​കുവൈത്തിൽ െഎസൊലേഷൻ ഇളവ്​: തീരുമാനം വ്യാഴാഴ്​ച

കുവൈത്ത്​ സിറ്റി: കുവൈത്തിൽ ചില ഭാഗങ്ങളിൽ ​െഎസൊലേഷൻ ഒഴിവാക്കുന്നതുമായി ബന്ധപ്പെട്ട്​ സർക്കാർ വ്യാഴാഴ്​ച തീരുമാനമെടുക്കും. സമീപ ദിവസങ്ങളിൽ പുതിയ കോവിഡ്​ റി​പ്പോർട്ടുകൾ കാര്യമായി ഇല്ലാത്ത മഹബൂലയിൽ ​െഎസൊലേഷൻ ഒഴിവാക്കുന്നത്​ പരി​ഗണനയിലുണ്ടെന്നാണ്​ റിപ്പോർട്ട്​. 

സുപ്രീം മിനിസ്​റ്റീരിയൽ കമ്മിറ്റി വ്യാഴാഴ്​ച യോഗം ചേർന്ന്​ റിപ്പോർട്ട്​ തയാറാക്കി മന്ത്രിസഭക്ക്​ സമർപ്പിക്കും. വ്യാഴാഴ്​ച വൈകുന്നേരം ചേരുന്ന മന്ത്രിസഭ യോഗത്തിൽ തന്നെ തീരുമാനം ഉണ്ടാവുമെന്നാണ്​ സൂചന. ഇതുവരെ ഇതുസംബന്ധിച്ച്​ ഒരു തീരുമാനവും എടുത്തിട്ടില്ലെന്നും വ്യഴാഴ്​ചത്തെ യോഗത്തിലാണ്​ തീരുമാനമെടുക്കുകയെന്നും ഉന്നതവൃത്തങ്ങൾ വ്യക്​തമാക്കി. 

സമീപദിവസങ്ങളിൽ കൂടുതലായി കോവിഡ്​ റിപ്പോർട്ട്​ ചെയ്​ത അബ്​ദലി, സഅദ്​ അൽ അബ്​ദുല്ല തുടങ്ങിയ ചില പ്രദേശങ്ങളെ കൂടി ​െഎസൊലേറ്റ്​ ചെയ്യാൻ സാധ്യതയുണ്ട്​. കൂടുതൽ കോവിഡ്​ കേസുകൾ റിപ്പോർട്ട്​ ചെയ്യപ്പെട്ട ജലീബ്​ അൽ ശുയൂഖ്​, മഹബൂല, ഫർവാനിയ, ഹവല്ലി, മൈദാൻ ഹവല്ലി, ഖൈത്താൻ, നുഗ്​റ എന്നിവിടങ്ങളിലാണ്​ ​​െഎസൊലേഷൻ പ്രഖ്യാപിച്ചിട്ടുള്ളത്​. 

ഇൗ പ്രദേശങ്ങളുടെ അ​കത്തേക്കും പുറത്തേക്കുമുള്ള പ്രവേശനം നിയന്ത്രിച്ച്​ പൊലീസ്​ ബാരിക്കേഡുകൾ സ്ഥാപിച്ചിട്ടുണ്ട്​. സമീപ ദിവസങ്ങളിലെ കോവിഡ്​ റിപ്പോർട്ടുകൾ കൂടി പരിഗണിച്ച്​ ഇതിൽ ചില ഭാഗങ്ങൾക്ക്​ നിയന്ത്രണം ലഘൂകരിക്കാനാണ്​ ആലോചിക്കുന്നത്​. കോവിഡ് പ്രതിരോധ ഭാഗമായുള്ള നിയന്ത്രണങ്ങളിൽ ഘട്ടംഘട്ടമായി ഇളവ്​ അനുവദിച്ച്​ സാധാരണ ജീവിതത്തിലേക്ക്​ നാടിനെ തിരിച്ചുകൊണ്ടുവരാനുള്ള തീരുമാനത്തിലാണ്​ അധികൃതർ.