സൈ​ന്യ​വും പൊ​ലീ​സും സം​യു​ക്ത സൈ​നി​കാ​ഭ്യാ​സം ന​ട​ത്തി

കു​വൈ​ത്ത് സി​റ്റി: കു​വൈ​ത്ത് സൈ​ന്യ​വും പൊ​ലീ​സും സം​യു​ക്ത സൈ​നി​കാ​ഭ്യാ​സം ന​ട​ത്തി. വെ​ടി​ക്കോ​പ്പു​ക​ളും സ്‌​ഫോ​ട​ക വ​സ്തു​ക്ക​ളും ഉ​ൾ​പ്പെ​ടു​ന്ന ഫീ​ൽ​ഡ് അ​ഭ്യാ​സ​ങ്ങ​ളാ​ണ് പ​രി​ശീ​ല​ന​ത്തി​ൽ ഉ​ൾ​പ്പെ​ടു​ത്തി​യി​രു​ന്ന​ത്. ആ​ഭ്യ​ന്ത​ര മ​ന്ത്രാ​ല​യം അ​ണ്ട​ർ​സെ​ക്ര​ട്ട​റി, ലെ​ഫ്റ്റ​ന​ന്റ് ജ​ന​റ​ൽ ശൈ​ഖ് സാ​ലിം അ​ൽ ന​വാ​ഫ് അ​സ്സ​ബാ​ഹ് ഉ​ദ്ഘാ​ട​നം ചെ​യ്തു.

സു​ര​ക്ഷ ഏ​ജ​ൻ​സി​ക​ൾ ത​മ്മി​ൽ ഏ​കോ​പ​ന​മു​ണ്ടാ​ക്കാ​നും രാ​ജ്യ സു​ര​ക്ഷ ഉ​റ​പ്പു​വ​രു​ത്താ​നും വി​വി​ധ ഭീ​ഷ​ണി​ക​ളും പെ​ട്ടെ​ന്നു​ണ്ടാ​കു​ന്ന വെ​ല്ലു​വി​ളി​ക​ൾ നേ​രി​ടാ​നും ഇ​ത്ത​രം സം​യു​ക്ത പ​രി​ശീ​ല​ന​വും അ​ഭ്യാ​സ പ്ര​ക​ട​ന​ങ്ങ​ളും അ​നി​വാ​ര്യ​മാ​ണെ​ന്ന് അ​ദ്ദേ​ഹം പ​റ​ഞ്ഞു.

‘ഹോം ​ലാ​ൻ​ഡ് ഷീ​ൽ​ഡ് 2’ എ​ന്ന പേ​രി​ൽ ഫൈ​ല​ക ദ്വീ​പി​ലാ​ണ് അ​ഭ്യാ​സം ന​ട​ത്തി​യ​ത്. ആ​ഭ്യ​ന്ത​ര മ​ന്ത്രാ​ല​യം അ​സി​സ്റ്റ​ന്റ് അ​ണ്ട​ർ സെ​ക്ര​ട്ട​റി മേ​ജ​ർ ജ​ന​റ​ൽ അ​ബ്ദു​ല്ല സ​ഫാ​ഹ് അ​ൽ മു​ല്ല, ബ്രി​ഗേ​ഡി​യ​ർ ജ​ന​റ​ൽ ബ​റാ​ക് അ​ബ്ദു​ൽ മു​ഹ്സി​ൻ അ​ൽ ഫ​ർ​ഹാ​ൻ, ഉ​ന്ന​ത സൈ​നി​ക നേ​തൃ​ത്വം തു​ട​ങ്ങി​യ​വ​ർ സം​ബ​ന്ധി​ച്ചു.