നിരത്തുകളിൽ ട്രക്കുകൾക്ക് നിയന്ത്രണം

കുവൈത്ത് സിറ്റി: രാജ്യത്തെ നിരത്തുകളിൽ ട്രക്കുകൾക്ക് നിയന്ത്രണം. സെപ്റ്റംബർ ഒന്നു മുതൽ 2027 ആഗസ്റ്റ് 31 വരെ നിശ്ചിത സമയങ്ങളിൽ എല്ലാ റോഡുകളിലും ട്രക്കുകളുടെ ഗതാഗതം നിരോധിക്കുന്നതായി കുവൈത്ത് ജനറൽ ട്രാഫിക് ഡിപ്പാർട്ട്മെന്റ് അറിയിച്ചു. ഓഫിസ്, സ്കൂൾ സമയങ്ങളും റോഡിലെ തിരക്കും കണക്കിലെടുതാണ് നടപടി.

സെപ്റ്റംബർ ഒന്നു മുതൽ 2027 ജൂൺ 14 വരെ, രാവിലെ 6:30 മുതൽ 9:00 വരെയും ഉച്ചക്ക് 12:30 മുതൽ 3:30 വരെയും ട്രക്കുകൾക്ക് നിരോധനമുണ്ടാകും. 2027 ജൂൺ 15 മുതൽ ആഗസ്റ്റ് 31 വരെ, ഉച്ചക്ക് 12:30 മുതൽ 3:30 വരെ മാത്രമാകും നിരോധനം.