സ്​കൂൾ അവധി ആഗസ്​റ്റ്​ നാലുവരെ നീട്ടി

കുവൈത്ത്​ സിറ്റി: കോവിഡ്​ വൈറസ്​ ഭീതിയുടെ പശ്ചാത്തലത്തിൽ കുവൈത്തിൽ വിദ്യാഭ്യാസ സ്ഥാപനങ്ങൾക്ക്​ പ്രഖ്യാപിച്ച അവധി ആഗസ്​റ്റ്​ നാലുവരെ നീട്ടി. നിലവിലെ തീരുമാനപ്രകാരം മാർച്ച്​ 29നാണ്​ സ്​കൂളുകൾ തുറക്കേണ്ടിയിരുന്നത്​. ഇത്​ ആഗസ്​റ്റ്​ നാലുവരെ നീട്ടിവെക്കാൻ വ്യാഴാഴ്​ച ​ചേർന്ന മന്ത്രിസഭ യോഗം തീരുമാനിക്കുകയായിരുന്നു. ഗ്രേഡ്​ 12ന്​ ആഗസ്​റ്റിൽ തുറക്കാനും ബാക്കിയുള്ള ഗ്രേഡുകൾക്ക്​ ഒക്​ടോബറിൽ തുറക്കാനുമാണ്​ ഇപ്പോൾ തീരുമാനിച്ചത്​.

സ്​കൂളുകൾ വഴി കൊറോണ പരന്നാൽ സ്ഥിതി നിയന്ത്രണാതീതമാവുമെന്ന വിലയിരുത്തലി​​​​െൻറ അടിസ്ഥാനത്തിലാണ്​ ഇക്കാര്യത്തിൽ പരീക്ഷണത്തിന്​ നിൽക്കേണ്ടെന്ന്​ മന്ത്രാലയം തീരുമാനിച്ചത്​. സർക്കാർ, സ്വകാര്യ വിദ്യാഭ്യാസ സ്ഥാപനങ്ങൾക്ക്​ ഉത്തരവ്​ ബാധകമാണ്​.

ആഗസ്​റ്റ്​ നാലിനാണ്​ സ്​കൂളുകൾ തുറന്നുപ്രവർത്തിക്കുക. കഴിഞ്ഞ ദിവസം സ്വകാര്യ സ്​കൂൾ മാനേജ്​മ​​​െൻറുകളുടെ സംഘടന ഇത്തവണത്തെ അധ്യയന വർഷം അവസാനിപ്പിക്കണമെന്നാവശ്യപ്പെട്ട്​ വിദ്യാഭ്യാസ മന്ത്രിക്ക്​ നിവേദനം നൽകിയതായി റിപ്പോർട്ടുണ്ടായിരുന്നു.