കുവൈത്തിൽ കൊല്ലപ്പെടുന്ന രണ്ടാമത്തെ ഇന്ത്യക്കാരൻ

കുവൈത്ത് സിറ്റി: കുവൈത്തിൽ ഇറാൻ ആക്രമണത്തിൽ ഇന്ത്യക്കാരൻ കൊല്ലപ്പെടുന്ന രണ്ടാമത്തെ സംഭവമായി ബുധനാഴ്ചയിലെ ആക്രമണം. നാട്ടിലേക്കു പുറപ്പെടാൻ വിമാനത്താവളത്തിലെത്തിയ കുവൈത്ത് പ്രവാസിയായ മധ്യപ്രദേശ് സ്വദേശിയാണ് ബുധനാഴ്ച മരിച്ചത്. മാർച്ച് 30 ന് കുവൈത്തിലെ വൈദ്യുതി, ജല പ്ലാന്റിന് നേരെയുണ്ടായ ആക്രമണത്തിൽ തമിഴ് നാട് സ്വദേശി കൊല്ലപ്പെട്ടിരുന്നു.

ബുധനാഴ്ചയിലെ ആക്രമണത്തിൽ 63 പേർക്ക് പരിക്കേറ്റിട്ടുണ്ട്. ഇതിൽ മലയാളികളും ഉണ്ടെന്നാണ് വിവരം. ഇവരുടെ പേരു വിവരങ്ങൾ പുറത്തുവിട്ടിട്ടില്ല. പരിക്കേറ്റവർ വിവിധ ആശുപത്രികളിൽ ചികിൽസയിലാണ്.