റ​മ​ദാ​ൻ അ​വ​സാ​ന​ത്തി​ലേ​ക്ക്; പ്രാ​ർ​ഥ​ന​ക​ളി​ൽ മു​ഴു​കി വി​ശ്വാ​സി​ക​ൾ

കു​വൈ​ത്ത്​ സി​റ്റി: നോ​മ്പും സ​ത്ക​ർ​മ​ങ്ങ​ളു​മാ​യി വി​ശ്വാ​സി​ക​ൾ ദൈ​വ​ത്തി​ലേ​ക്ക് കൂ​ടു​ത​ൽ അ​ടു​ത്ത റ​മ​ദാ​ൻ മാ​സം അ​വ​സാ​ന​ത്തി​ലേ​ക്ക്. പു​ണ്യ​മാ​സം വി​ട​പ​റ​യും മു​മ്പ് കൂ​ടു​ത​ൽ പ്രാ​ർ​ഥ​ന​ക​ളി​ലും സ​ത്ക​ർ​മ​ങ്ങ​ളി​ലും മു​ഴു​കി വി​ശ്വാ​സി​ക​ൾ. റ​മ​ദാ​നി​ലെ ഏ​റ്റ​വും വി​ല​പ്പെ​ട്ട ദി​ന​ങ്ങ​ളാ​യ അ​വ​സാ​ന പ​ത്തി​ൽ പ​ള്ളി​ക​ൾ ജ​ന​നി​ബി​ഡ​മാ​ണ്. പ​തി​വ് ന​മ​സ്കാ​ര​ങ്ങ​ൾ​ക്കു പു​റ​മെ ത​റാ​വീ​ഹി​നും രാ​ത്രി​ന​മ​സ്കാ​ര​ത്തി​നും ആ​യി​ര​ങ്ങ​ളാ​ണ് ഓ​രോ പ​ള്ളി​ക​ളി​ലും എ​ത്തു​ന്ന​ത്. പൂ​ർ​ണ​മാ​യും പ്രാ​ർ​ഥ​ന​ക​ളി​ൽ മു​ഴു​കി പ​ള്ളി​ക​ളി​ൽ ഇ​ഹ്തി​കാ​ഫ് ഇ​രി​ക്കു​ന്ന​വ​രും ഉ​ണ്ട്.

റ​മ​ദാ​നി​ലെ അ​വ​സാ​ന നാ​ളു​ക​ളി​ലു​ണ്ടാ​വു​മെ​ന്ന് പ്ര​തീ​ക്ഷി​ക്കു​ന്ന ആ​യി​രം മാ​സ​ത്തേ​ക്കാ​ൾ ശ്രേ​ഷ്ഠ​മാ​യ ലൈ​ല​ത്തു​ല്‍ ഖ​ദ്ര്‍ അ​വ​സാ​ന പ​ത്തി​ലാ​ണെ​ന്നാ​ണ് വി​ശ്വാ​സം. ഇ​തി​ന് ഏ​റ്റ​വും സാ​ധ്യ​ത ക​ൽ​പ്പി​ക്കു​ന്ന 27ാം രാ​വി​ൽ രാ​ജ്യ​ത്തെ പ​ള്ളി​ക​ൾ തി​ങ്ങി​നി​റ​ഞ്ഞു. ഏ​റ്റ​വും വ​ലി​യ പ​ള്ളി​യാ​യ മ​സ്ജി​ദു​ൽ ക​ബീ​റി​ൽ പ​തി​നാ​യി​ര​ങ്ങ​ളാ​ണ് ന​മ​സ്കാ​ര​ത്തി​ന് എ​ത്തി​യ​ത്.

പ​ള്ളി​യു​ടെ അ​ക​വും മു​റ്റ​വും നി​റ​ഞ്ഞ് ന​മ​സ്കാ​ര​ത്തി​നെ​ത്തി​യ​വ​രു​ടെ നി​ര റോ​ഡു​ക​ളി​ലേ​ക്കും നീ​ണ്ടു. മ​സ്​​ജി​ദ്​ ബി​ലാ​ൽ ബി​ൻ റ​ബാ​ഹി​ലും രാ​ത്രി ന​മ​സ്കാ​ര​ത്താ​യി നി​ര​വ​ധി പേ​ർ എ​ത്തി. റ​മ​ദാ​ൻ അ​വ​സാ​ന​ത്തി​ൽ കാ​രു​ണ്യ​പ്ര​വ​ര്‍ത്ത​ന​ങ്ങ​ളും സ​ഹാ​യ​വി​ത​ര​ണ​ങ്ങ​ളും കൂ​ടു​ത​ല്‍ സ​ജീ​വ​മാ​യി​ട്ടു​മു​ണ്ട്.