എസ്.എം.സി.എ കേരളപ്പിറവി ദിനാഘോഷം സംഘടിപ്പിച്ചു

കുവൈത്ത്​ സിറ്റി: കുവൈത്ത്​ എസ്​.എം.സി.എ മലയാളം മിഷൻ മേഖലാ കേന്ദ്രത്തി​െൻറ ആഭിമുഖ്യത്തിൽ കേരളപ്പിറവി ദിനാഘോഷവും മലയാള മാസാചരണ വിളംബരവും സംഘടിപ്പിച്ചു. അമ്മിഞ്ഞ പാലിനോളം മാധുര്യമുള്ള മാതൃഭാഷയിലൂടെ മാത്രമേ സ്വത്വബോധവും സാംസ്കാരികതനിമയും നിലനിർത്തുവാൻ സാധിക്കുകയുള്ളൂവെന്ന് മാധ്യമപ്രവർത്തകനും ഗ്ലോബൽ മലയാളി പ്രസ് ക്ലബ് പ്രസിഡൻറുമായ ജോർജ്ജ് എബ്രഹാം കള്ളിവയലിൽ ഉദ്​ഘാടന പ്രസംഗത്തിൽ പറഞ്ഞു. മലയാള മാസാചരണത്തി​െൻറയും രചന പൂരത്തി​െൻറയും പോസ്​റ്ററുകൾ അദ്ദേഹം പ്രകാശനം ചെയ്തു.

മലയാളം അധ്യാപകൻ ടോമി സിറിയക് സുവർണ്ണ തൂലിക രണ്ടാംഘട്ടം അവതരിപ്പിച്ചു. നവംബർ ഒന്നാം തീയതി ഓൺലൈനിൽ നടന്ന ചടങ്ങിൽ എസ്.എം.സി.എ വൈസ് പ്രസിഡൻറ്​ ഷാജിമോൻ ഈരേത്ര അധ്യക്ഷത വഹിച്ചു. ജനറൽ സെക്രട്ടറി അഭിലാഷ് അരീകുഴിയിൽ സ്വാഗതവും ട്രഷറർ സാലു പീറ്റർ നന്ദിയും പറഞ്ഞു. കോഒാഡിനേറ്റർ ബോബി തോമസ്, വിപിൻ മാത്യു എന്നിവർ സംസാരിച്ചു. മലയാള മാസാചരണത്തി​െൻറ ഉദ്ഘാടനം വെള്ളിയാഴ്ച വൈകുന്നേരം 6.30ന് കഥാകാരൻ ജോസെലെറ്റ് ഓൺലൈനിൽ നിർവഹിക്കും.