ത്യാ​ഗ​സ്മ​ര​ണ​യി​ൽ ബ​ലി​പെ​രു​ന്നാ​ൾ

കു​വൈ​ത്ത് സി​റ്റി: രാ​ജ്യ​ത്തെ ഇ​സ്‍ലാം​മ​ത വി​ശ്വാ​സി​ക​ൾ ​വെ​ള്ളി​യാ​ഴ്ച ബ​ലി​പെ​രു​ന്നാ​ൾ ആ​ഘോ​ഷി​ച്ചു. രാ​വി​ലെ 5.03നാ​യി​രു​ന്നു പെ​രു​ന്നാ​ൾ ന​മ​സ്കാ​രം. പ​ള്ളി​ക​ൾ​ക്കു പു​റ​മെ നി​ര​വ​ധി ഈ​ദ്ഗാ​ഹു​ക​ളി​ലും പെ​രു​ന്നാ​ൾ ന​മ​സ്കാ​രം ന​ട​ന്നു. പ​ര​സ്പ​രം ആ​ശം​സ​ക​ൾ അ​റി​യി​ച്ചും മ​ധു​രം കൈ​മാ​റി​യും വി​ശ്വാ​സി​ക​ൾ ആ​ഹ്ലാ​ദം പ​ങ്കു​വെ​ച്ചു. പു​ല​ർ​ച്ചെ പ​ള്ളി​ക​ളി​ലും ഈ​ദ്ഗാ​ഹു​ക​ളി​ലു​മെ​ത്തി​യ വി​ശ്വാ​സി​ക​ൾ ത​ക്ബീ​ർ ധ്വ​നി​ക​ളോ​ടെ പെ​രു​ന്നാ​ളി​നെ വ​ര​വേ​റ്റു.

ഇ​ബ്റാ​ഹീം പ്ര​വാ​ച​ക​ന്റെ​യും കു​ടും​ബ​ത്തി​ന്റെ​യും സ്​​മ​ര​ണ​ക​ൾ പു​തു​ക്കി​യ ഇ​മാ​മു​മാ​ർ അ​ദ്ദേ​ഹ​ത്തി​ന്റെ വി​ട്ടു​വീ​ഴ്ച​യി​ല്ലാ​ത്ത നി​ല​പാ​ടി​ൽ​നി​ന്നും മാ​തൃ​ക ഉ​ൾ​ക്കൊ​ള്ളാ​ൻ വി​ശ്വാ​സി​ക​ളെ ഉ​ദ്ബോ​ധി​പ്പി​ച്ചു. ലോ​ക​ത്തെ​മ്പാ​ടു​മു​ള്ള ക​ഷ്ട​ത​യ​നു​ഭ​വി​ക്കു​ന്ന സ​ഹോ​ദ​ര​ങ്ങ​ൾ​ക്ക് വേ​ണ്ടി​യും ഗ​സ്സ​യി​ലെ പി​ഞ്ചു​മ​ക്ക​ൾ​ക്കും സ​ഹോ​ദ​രി സ​ഹോ​ദ​ര​ന്മാ​ർ​ക്കും വേ​ണ്ടി പ്രാ​ർ​ഥി​ക്കാ​നും ആ​ഹ്വാ​നം ചെ​യ്തു.

പു​തു ത​ല​മു​റ​യെ കാ​ർ​ന്നു​തി​ന്നു​ന്ന എ​ല്ലാ​ത​രം ല​ഹ​രി മ​രു​ന്നി​നെ​തി​രെ​യും ജാ​ഗ്ര​ത പാ​ലി​ക്കാ​നും സാ​ഹോ​ദ​ര്യ ബ​ന്ധ​ങ്ങ​ളു​ടെ ക​ണ്ണി ചേ​ർ​ക്കാ​നും സാ​മൂ​ഹി​ക ബ​ന്ധ​ങ്ങ​ൾ കാ​ത്തു സൂ​ക്ഷി​ക്കാ​നും ഉ​ണ​ർ​ത്തി. പെ​രു​ന്നാ​ൾ ന​മ​സ്‌​കാ​ര​ത്തി​ൽ വി​ശ്വാ​സി​ക​ളും സ്ത്രീ​ക​ളും കു​ട്ടി​ക​ളും അ​ട​ങ്ങു​ന്ന നി​ര​വ​ധി കു​ടും​ബ​ങ്ങ​ളും പ​ങ്കെ​ടു​ത്തു. ന​മ​സ്കാ​ര ശേ​ഷം പ​ര​സ്പ​ര ആ​ശ്ലേ​ഷ​ണ​ങ്ങ​ളും ആ​ശം​സ​ക​ൾ കൈ​മാ​റ​ലും മ​ധു​ര പ​ല​ഹാ​ര വി​ത​ര​ണ​വും ന​ട​ന്നു.

കെ.​ഐ.​ജി കു​വൈ​ത്ത്

കെ.​ഐ.​ജി കു​വൈ​ത്ത് നേ​തൃ​ത്വ​ത്തി​ൽ ആ​റി​ട​ത്ത് ഈ​ദ് ഗാ​ഹ് സം​ഘ​ടി​പ്പി​ച്ചു. അ​ബ്ബാ​സി​യ പാ​ർ​ക്കി​ൽ അ​ൻ​വ​ർ സ​ഈ​ദും സാ​ൽ​മി​യ ഗാ​ർ​ഡ​നി​ൽ അ​നീ​സ് ഫാ​റൂ​ഖി​യും ഫ​ഹാ​ഹീ​ൽ ബ​ല​ദി​യ ഗാ​ർ​ഡ​നി​ൽ ഫൈ​സ​ൽ മ​ഞ്ചേ​രി​യും മെ​ഹ്ബൂ​ല അ​ൽ നൂ​ർ സ്കൂ​ൾ ഗ്രൗ​ണ്ടി​ൽ എ.​പി അ​ബ്ദു​ൽ സ​ത്താ​റും റി​ഗ്ഗാ​യി​ൽ ഡോ. ​അ​ലി​ഫ് ഷു​ക്കൂ​റും ഫ​ർ​വാ​നി​യ​യി​ൽ ഷെ​ഫീ​ഖ് അ​ബ്ദു​സ​മ​ദും ന​മ​സ്കാ​ര​ങ്ങ​ൾ​ക്ക് നേ​തൃ​ത്വം ന​ൽ​കി.

ഇ​ന്ത്യ​ൻ ഹു​ദ സെ​ന്റ​ർ

ഇ​ന്ത്യ​ൻ ഹു​ദ സെ​ന്റ​ർ നേ​തൃ​ത്വ​ത്തി​ൽ മം​ഗ​ഫ് ബ്ലോ​ക്ക്‌ നാ​ലി​നു സ​മീ​പ​മു​ള്ള ബീ​ച്ച് പ​രി​സ​ര​ത്തും ഫ​ർ​വാ​നി​യ ബ്ലോ​ക് ര​ണ്ടി​ലു​ള്ള ബൈ​ലി​ങ്ക്വ​ൽ സ്കൂ​ൾ സ്റ്റേ​ഡി​യ​ത്തി​ലും ബ​ലി​പെ​രു​ന്നാ​ൾ ന​മ​സ്കാ​രം ന​ട​ന്നു. വീ​രാ​ന്‍കു​ട്ടി സ്വ​ലാ​ഹി, അ​ഹ്മ​ദ് പൊ​റ്റ​യി​ല്‍ എ​ന്നി​വ​ർ നേ​തൃ​ത്വം ന​ൽ​കി. ശ​നി​യാ​ഴ്ച ദ​ജീ​ജി​ലെ മെ​ട്രോ കോ​ർ​പ​റേ​റ്റ് ഹാ​ളി​ൽ സം​ഘ​ടി​പ്പി​ക്കു​ന്ന ഈ​ദ് സോ​ഷ്യ​ൽ മീ​റ്റി​ൽ പ​ങ്കെ​ടു​ക്കാ​ൻ എ​ല്ലാ​വ​രെ​യും ക്ഷ​ണി​ക്കു​ന്ന​താ​യി സെ​ന്റ​ർ ജ​ന​റ​ൽ സെ​ക്ര​ട്ട​റി അ​ബ്ദു​റ​ഹ്മാ​ൻ അ​ട​ക്കാ​നി അ​റി​യി​ച്ചു. വൈ​കീ​ട്ട് അ​ഞ്ചു മു​ത​ൽ ഒ​മ്പ​തു വ​രെ​യാ​ണ് പ​രി​പാ​ടി.

ഇ​ന്ത്യ​ൻ ഇ​സ് ലാ​ഹി സെൻറ​ർ

ഇ​ന്ത്യ​ൻ ഇ​സ് ലാ​ഹി സെൻറ​ർ വി​വി​ധ ഏ​രി​യ​ക​ളി​ൽ ഈ​ദ് ഗാ​ഹു​ക​ൾ സം​ഘ​ടി​പ്പി​ച്ചു. സാ​ൽ​മി​യ മ​സ്ജി​ദ് അ​ൽ​വു​ഹൈ​ബി​ന് മു​ൻ​വ​ശ​ത്തെ ഗ്രൗ​ണ്ടി​ൽ ഫൈ​സ​ൽ ച​ക്ക​ര​ക്ക​ല്ല് നേ​തൃ​ത്വം ന​ൽ​കി. മ​ൻ​ഗ​ഫ് ശ്രിം​ബി​ക്ക് സ​മീ​പ​ത്തെ ഈ​ദ് ഗാ​ഹി​ന് നൂ​റു​ദ്ദീ​ൻ ഫാ​റൂ​ഖി​യും മ​ഹ​ബൂ​ല നാ​സ​ർ സ്പോ​ർ​ട്സ് ക്യാ​മ്പ് മ​സ്ജി​ദി​ൽ ഷാ​നി​ബ് പേ​രാ​മ്പ്ര​യും പെ​രു​ന്നാ​ൾ ന​മ​സ്കാ​ര​ത്തി​ന് നേ​തൃ​ത്വം ന​ൽ​കി. ന​മ​സ്കാ​ര​ത്തി​ന് ശേ​ഷം മ​ധു​രം വി​ത​ര​ണം ചെ​യ്തു.