കുവൈത്ത്​ മഹാ ഇടവകയുടെ മൊബൈൽ ആപ് പ്രകാശനം

കുവൈത്ത്​ സിറ്റി: സെൻറ്​ ഗ്രീഗോറിയോസ്‌ ഇന്ത്യൻ ഓർത്തഡോക്സ്‌ മഹാഇടവകയുടെ എല്ലാ സേവനങ്ങളും ഓൺലൈനായി ലഭ്യമാക്കുന്ന പുതിയ മൊബൈൽ ആപ്ലിക്കേഷൻ പുറത്തിറങ്ങി. ഇടവകയുടെ പ്രവർത്തനങ്ങളും അറിയിപ്പുകളും അംഗങ്ങളിൽ എത്തിക്കാൻ തയാറാക്കിയ മൊബൈൽ ആപ്പി​െൻറ പ്രകാശനം ഇടവക വികാരി ഫാ. ജിജു ജോർജ് നിർവഹിച്ചു.

നാഷനൽ ഇവാഞ്ചലിക്കൽ ചർച്ചിൽ നടന്ന ചടങ്ങിൽ സഹവികാരി ഫാ. ലിജു പൊന്നച്ചൻ, ട്രഷറർ മോണിഷ്‌ പി. ജോർജ്​, സെക്രട്ടറി ജിജി ജോൺ, മൊബൈൽ ആപ്പി​െൻറ പ്രവർത്തനങ്ങൾക്ക്‌ നേതൃത്വം നൽകിയ ഗ്രീഗോറിയൻ ടീമിലും ഇടവക ഭരണസമിതിയിലും അംഗങ്ങളായ സിബി അലക്സാണ്ടർ, ജുബിൻ പി. ഉമ്മൻ, ദിലീപ്‌ മാത്യു ജോൺ, ജിബു ജേക്കബ്‌, ജയിംസ്‌ പീറ്റർ എന്നിവർ പങ്കെടുത്തു. കൂടുതൽ സേവനങ്ങൾകൂടി വൈകാതെ ആപ്പിൽ ലഭ്യമാകും.