ജ​ന​സം​ഖ്യ പ​ട്ടി​ക​യി​ൽ സാ​ൽ​മി​യ ഒ​ന്നാ​മ​ത്

കു​വൈ​ത്ത് സി​റ്റി: രാ​ജ്യ​ത്തെ ജ​ന​സം​ഖ്യ പ​ട്ടി​ക​യി​ൽ സാ​ൽ​മി​യ ഒ​ന്നാ​മ​ത്. പ​ബ്ലി​ക് അ​തോ​റി​റ്റി ഫോ​ർ സി​വി​ൽ ഇ​ൻ​ഫ​ർ​മേ​ഷ​ൻ (പാ​സി) പു​തി​യ ക​ണ​ക്കു​ക​ൾ പ്ര​കാ​രം 331,462 ആ​ണ് സാ​ൽ​മി​യ​യി​ലെ ജ​ന​സം​ഖ്യ. സാ​ൽ​മി​യ​ക്ക് തൊ​ട്ടു​പി​ന്നി​ൽ 309,871 പേ​ർ താ​മ​സി​ക്കു​ന്ന ഫ​ർ​വാ​നി​യ​യും 282,263 പേ​ർ താ​മ​സി​ക്കു​ന്ന ജ​ലീ​ബ് അ​ൽ ഷു​യൂ​ഖു​മാ​ണ്. പ്ര​വാ​സി തൊ​ഴി​ലാ​ളി​ക​ളു​ടെ ഉ​യ​ർ​ന്ന സാ​ന്ദ്ര​ത​യാ​ണ് ര​ണ്ട് മേ​ഖ​ല​ക​ളു​ടെ​യും പൊ​തു സ​വി​ശേ​ഷ​ത.

പ്ര​ധാ​ന റ​സി​ഡ​ൻ​ഷ്യ​ൽ, വാ​ണി​ജ്യ ഇ​ട​മാ​യ ഹ​വ​ല്ലി ഗ​വ​ർ​ണ​റേ​റ്റ് 242,214 ജ​ന​സം​ഖ്യ​യു​മാ​യി നാ​ലാം സ്ഥാ​ന​ത്താ​ണ്. വി​വി​ധ സൗ​ക​ര്യ​ങ്ങ​ളാ​ൽ സ്വ​ദേ​ശി​ക​ൾ​ക്കും പ്ര​വാ​സി​ക​ൾ​ക്കും ഹ​വ​ല്ലി ഇ​ഷ്ട​യി​ട​മാ​ണ്. അ​ഞ്ചാം സ്ഥാ​ന​ത്ത് മ​ഹ്ബൂ​ല​യാ​ണ്. ഇ​വി​ടെ 230,854 പേ​ർ താ​മ​സി​ക്കു​ന്നു. വ്യാ​വ​സാ​യി​ക, ബി​സി​ന​സ് കേ​ന്ദ്ര​ങ്ങ​ളു​ടെ സാ​മീ​പ്യ​മാ​ണ് ഇ​വി​ടെ താ​മ​സം തി​ര​ഞ്ഞെ​ടു​ക്കാ​ൻ പ​ല​രെ​യും പ്രേ​രി​പ്പി​ക്കു​ന്ന​ത്.

2025 മ​ധ്യ​ത്തോ​ടെ രാ​ജ്യ​ത്തെ ജ​ന​ങ്ങ​ളു​ടെ എ​ണ്ണം 5.098 ദ​ശ​ല​ക്ഷ​ത്തി​ലെ​ത്തി​യ​താ​യി പ​ബ്ലി​ക് അ​തോ​റി​റ്റി ഫോ​ർ സി​വി​ൽ ഇ​ൻ​ഫ​ർ​മേ​ഷ​ൻ ക​ഴി​ഞ്ഞ ദി​വ​സം റി​പ്പോ​ർ​ട്ട് പു​റ​ത്തു​വി​ട്ടി​രു​ന്നു. മൊ​ത്തം ജ​ന​സം​ഖ്യ​യി​ൽ 30 ശ​ത​മാ​ന​മാ​ണ് കു​വൈ​ത്ത് പൗ​ര​ന്മാ​ർ. 70 ശ​ത​മാ​ന​വും പ്ര​വാ​സി​ക​ളാ​ണ്. 1.55 ദ​ശ​ല​ക്ഷ​മാ​ണ് പൗ​ര​ന്മാ​രു​ടെ എ​ണ്ണം. 3.547 ദ​ശ​ല​ക്ഷ​മാ​ണ് കു​വൈ​ത്തി​ലെ പ്ര​വാ​സി​ക​ൾ.