സ്പെ​ഷ​ൽ ഒ​ളി​മ്പി​ക്സ് വേ​ൾ​ഡ് വി​ന്റ​ർ ഗെ​യിം​സ് കു​വൈ​ത്തി​ന് സ്വ​ർ​ണ​വും വെ​ങ്ക​ല​വും

കു​വൈ​ത്ത് സി​റ്റി: ഇ​റ്റ​ലി​യി​ൽ ന​ട​ക്കു​ന്ന സ്പെ​ഷ​ൽ ഒ​ളി​മ്പി​ക്സ് വേ​ൾ​ഡ് വി​ന്റ​ർ ഗെ​യിം​സി​ൽ കു​വൈ​ത്തി​ന്റെ ശ്ര​ദ്ധേ​യ പ്ര​ക​ട​നം. ഗെ​യിം​സി​ൽ കു​വൈ​ത്ത് ഒ​രു സ്വ​ർ​ണ​വും ഒ​രു വെ​ങ്ക​ല​വും നേ​ടി. 50 മീ​റ്റ​ർ സ്നോ​ബോ​ർ​ഡി​ങ് ഇ​ന​ത്തി​ലാ​ണ് കു​വൈ​ത്തി​ന്റെ നേ​ട്ടം.

ഈ ​ഇ​ന​ത്തി​ൽ കു​വൈ​ത്തി​ന്റെ ഹ​ജ​ർ അ​ൽ റാ​ഷി​ദി സ്വ​ർ​ണ​വും അ​ബ്ദു​ല്ല അ​ൽ അ​ലി വെ​ങ്ക​ല​വും നേ​ടി. ശ​നി​യാ​ഴ്ച 100 മീ​റ്റ​ർ മ​ത്സ​ര​ത്തി​ലും ഇ​രു​വ​രും പ​​​ങ്കെ​ടു​ക്കും. 100 മീ​റ്റ​ർ ക്രോ​സ് ക​ൺ​ട്രി സ്കീ​യി​ങ് മ​ത്സ​ര​ത്തി​ൽ കു​വൈ​ത്തി​ന്റെ മ​റി​യം തി​യാ​ബും മ​ത്സ​രി​ക്കു​ന്നു​ണ്ട്.

സ്‌​പെ​ഷ​ൽ ഒ​ളി​മ്പി​ക്‌​സ് ലോ​ക ശൈ​ത്യ​കാ​ല ഗെ​യിം​സി​ന് ഇ​റ്റ​ലി​യി​ൽ തു​ട​ക്ക​മാ​യി. ഈ​മാ​സം എ​ട്ടി​ന് ആ​രം​ഭി​ച്ച സ്പെ​ഷ​ൽ ഒ​ളി​മ്പി​ക്സ് ശ​നി​യാ​ഴ്ച സ​മാ​പി​ക്കും.

100 രാ​ജ്യ​ങ്ങ​ളി​ൽ നി​ന്നു​ള്ള 1,500ഓ​ളം അ​ത്‌​ല​റ്റു​ക​ൾ ഗെ​യിം​സി​ൽ പ​ങ്കെ​ടു​ക്കു​ന്നു​ണ്ട്. ഒ​ളി​മ്പി​ക്സി​ൽ കു​വൈ​ത്തി​നെ പ്ര​തി​നി​ധീ​ക​രി​ച്ച് മൂ​ന്ന് അ​ത്‌​ല​റ്റു​ക​ളാ​ണ് പ​​​ങ്കെ​ടു​ക്കു​ന്ന​ത്. ബു​ദ്ധി​പ​ര​മാ​യ വൈ​ക​ല്യ​മു​ള്ള വ്യ​ക്തി​ക​ളെ സ​മൂ​ഹ​വു​മാ​യി സം​യോ​ജി​പ്പി​ക്കു​ക, അ​വ​രു​ടെ ക​ഴി​വു​ക​ൾ വി​ക​സി​പ്പി​ക്കു​ക, മ​ത്സ​ര അ​ന്ത​രീ​ക്ഷം വ​ള​ർ​ത്തു​ക എ​ന്നി​വ​യാ​ണ് സ്പെ​ഷ​ൽ ഒ​ളി​മ്പി​ക്സ് വേ​ൾ​ഡ് വി​ന്റ​ർ ഗെ​യിം​സി​ന്റെ ല​ക്ഷ്യം.