സുരക്ഷ പരിശോധന തുടരുന്നു; നിരവധി പേർ പിടിയിൽ

കു​വൈ​ത്ത് സി​റ്റി: കു​വൈ​ത്തി​ൽ താ​മ​സ​നി​യ​മ​ലം​ഘ​ക​രെ ല​ക്ഷ്യ​മി​ട്ടു​ള്ള സു​ര​ക്ഷ കാ​മ്പ​യി​നി​ന്റെ ഭാ​ഗ​മാ​യി പ​രി​ശോ​ധ​ന തു​ട​രു​ന്നു. ഫ​ർ​വാ​നി​യ​യി​ൽ മൂ​ന്നാം ദി​വ​സ​വും ക​ർ​ശ​ന പ​രി​ശോ​ധ​ന ന​ട​ന്നു. ക​ഴി​ഞ്ഞ ദി​വ​സ​ങ്ങ​ളി​ൽ ഫ​ർ​വാ​നി​യ, അ​ൽ അ​ഹ​മ്മ​ദി ഗ​വ​ർ​ണ​റേ​റ്റു​ക​ളി​ൽ പൊ​ലീ​സ് മി​ന്ന​ൽ പ​രി​ശോ​ധ​ന ന​ട​ത്തി​യി​രു​ന്നു. അ​ഹ​മ്മ​ദി ഗ​വ​ർ​ണ​റേ​റ്റ് പ​രി​ധി​യി​ൽ​നി​ന്ന് 87 പേ​രും ഫ​ർ​വാ​നി​യ ഗ​വ​ർ​ണ​റേ​റ്റി​ൽ​നി​ന്ന് 36 പേ​രും ബു​ധ​നാ​ഴ്ച പി​ടി​യി​ലാ​യി. ട്രാ​ഫി​ക് ആ​ൻ​ഡ് ഓ​പ​റേ​ഷ​ൻ​സ്, പൊ​തു​സു​ര​ക്ഷ വി​ഭാ​ഗ​ങ്ങ​ൾ സം​യു​ക്ത​മാ​യി മ​ഹ്ബൂ​ല, ഖൈ​ത്താ​ൻ, ജ​ലീ​ബ് അ​ൽ ശു​യൂ​ഖ് എ​ന്നി​വി​ട​ങ്ങ​ളി​ലും ക​ഴി​ഞ്ഞ ദി​വ​സ​ങ്ങ​ളി​ൽ മി​ന്ന​ൽ പ​രി​ശോ​ധ​ന ന​ട​ത്തി.

ഗ​താ​ഗ​ത, ഓ​പ​റേ​ഷ​ൻ വി​ഭാ​ഗം അ​ണ്ട​ർ സെ​ക്ര​ട്ട​റി ജ​മാ​ൽ അ​ൽ സാ​യി​ഗ്, പൊ​തു​സു​ര​ക്ഷ വി​ഭാ​ഗം അ​ണ്ട​ർ സെ​ക്ര​ട്ട​റി മേ​ജ​ർ ജ​ന​റ​ൽ അ​ബ്‍ദു​ല്ല അ​ൽ റ​ജീ​ബ് എ​ന്നി​വ​രു​ടെ നേ​രി​ട്ടു​ള്ള മേ​ൽ​നോ​ട്ട​ത്തി​ലാ​യി​രു​ന്നു പ​രി​ശോ​ധ​ന. താ​മ​സ​രേ​ഖ​ക​ൾ ഇ​ല്ലാ​ത്ത​വ​ർ, ഒ​ളി​ച്ചോ​ട്ട​ക്കേ​സു​ക​ളി​ൽ ഉ​ൾ​പ്പെ​ട്ട​വ​ർ, ഇ​ഖാ​മ കാ​ലാ​വ​ധി അ​വ​സാ​നി​ച്ച​വ​ർ എ​ന്നി​വ​രെ സം​ഘം പി​ടി​കൂ​ടി. പ​ത്തു ദി​വ​സ​ത്തി​ല​ധി​ക​മാ​യി തു​ട​രു​ന്ന സു​ര​ക്ഷ കാ​മ്പ​യി​നി​ൽ ഇ​തു​വ​രെ നൂ​റു​ക​ണ​ക്കി​ന് പേ​ർ പൊ​ലീ​സ് ക​സ്റ്റ​ഡി​യി​ലാ​യി​ട്ടു​ണ്ട്. ഇ​വ​രെ നി​യ​മ ന​ട​പ​ടി​ക​ൾ​ക്ക് ശേ​ഷം നാ​ടു​ക​ട​ത്തും.

രാ​ജ്യ​ത്തെ അ​ന​ധി​കൃ​ത താ​മ​സ​ക്കാ​രെ മു​ഴു​വ​ൻ പി​ടി​കൂ​ടി നാ​ടു​ക​ട​ത്തു​ന്ന​ത് വ​രെ പ​രി​ശോ​ധ​ന തു​ട​രാ​നാ​ണ് അ​ധി​കൃ​ത​രു​ടെ തീ​രു​മാ​നം. പു​റ​ത്തി​റ​ങ്ങു​മ്പോ​ൾ തി​രി​ച്ച​റി​യ​ൽ രേ​ഖ​ക​ൾ കൈ​വ​ശം വെ​ക്ക​ണ​മെ​ന്നും സു​ര​ക്ഷ ഉ​ദ്യോ​ഗ​സ്ഥ​രു​ടെ കൃ​ത്യ​നി​ർ​വ​ഹ​ണ​വു​മാ​യി സ​ഹ​ക​രി​ക്ക​ണ​മെ​ന്നും മ​ന്ത്രാ​ല​യം പൊ​തു​ജ​ന​ങ്ങ​ളോ​ട് അ​ഭ്യ​ർ​ഥി​ച്ചു.