സോക്കർ കേരള സോക്കർ ഫെസ്റ്റ്: അൽ ശബാബ് എഫ്‌.സി ജേതാക്കൾ

കുവൈത്ത് സിറ്റി: ഷിഫ അൽജസീറ സോക്കർ കേരള കെഫാക്കുമായി സഹകരിച്ചു നടത്തിയ സെവൻ എ സൈഡ് ഫുട്ബാൾ ടൂർണമെന്റ് ട്രൈ ഈസ്റ്റ് സോക്കർ ഫെസ്റ്റ് 2022ൽ അൽ ശബാബ് എഫ്‌.സി ജേതാക്കളായി. ഫൈനലിൽ യങ് ഷൂട്ടേർസ് അബ്ബാസിയയെ പരാജയപ്പെടുത്തിയാണ് അൽ ശബാബ് എഫ്‌.സി, കെഫാക്ക് സീസൺ- 9ലെ ആദ്യ കിരീടം സ്വന്തമാക്കിയത്. ഇന്നൊവേറ്റിവ് ട്രിവാൻഡ്രം എഫ്‌.സി മൂന്നാം സ്ഥാനം നേടി. ടൂർണമെന്റിലെ ഫയർ പ്ലേ അവാർഡിന് ഹിമായ ഫ്ലൈറ്റേഴ്‌സ് എഫ്‌.സിയെ തിരഞ്ഞെടുത്തു.

പ്ലെയർ ഓഫ് ദി ടൂർണമെന്റ് - അബ്ദുൽ റഹ്‌മാൻ (യങ് ഷൂട്ടേർസ് അബ്ബാസിയ), ബെസ്റ്റ് ഡിഫൻഡർ -ആന്റണി (അൽശബാബ് എഫ്‌.സി), ടോപ് സ്‌കോറർ -ഹാഷിർ (അൽശബാബ് എഫ്‌.സി), ബെസ്റ്റ് ഗോൾകീപ്പർ - ഹാഷിക് (യങ് ഷൂട്ടേർസ് അബ്ബാസിയ), എമേർജിങ് പ്ലെയർ -ഇബ്രാഹിം (ഹിമായ ഫ്ലൈറ്റേഴ്സ് എഫ്‌.സി )എന്നിവരെ തിരഞ്ഞെടുത്തു.

വിജയികൾക്ക് സുബൈർ, റെക്സി വില്യംസ്, വർഷ രവി, സൈമൺ, ലൂസിയ വില്യംസ് എന്നിവർ ട്രോഫികൾ സമ്മാനിച്ചു. ടൂർണമെന്റിലെ മുഖ്യാതിഥികളായി ജാസിം (യുനൈറ്റഡ് നാഷനൽ ഫാക്ടറി), മുന്തസിർ മജീദ് (വൈസ് ചെയർമാൻ- ഷിഫ അൽജസീറ മെഡിക്കൽ ഗ്രൂപ് കുവൈത്ത്), സുബൈർ മുസ്ലറിയകത്തു (ജനറൽ മാനേജർ -ഷിഫ അൽജസീറ ഫർവാനിയ), വർഷ രവി (ഹ്യൂമൻ റിസോഴ്സസ് ഹെഡ് -ഷിഫ അൽജസീറ ഫർവാനിയ), ലൂസിയ വില്യംസ് (ഡെപ്യൂട്ടി ജനറൽ മാനേജർ -അൽ നഹ്ദി ക്ലിനിക്ക് ജലീബ്), റെക്സി വില്യംസ് (ബ്രാൻഡ് മാനേജർ -ചെറി), സൈമൺ (ജോയ് ആലുക്കാസ്), ബിജു ജോണി (കെഫാക് പ്രസിഡന്റ്), തോമസ് (ട്രഷറർ -കെഫാക്), ടി.വി. സിദ്ദീഖ്, ജോർജ് ജോസഫ്, കെഫാക് മാനേജ്‌മെന്റ് കമ്മിറ്റി അംഗങ്ങൾ, സോക്കർ കേരള ടീം മാനേജ്‌മെന്റ് കമ്മിറ്റി അംഗങ്ങൾ തുടങ്ങിയവർ പങ്കെടുത്തു.