സു​ര​ക്ഷ പ​രി​ശോ​ധ​ന​ക​ൾ തു​ട​രു​ന്നു; നി​ര​വ​ധിപേ​ർ പി​ടി​യി​ൽ

കു​വൈ​ത്ത് സി​റ്റി: രാ​ജ്യ​ത്ത് ശ​ക്ത​മാ​യ സു​ര​ക്ഷ പ​രി​ശോ​ധ​ന​ക​ൾ തു​ട​രു​ന്നു. ആ​ഭ്യ​ന്ത​ര മ​ന്ത്രാ​ല​യ​ത്തി​ന്റെ നേ​തൃ​ത്വ​ത്തി​ൽ ക​ഴി​ഞ്ഞ ദി​വ​സം പ്ര​ധാ​ന ഹൈ​വേ​ക​ളി​ൽ സ​മ​ഗ്ര​മാ​യ പ​രി​ശോ​ധ​ന ന​ട​ത്തി. 1,772 ട്രാ​ഫി​ക് ലം​ഘ​ന​ങ്ങ​ൾ ക​ണ്ടെ​ത്തി. മ​യ​ക്കു​മ​രു​ന്നു​മാ​യി ബ​ന്ധ​പ്പെ​ട്ട മൂ​ന്ന് കേ​സു​ക​ൾ ക​ണ്ടെ​ത്തി. അ​സാ​ധാ​ര​ണ​മാ​യ അ​വ​സ്ഥ​യി​ൽ ക​ണ്ടെ​ത്തി​യ ഏ​ഴു​പേ​രെ അ​റ​സ്റ്റ് ചെ​യ്തു.

അ​റ​സ്റ്റ് വാ​റ​ന്റുള്ള 28 പേ​രെ​യും പി​ടി​കൂ​ടി. കാ​ലാ​വ​ധി ക​ഴി​ഞ്ഞ റെസി​ഡ​ൻ​സി പെ​ർ​മി​റ്റു​ള്ള 31 പേ​രും പി​ടി​യി​ലാ​യി. ഗ​താ​ഗ​ത നി​യ​മ​ലം​ഘ​ന​ത്തി​ന് അ​ഞ്ച് വാ​ഹ​ന​ങ്ങ​ളും മോ​ട്ടോ​ർ സൈ​ക്കി​ളു​ക​ളും ക​ണ്ടു​കെ​ട്ടി, തീ​ർ​പ്പാ​ക്കാ​ത്ത കേ​സു​ക​ളു​മാ​യി ബ​ന്ധ​പ്പെ​ട്ട് 14 വാ​ഹ​ന​ങ്ങ​ൾ​ക്കെ​തി​രെ ന​ട​പ​ടി​യെ​ടു​ത്തു.

രാ​ജ്യ​ത്ത് സു​ര​ക്ഷ​യും സ്ഥി​ര​ത​യും നി​ല​നി​ർ​ത്തു​ന്ന​തി​നു​ള്ള തു​ട​ർ​ച്ച​യാ​യ ശ്ര​മ​ങ്ങ​ളു​ടെ ഭാ​ഗ​മാ​ണ് പ​രി​ശോ​ധ​ന​ക​ളെ​ന്ന് ആ​ഭ്യ​ന്ത​ര മ​ന്ത്രാ​ല​യം വ്യ​ക്ത​മാ​ക്കി. നി​യ​മ​പാ​ല​ക​രു​മാ​യി സ​ഹ​ക​രി​ക്കാ​നും പൗ​ര​ന്മാ​രോ​ടും താ​മ​സ​ക്കാ​രോ​ടും അ​ഭ്യ​ർ​ഥി​ച്ചു. ഏ​തെ​ങ്കി​ലും ലം​ഘ​ന​ങ്ങ​ളോ സം​ശ​യാ​സ്പ​ദ​മാ​യ പ്ര​വ​ർ​ത്ത​ന​ങ്ങ​ളോ ഉ​ണ്ടെ​ങ്കി​ൽ 112 എ​ന്ന ന​മ്പ​റി​ൽ എ​മ​ർ​ജ​ൻ​സി ഹോ​ട്ട്‌​ലൈ​നി​ൽ അ​റി​യി​ക്ക​ണം.