ഓൾ ഇന്ത്യ ഏകദിന സെവൻസ്: സിയസ്കോ എഫ്.സി ചാമ്പ്യന്മാർ
text_fieldsകുവൈത്ത് സിറ്റി: കേരള ദുരിതാശ്വാസ നിധിയിലേക്കുള്ള ധനശേഖരണാർഥം കുവൈത്തിലെ പ്രമുഖ ഫുട്ബാൾ ക്ലബായ എ.െക.എഫ്.സി സംഘടിപ്പിച്ച ഓൾ ഇന്ത്യ ഏകദിന സെവൻസ് ഫുട്ബാൾ ടൂർണമെൻറ് ‘സമ്മർ ഷോഡൗണിൽ’ സിയസ്കോ എഫ്.സി ചാമ്പ്യന്മാരായി.
കുവൈത്തിലെ 18 പ്രമുഖ ഇന്ത്യൻ ക്ലബുകളെ അണിനിരത്തി ബയാൻ ഗ്രൗണ്ടിൽ നടന്ന ടൂർണമെൻറിൽ കരുത്തരായ ബിഗ്ബോയ്സ് എഫ്.സിയെ ഫൈനലിൽ എതിരില്ലാത്ത രണ്ടു ഗോളുകൾക്ക് പരാജയപ്പെടുത്തിയാണ് സിയസ്കോ ജേതാക്കളായത്.
ഗോവൻ ക്ലബ് ഫാത്തിമ ബോയ്സിനാണ് മൂന്നാം സ്ഥാനം. ബ്ലാസ്റ്റേഴ്സ് എഫ്.സി നാലാം സ്ഥാനവും ഫെയർ പ്ലേ അവാർഡും സ്വന്തമാക്കി. ടൂർണമെൻറിലെ മികച്ച താരമായി ബ്ലാസ്റ്റേഴ്സ് എഫ്.സിയുടെ ബാസിമിനെയും മികച്ച പ്രതിരോധ നിര താരമായി സിയസ്കോ എഫ്.സിയുടെ ക്യാപ്റ്റൻ ഡാനിഷിനേയും, മികച്ച ഗോൾ കീപ്പറായി ബിഗ് ബോയ്സ് എഫ്.സിയുടെ നൗഫലിനെയും തെരഞ്ഞടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.