താ​മ​സ, തൊ​ഴി​ൽ നി​യ​മം ലം​ഘി​ച്ച തെ​രു​വുക​ച്ച​വ​ട​ക്കാ​ർ പി​ടി​യി​ൽ

കു​വൈ​ത്ത് സി​റ്റി: താ​മ​സ, തൊ​ഴി​ൽ നി​യ​മ​ങ്ങ​ൾ ലം​ഘി​ച്ച നി​ര​വ​ധി തെ​രു​വു ക​ച്ച​വ​ട​ക്കാ​ർ അ​റ​സ്റ്റി​ൽ. ജ​ന​റ​ൽ അ​ഡ്മി​നി​സ്ട്രേ​ഷ​ൻ ഓ​ഫ് റ​സി​ഡ​ൻ​സി അ​ഫ​യേ​ഴ്സ് ഇ​ൻ​വെ​സ്റ്റി​ഗേ​ഷ​ൻ ന​ട​ത്തി​യ പ​രി​ശോ​ധ​ന​യി​ലാ​ണ് ന​ട​പ​ടി. അ​റ​സ്റ്റി​ലാ​യ​വ​ർ വി​വി​ധ രാ​ജ്യ​ങ്ങ​ളി​ൽ നി​ന്നു​ള്ള​വ​രാ​ണ്.

ഇ​വ​ർ​ക്കെ​തി​രെ ആ​വ​ശ്യ​മാ​യ നി​യ​മ​ന​ട​പ​ടി​ക​ൾ സ്വീ​ക​രി​ക്കു​ന്ന​തി​ന് ബ​ന്ധ​പ്പെ​ട്ട വി​ഭാ​ഗ​ങ്ങ​ൾ​ക്ക് കൈ​മാ​റി. നി​യ​മ​ലം​ഘ​ക​ർ​ക്കെ​തി​രെ ക​ർ​ശ​ന ന​ട​പ​ടി സ്വീ​ക​രി​ക്കു​മെ​ന്ന് അ​ധി​കൃ​​ത​ർ മു​ന്ന​റി​യി​പ്പു ന​ൽ​കി.

തെ​രു​വ് ക​ച്ച​വ​ടം ശ്ര​ദ്ധ​യി​ൽ​പെ​ട്ടാ​ൽ 97288211 - 97288200 അ​ല്ലെ​ങ്കി​ൽ 24 മ​ണി​ക്കൂ​റും പ്ര​വ​ർ​ത്തി​ക്കു​ന്ന എ​മ​ർ​ജ​ൻ​സി ഫോ​ണി​ൽ (112) റി​പ്പോ​ർ​ട്ട് ചെ​യ്യാ​ൻ ആ​ഭ്യ​ന്ത​ര മ​ന്ത്രാ​ല​യം ആ​ഹ്വാ​നം ചെ​യ്തു.

തെ​രു​വ് ക​ച്ച​വ​ട​ത്തി​നെ​തി​രെ മ​ന്ത്രാ​ല​യം ശ​ക്ത​മാ​യ മു​ന്ന​റി​യി​പ്പ് ന​ൽ​കി. ക​വ​ല​ക​ളി​ലോ പൊ​തു​സ്ഥ​ല​ങ്ങ​ളി​ലോ ക​ച്ച​വ​ടം ചെ​യ്തു പി​ടി​ക്ക​പ്പെ​ട്ടാ​ൽ അ​വ​ർ​ക്കെ​തി​രെ ന​ട​പ​ടി​യെ​ടു​ക്കാ​ൻ ബ​ന്ധ​പ്പെ​ട്ട അ​ധി​കാ​രി​ക​ൾ​ക്ക് കൈ​മാ​റു​മെ​ന്നും വ്യ​ക്ത​മാ​ക്കി. രാ​ജ്യ​ത്ത് താ​മ​സ നി​യ​മ​വും തൊ​ഴി​ൽ നി​യ​മ​ങ്ങ​ളും ലം​ഘി​ക്കു​ന്ന​വ​ർ​ക്കെ​തി​രെ ക​ർ​ശ​ന പ​രി​ശോ​ധ​ന​ക​ൾ ന​ട​ന്നു​വ​ന്നി​രു​ന്നു. ക​ഴി​ഞ്ഞ വ​ർ​ഷം ഇ​ത്ത​ര​ത്തി​ൽ പി​ടി​ക്ക​പ്പെ​ട്ട നി​ര​വ​ധി പേ​രെ​യാ​ണ് രാ​ജ്യ​ത്തു​നി​ന്ന് ക​യ​റ്റി അ​യ​ച്ച​ത്.