1.75 കോ​ടി​യു​ടെ ജീ​വ​കാ​രു​ണ്യ പ്ര​വ​ർ​ത്ത​നം ന​ട​ത്തി -സാ​ന്ത്വ​നം കു​വൈ​ത്ത്

കു​വൈ​ത്ത് സി​റ്റി: 2024 പ്ര​വ​ർ​ത്ത​ന വ​ർ​ഷ​ത്തി​ൽ 1600ഓ​ളം രോ​ഗി​ക​ൾ​ക്കാ​യി ഒ​ന്നേ​മു​ക്കാ​ൽ കോ​ടി​യോ​ളം രൂ​പ​യു​ടെ ചി​കി​ത്സാ സ​ഹാ​യ, സാ​മൂ​ഹ്യ​ക്ഷേ​മ പ​ദ്ധ​തി​ക​ൾ ന​ട​പ്പാ​ക്കി​യെ​ന്ന് സാ​ന്ത്വ​നം കു​വൈ​ത്ത് ഭാ​ര​വാ​ഹി​ക​ൾ അ​റി​യി​ച്ചു. ഇ​തി​ൽ കു​വൈ​ത്തി​ലെ ഗാ​ർ​ഹി​ക മേ​ഖ​ല​യി​ലും അ​ടി​സ്ഥാ​ന മേ​ഖ​ല​യി​ലും ജോ​ലി നോ​ക്കു​ന്ന നി​ർ​ധ​ന രോ​ഗി​ക​ളും പ്ര​തി​മാ​സ തു​ട​ർ​ചി​കി​ത്സ സ​ഹാ​യ പ​ദ്ധ​തി​യു​ടെ ഭാ​ഗ​മാ​യി നാ​ട്ടി​ൽ ദീ​ർ​ഘ​കാ​ലം ചി​കി​ത്സ വേ​ണ്ടി​വ​രു​ന്ന കി​ട​പ്പ്‌ രോ​ഗി​ക​ളും ഉ​ന്ന​ത വി​ദ്യാ​ഭ്യാ​സം ചെ​യ്യു​ന്ന സാ​മ്പ​ത്തി​ക പി​ന്നാ​ക്കം നി​ൽ​ക്കു​ന്ന കു​ട്ടി​ക​ളും നാ​ട്ടി​ൽ ന​ട​പ്പാ​ക്കു​ന്ന പ്ര​ത്യേ​ക വാ​ർ​ഷി​ക സാ​മൂ​ഹി​ക​ക്ഷേ​മ പ​ദ്ധ​തി​ക​ളും ഉ​ൾ​പ്പെ​ടു​ന്നു.

എ​ല്ലാ വ​ർ​ഷ​വും ന​ട​പ്പാ​ക്കി വ​രു​ന്ന പ്ര​ത്യേ​ക സാ​മൂ​ഹ്യ​ക്ഷേ​മ പ​ദ്ധ​തി​യി​ൽ ഇ​ടു​ക്കി ജി​ല്ല​യി​ലെ പീ​രു​മേ​ട് താ​ലൂ​ക്കി​ലെ പ​ശു​പ്പാ​റ​യി​ൽ പാ​ലി​യേ​റ്റീ​വ് കെ​യ​ർ ആ​ൻ​ഡ് ക​മ്യൂ​ണി​റ്റി സെ​ന്റ​ർ നി​ർ​മാ​ണം പു​രോ​ഗ​മി​ക്കു​ക​യാ​ണ്. ഒ​പ്പം മു​ൻ വ​ർ​ഷ​ത്തെ പ്ര​ത്യേ​ക പ​ദ്ധ​തി​യാ​യ കാ​സ​ർ​​കോ​ട് ക​രി​ന്ത​ള​ത്തെ ഫി​സി​യോ തെ​റാ​പ്പി സെ​ന്റ​ർ നി​ർ​മ്മാ​ണം പൂ​ർ​ത്തി​യാ​യി പൊ​തു​ജ​ന​ങ്ങ​ൾ​ക്ക് സൗ​ജ​ന്യ ഫി​സി​യോ​തെ​റാ​പ്പി സേ​വ​നം ന​ൽ​കി​ത്തു​ട​ങ്ങി. പ്ര​തി​ദി​നം 20ഓ​ളം നി​ർ​ധ​ന രോ​ഗി​ക​ൾ ഇ​ത് പ്ര​യോ​ജ​ന​പ്പെ​ടു​ത്തു​ന്നു​ണ്ട്. കൂ​ടാ​തെ കാ​ൻ​സ​ർ രോ​ഗി​ക​ൾ​ക്കും മ​റ്റും താ​മ​സ സൗ​ക​ര്യം ഒ​രു​ക്കു​ന്ന തി​രു​വ​ന​ന്ത​പു​രം ട്രി​ഡ വി​ശ്രം സ​ങ്കേ​ത്, എ​ല്ലാ ജി​ല്ല​ക​ളി​ലു​മു​ള്ള വി​വി​ധ സ​ന്ന​ദ്ധ സം​ഘ​ട​ന​ക​ൾ, തു​ട​ങ്ങി​യ​വ​ക്കു​ള്ള സ​ഹാ​യ​ങ്ങ​ളും ന​ൽ​കി​വ​രു​ന്നു.

ഏ​റ്റ​വു​മ​ധി​കം കാ​ൻ​സ​ർ ബാ​ധി​ത​രു​ള്ള കൊ​ല്ലം ജി​ല്ല​യി​ലെ നീ​ണ്ട​ക​ര​യി​ൽ, തു​ട​ക്ക​ത്തി​ലെ ത​ന്നെ കാ​ൻ​സ​ർ ക​ണ്ടെ​ത്തു​ന്ന​തി​നു​ള്ള തി​രു​വ​ന​ന്ത​പു​രം ആ​ർ.​സി.​സി​യു​ടെ മൊ​ബൈ​ൽ വാ​ൻ ക്ലി​നി​ക്, വ​യ​നാ​ട്ടി​ലെ മേ​പ്പാ​ടി​യ​ടു​ത്ത് ഫി​സി​യോ തെ​റാ​പ്പി സെ​ന്റ​ർ, വി​ദ്യാ​ഭ്യാ​സ സ​ഹാ​യ പ​ദ്ധ​തി, തി​രു​വ​ന​ന്ത​പു​രം വി​ശ്രാം സ​ങ്കേ​തി​ലെ രോ​ഗി​ക​ൾ​ക്കു​ള്ള സൗ​ജ​ന്യ താ​മ​സം- എ​ന്നി​ങ്ങ​നെ 55 ല​ക്ഷം രൂ​പ​യു​ടെ പ​ദ്ധ​തി​ക​ളാ​ണ് ഈ ​വ​ർ​ഷം ന​ട​പ്പാ​ക്കാ​ൻ തീ​രു​മാ​നി​ച്ചി​ട്ടു​ള്ള​ത്. ക​ഴി​ഞ്ഞ 24 വ​ർ​ഷ​ത്തി​നി​ടെ 19 കോ​ടി​യു​ടെ സ​ഹാ​യം ന​ൽ​കാ​ൻ ക​ഴി​ഞ്ഞു​വെ​ന്നും സാ​ന്ത്വ​നം കു​വൈ​ത്ത് ഭാ​ര​വാ​ഹി​ക​ൾ വ്യ​ക്ത​മാ​ക്കി

സാ​ന്ത്വ​നം വാ​ർ​ഷി​ക പൊ​തു​യോ​ഗം ഇ​ന്ന്

കു​വൈ​ത്ത് സി​റ്റി: സാ​ന്ത്വ​നം കു​വൈ​ത്തി​ന്റെ 24ാമ​ത് വാ​ർ​ഷി​ക പൊ​തു​യോ​ഗം വെ​ള്ളി​യാ​ഴ്ച വൈ​കീ​ട്ട് 4.30ന് ​അ​ബ്ബാ​സി​യ ഇ​ന്ത്യ​ൻ സെ​​ൻ​ട്ര​ൽ സ്കൂ​ൾ ഹാ​ളി​ൽ ന​ട​ക്കും. ക​ഴി​ഞ്ഞ വ​ർ​ഷ​ത്തെ പ്ര​വ​ർ​ത്ത​ന​ങ്ങ​ളു​ടെ റി​പ്പോ​ർ​ട്ടും ക​ണ​ക്കും യോ​ഗ​ത്തി​ൽ അ​വ​ത​രി​പ്പി​ക്കും. ഉ​പ​കാ​ര​പ്ര​ദ​വും കാ​ര്യ​ക്ഷ​മ​വു​മാ​യ ക്ഷേ​മ പ​ദ്ധ​തി​ക​ൾ ആ​വി​ഷ്ക​രി​ച്ച് ന​ട​പ്പാ​ക്കാ​നു​ള്ള പൊ​തു​ച​ർ​ച്ച​യും ന​ട​ക്കു​മെ​ന്ന് ഭാ​ര​വാ​ഹി​ക​ൾ അ​റി​യി​ച്ചു. വാ​ർ​ഷി​ക സു​വ​നീ​റാ​യ ‘സ്മ​ര​ണി​ക 2024’ യോ​ഗ​ത്തി​ൽ പ്ര​കാ​ശ​നം ചെ​യ്യും. എ​ല്ലാ മ​ല​യാ​ളി പ്ര​വാ​സി​ക​ളെ​യും യോ​ഗ​ത്തി​ലേ​ക്ക് സ്വാ​ഗ​തം ചെ​യ്യു​ന്ന​താ​യും ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ളി​ൽ എ​ല്ലാ മ​നു​ഷ്യ സ്നേ​ഹി​ക​ളും ഭാ​ഗ​ഭാ​ക്കാ​ക​ണ​മെ​ന്നും സാ​ന്ത്വ​നം ​പ്ര​സി​ഡ​ന്റ് എം. ​രാ​ജേ​ന്ദ്ര​ൻ, സെ​ക്ര​ട്ട​റി എ​സ്. സ​ന്തോ​ഷ് കു​മാ​ർ, ട്ര​ഷ​റ​ർ വി​നോ​ദ് കു​മാ​ർ എ​ന്നി​വ​ര​ട​ങ്ങു​ന്ന പ്ര​വ​ർ​ത്ത​ന സ​മി​തി അ​ഭ്യ​ർ​ഥി​ച്ചു.