നിയന്ത്രണങ്ങൾ നീക്കൽ: അഞ്ചാംഘട്ടത്തിലേക്ക്​ കടക്കൽ വാക്​സിൻ എത്തിയ ശേഷം

കുവൈത്ത്​ സിറ്റി: കോവിഡ്​ പ്രതിരോധത്തിനായി ഏർപ്പെടുത്തിയ നിയന്ത്രണങ്ങൾ നീക്കുന്നതി​െൻറ അഞ്ചാംഘട്ടത്തിലേക്ക്​ കടക്കുന്നത്​ വാക്​സിൻ എത്തിയതിന്​ ശേഷം മാത്രം. അഞ്ചുഘട്ടങ്ങളിലായി നിയ​ന്ത്രണം നീക്കി കുവൈത്തിനെ സാധാരണ ജീവിതത്തിലേക്ക്​ കൊണ്ടുവരുമെന്നായിരുന്നു നേരത്തേ അറിയിച്ചിരുന്നത്​. ആളുകൾ കൂടുതൽ പ​െങ്കടുത്തുള്ള വിവാഹം, പൊതു ചടങ്ങുകൾ, കുടുംബസംഗമങ്ങൾ, ബിരുദദാന ചടങ്ങുകൾ, സമ്മേളനങ്ങൾ, പൊതുപരിപാടികൾ, പ്രദർശനങ്ങൾ, ട്രെയ്​നിങ് കോഴ്‌സുകൾ, സിനിമ നാടക തിയറ്റർ, തുടങ്ങിയവക്ക്​ അനുമതി നൽകുന്നത്​ അഞ്ചാംഘട്ടത്തിലാണ്​.

സർക്കാർ ഒാഫിസുകൾ 50 ശതമാനത്തിലേറെ ഹാജർ നിലയിൽ പ്രവർത്തിക്കുന്നതും ഇൗ ഘട്ടത്തിലാണ്​. ആഗസ്​റ്റ്​ 23 മുതൽ ആരംഭിക്കുമെന്നായിരുന്നു നേര​ത്തേ പ്രഖ്യാപിച്ചിരുന്നതെങ്കിലും ഇതുവരെ ആരംഭിച്ചിട്ടില്ല. വാക്​സിൻ എത്തുകയോ കോവിഡ്​ പൂർണമായി നിയന്ത്രണ വിധേയമാവുകയോ ചെയ്യാതെ അഞ്ചാം ഘട്ടത്തിലേക്ക്​ കടക്കേണ്ടതില്ലെന്നാണ്​ മന്ത്രിസഭ തീരുമാനം. ഇതോടെ നിയന്ത്രണം നീക്കുന്നത്​ അനിശ്ചിതത്വത്തിലായിരിക്കുകയാണ്​. നിയന്ത്രണം ലഘൂകരിച്ചതിന്​ ശേഷം കഴിഞ്ഞ ദിവസങ്ങളിൽ ​പ്രതിദിന കോവിഡ്​ കേസുകൾ വർധിച്ചുവന്നതാണ്​ സർക്കാറിനെ ഇത്തരമൊരു തീരുമാനത്തിന്​ പ്രേരിപ്പിച്ചത്​.

അഞ്ചാംഘട്ടത്തിൽ ഉൾപ്പെടുത്തിയ വിഭാഗങ്ങളുമായി ബന്ധപ്പെട്ട്​ പ്രവർത്തിക്കുന്ന നിരവധി ജീവനക്കാരുടെ തൊഴിൽ അനിശ്ചിതത്വത്തിലാണ്​. പലരും ഇതിനകം നാട്ടിൽ പോയിട്ടുണ്ട്​. വൈകാതെ നിയന്ത്രണം നീക്കുമെന്ന പ്രതീക്ഷയിൽ ഇവിടെ തുടർന്നവരെ നിരാശയിലാക്കുന്നതാണ്​ പുതിയ അറിയിപ്പ്​. രാജ്യത്ത്​ കോവിഡ്​ വാക്​സിൻ ഡിസംബർ അവസാനമോ ജനുവരി ആദ്യമോ എത്തിയേക്കുമെന്നാണ്​ റിപ്പോർട്ട്​. ആദ്യ ബാച്ച്​ ആയി 10 ലക്ഷം ഡോസ്​ ആണ്​ ഇറക്കുമതി ചെയ്യുക. ഇത്​ സ്വദേശികൾക്കാണ്​ വിതരണം ചെയ്യുക. ഒരാൾക്ക്​ രണ്ട്​ ഡോസ്​ വീതം നൽകും. പിന്നീട്​ ആരോഗ്യ ജീവനക്കാർ, കോവിഡ്​ പ്രതിരോധ പ്രവർത്തനങ്ങളുടെ മുൻനിരയിലുള്ളവർ, പ്രായമേറിയവർ, പഴക്കംചെന്ന രോഗങ്ങൾ ഉള്ളവർ എന്നിവരെ പരിഗണിക്കും.