റിയൽ എസ്റ്റേറ്റ് ഫോറം ഇന്നു മുതൽ
text_fields
ദോഹ: റിയൽ എസ്റ്റേറ്റ് മേഖലയുടെ പുതു സാധ്യതകളും നിക്ഷേപ അവസരങ്ങളും ചർച്ച ചെയ്യുന്ന പ്രഥമ ഖത്തർ റിയൽ എസ്റ്റേറ്റ് ഫോറത്തിന് ഇന്ന് തുടക്കം. മുനിസിപ്പാലിറ്റി മന്ത്രാലയത്തിനു കീഴിലാണ് ഞായർ, തിങ്കൾ ദിവസങ്ങളിലായി ഫോറം നടക്കുന്നത്.
ലോകത്തിന്റെ വിവിധ ഭാഗങ്ങളിൽനിന്നായി 1500ഓളം പേർ ഫോറത്തിൽ പങ്കെടുക്കും. ‘സുസ്ഥിര റിയല് എസ്റ്റേറ്റ് വ്യവസായത്തിനും മികച്ച ജീവിത ഗുണനിലവാരത്തിനുമായുള്ള വ്യവസ്ഥകളും നിയമങ്ങളും’ എന്ന തലക്കെട്ടിലാണ് ഫോറം. ഷെറാട്ടൺ ഹോട്ടലിൽ നടക്കുന്ന ഫോറത്തിൽ വിവിധ രാജ്യങ്ങളിൽനിന്നുള്ള പ്രതിനിധികൾ പങ്കെടുക്കും. 11 സെഷനുകളിലായാണ് പരിപാടി സംഘടിപ്പിക്കുന്നത്. റിയൽ എസ്റ്റേറ്റ് മേഖലയിലെ വിദഗ്ധരായ 35 പേർ സംവദിക്കും. റിയല് എസ്റ്റേറ്റ് മേഖലയിലെ നിക്ഷേപ അവസരങ്ങള്, നിയമനിര്മാണങ്ങള്, റിയല് എസ്റ്റേറ്റ് മേഖലയുടെ ഭാവി, പ്രധാന പദ്ധതികള്, നിയമനിര്മാണങ്ങളും വ്യവസ്ഥകളും റിയല് എസ്റ്റേറ്റ് മേഖലയിലുണ്ടാക്കുന്ന സ്വാധീനം തുടങ്ങി വിവിധ വിഷയങ്ങള് സംബന്ധിച്ചാണ് ഫോറം ചര്ച്ച ചെയ്യുക. മന്ത്രിമാര്, വിവിധ മന്ത്രാലയങ്ങള്, പ്രാദേശിക, മേഖല റിയല് എസ്റ്റേറ്റ് കമ്പനികള്, ബിസിനസ് പ്രതിനിധികള് തുടങ്ങി നിരവധി പേര് ഫോറത്തില് പങ്കെടുക്കും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.