ചെറിയ മഴ തുടങ്ങി കാലാവസ്ഥ ഇന്നുമുതൽ സ്ഥിരത കൈവരിച്ചേക്കും

കുവൈത്ത്​ സിറ്റി: കുവൈത്തിൽ ശനിയാഴ്​ച രാത്രി ചെറിയ തോതിൽ മഴ ആരംഭിച്ചു. ഞായറാഴ്​ച മുതൽ കാലാവസ്ഥ സ്ഥിരത കൈവരിക്കുമെന്നാണ്​ കാലാവസ്ഥാ വകുപ്പി​​​െൻറയും പ്രമുഖ പ്രവചകന്മാരുടെയും പ്രവചനം. അതേസമയം, നേരത്തേ പ്രവചിക്കപ്പെട്ട പോലെ വെള്ളിയാഴ്​ച കനത്ത മഴ ഉണ്ടായില്ല. വെള്ള​പ്പൊക്കത്തിന്​ കാരണമാവുന്ന കനത്ത മഴ വെള്ളിയാഴ്​ച മുതൽ ഞായറാഴ്​ച വരെ ഉണ്ടാവുമെന്നായിരുന്നു പ്രവചനം. അന്തരീക്ഷം മൂടിക്കെട്ടിനിന്നതല്ലാതെ കാര്യമായ മഴ പെയ്​തില്ല.

പ്രവചനത്തി​​​െൻറ അടിസ്ഥാനത്തിൽ സർക്കാർ സംവിധാനങ്ങൾ സർവ സന്നാഹവുമായി കാത്തിരു​ന്നെങ്കിലും ഒന്നും വേണ്ടിവന്നില്ല.
ശനിയാഴ്​ച രാത്രി മഴ ആരംഭിച്ചതോടെ നേരത്തെ വെള്ളപ്പൊക്കമുണ്ടായ സെവൻത്​ റിങ്​ റോഡ്​ അൽപനേരം അടച്ചി​െട്ടങ്കിലും വൈകാതെ തുറന്നുകൊടുത്തു. പൊലീസും അഗ്​നിശമന വിഭാഗവും നാഷനൽ ഗാർഡും മുനിസിപ്പാലിറ്റിയും ഇപ്പോഴും ജാഗ്രത കൈവിട്ടിട്ടില്ല.
കഴിഞ്ഞയാഴ്​ചത്തെ വെള്ളപ്പൊക്കത്തി​​​െൻറ അനുഭവം മുന്നിലുള്ളത്​ കൊണ്ട്​ അന്തരീക്ഷം പൂർണമായി തെളിയുന്നത്​ വരെ പൂർണ ജാഗ്രതയിലാണ്​ അധികൃതർ.