വീ​ഡി​യോ കോ​ളി​ലൂ​ടെ മ​ക്ക​ളോ​ട് സം​സാ​രി​ക്കാ​റു​ണ്ടാ​യി​രു​ന്നു. വ്യാ​​ഴാ​​ഴ്ച രാ​​വി​​ലെ 9.40നാ​യി​രു​ന്നു എ​​ട്ടാം ക്ലാ​​സ്​ വി​​ദ്യാ​​ർ​​ഥി​ മി​ഥു​ന്‍റെ (13) ദാ​രു​ണ മ​ര​ണം. വി​വ​രം സു​ജ​യെ അ​​റി​​യി​​ക്കാ​​ൻ ശ്ര​​മി​ച്ചെ​ങ്കി​ലും തു​ർ​ക്കി​യ​യി​ലാ​യതി​നാ​ൽ കി​ട്ടി​യി​ല്ല. ഒ​​ടു​​വി​​ൽ വ്യാ​​ഴാ​​ഴ്ച രാ​​ത്രി​​യാ​​ണ്​ വി​​വ​​ര​​മ​​റി​യി​ക്കാ​നാ​യ​ത്.

ഉ​ട​ൻ നാ​ട്ടി​ലേ​ക്ക് തി​രി​ക്കാ​നു​ള്ള ക്ര​മീ​ക​ര​ണം ഒ​രു​ക്കി. വെ​ള്ളി​യാ​ഴ്ച വൈ​കു​ന്നേ​രം ആ​റി​ന് തു​ർ​ക്കി​യ​യി​ൽ നി​ന്ന് കു​വൈ​ത്തി​ലേ​ക്ക് തി​രി​ച്ചു. ശ​നി​യാ​ഴ്ച പു​ല​ർ​ച്ച 01.15നു​ള്ള ഇ​ൻ​ഡി​ഗോ വി​മാ​ന​ത്തി​ൽ നാ​ട്ടി​ലേ​ക്ക് പു​റ​പ്പെ​ട്ടു. രാ​വി​ലെ കൊ​ച്ചി അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ൽ എ​ത്തി. ശ​നി​യാ​ഴ്ച വൈ​കീ​ട്ട് നാ​ലോ​ടെ സം​സ്ക്ാ​ര ച​ട​ങ്ങു​ക​ൾ ആ​രം​ഭി​ച്ചു.