ശ​നി​യാ​ഴ്ച വ​രെ കാ​റ്റ്; ശ​ക്ത​മാ​യ കാ​റ്റ് തു​ട​രു​മെ​ന്ന് മു​ന്ന​റി​യി​പ്പ്

കു​വൈ​ത്ത് സി​റ്റി: രാ​ജ്യ​ത്ത് വ​രും ദി​വ​സ​ങ്ങ​ളി​ൽ ശ​ക്ത​മാ​യ കാ​റ്റ് തു​ട​രു​മെ​ന്ന് മു​ന്ന​റി​യി​പ്പ്. ശ​നി​യാ​ഴ്ച വ​രെ കാ​റ്റ് തു​ട​രു​മെ​ന്ന് പ്ര​തീ​ക്ഷി​ക്കു​ന്ന​താ​യി കാ​ലാ​വ​സ്ഥാ വ​കു​പ്പ് ആ​ക്ടി​ങ് ഡ​യ​റ​ക്ട​ർ ധ​രാ​ർ അ​ൽ അ​ലി അ​റി​യി​ച്ചു.

പ​ക​ൽ സ​മ​യ​ത്തെ കാ​റ്റി​ന്റെ വേ​ഗ​ത മ​ണി​ക്കൂ​റി​ൽ 55 കി​ലോ​മീ​റ്റ​റി​ൽ കൂ​ടു​ത​ലാ​കു​മെ​ന്നാ​ണ് സൂ​ച​ന. ഇ​ത് തു​റ​സ്സാ​യ പ്ര​ദേ​ശ​ങ്ങ​ളി​ൽ തി​ര​ശ്ചീ​ന ദൃ​ശ്യ​പ​ര​ത കു​റ​യാ​ൻ കാ​ര​ണ​മാ​കും. രാ​ത്രി​കാ​ല​ങ്ങ​ളി​ൽ കാ​റ്റി​ന്റെ വേ​ഗ​ത​യി​ൽ നേ​രി​യ കു​റ​വു​ണ്ടാ​കും. ചി​ല പ്ര​ദേ​ശ​ങ്ങ​ളി​ൽ, പ്ര​ത്യേ​കി​ച്ച് മ​രു​ഭൂ​മി പ്ര​ദേ​ശ​ങ്ങ​ളി​ൽ മ​ണി​ക്കൂ​റി​ൽ 40 കി​ലോ​മീ​റ്റ​ർ വേ​ഗ​ത​യി​ൽ കാ​റ്റ് വീ​ശാം. ദൃ​ശ്യ​പ​ര​ത കു​റ​യു​ന്ന​തി​നാ​ൽ വാ​ഹ​ന​മോ​ടി​ക്കു​ന്ന​വ​ർ ശ്ര​ദ്ധി​ക്ക​ണം.തി​ര​മാ​ല​ക​ൾ ആ​റ് അ​ടി​ക്ക് മു​ക​ളി​ൽ ഉ​യ​രാ​ൻ സാ​ധ്യ​ത​യു​ള്ള​തി​നാ​ൽ ക​ട​ൽ യാ​ത്ര​ക്കാ​ർ ജാ​ഗ്ര​ത പാ​ലി​ക്ക​ണം.

അ​തേ​സ​മ​യം, ബു​ധ​നാ​ഴ്ച രാ​വി​ലെ കാ​റ്റ് ആ​രം​ഭി​ക്കു​മെ​ന്ന് കാ​ലാ​വ​സ്ഥാ ഭൂ​പ​ട​ങ്ങ​ൾ സൂ​ചി​പ്പി​ച്ചി​രു​ന്നു​വെ​ങ്കി​ലും ശ​ക്തി​പ്പെ​ട്ടി​ല്ല. ഞാ​യ​റാ​ഴ്ച രാ​ത്രി ശ​ക്ത​മാ​യ പൊ​ടി​ക്കാ​റ്റി​ന് രാ​ജ്യം സാ​ക്ഷി​യാ​യി​രു​ന്നു.കൃ​ത്യ​മാ​യ കാ​ലാ​വ​സ്ഥാ വി​വ​ര​ങ്ങ​ൾ​ക്ക് കാ​ലാ​വ​സ്ഥാ വ​കു​പ്പി​ന്റെ ഔ​ദ്യോ​ഗി​ക വെ​ബ്‌​സൈ​റ്റ്, മൊ​ബൈ​ൽ ആ​പ്ലി​ക്കേ​ഷ​ൻ, സോ​ഷ്യ​ൽ മീ​ഡി​യ ചാ​ന​ലു​ക​ൾ എ​ന്നി​വ പി​ന്തു​ട​രാ​ൻ ധ​രാ​ർ അ​ൽ അ​ലി അ​ഭ്യ​ർ​ഥി​ച്ചു.