റ​മ​ദാ​ൻ അ​വ​സാ​ന​ത്തെ പ​ത്തി​ല്‍; മ​ന​സ്സു​ക​ൾ പ്രാ​ർ​ഥ​നാ മു​ഖ​രി​തം

കു​വൈ​ത്ത്​ സി​റ്റി: റ​മ​ദാ​ൻ അ​വ​സാ​ന പ​ത്തി​ൽ എ​ത്തി​യ​തോ​ടെ കൂ​ടു​ത​ൽ പ്രാ​ർ​ഥ​ന​ക​ളി​ലും സ​ത്ക​ർ​മ​ങ്ങ​ളി​ലും മു​ഴു​കി വി​ശ്വാ​സി​ക​ൾ. ആ​യി​രം മാ​സ​ത്തേ​ക്കാ​ൾ ശ്രേ​ഷ്ട​മാ​യ റ​മ​ദാ​നി​ലെ ലൈ​ല​ത്തു​ല്‍ ഖ​ദ് ര്‍ അ​വ​സാ​ന പ​ത്തി​ലാ​ണെ​ന്നാ​ണ് വി​ശ്വാ​സം.

പു​ണ്യ​ങ്ങ​ൾ കൂ​ടു​ത​ൽ നേ​ടു​ന്ന​തി​നാ​യി ഇ​നി​യു​ള്ള നാ​ളു​ക​ളി​ല്‍ കാ​രു​ണ്യ​ പ്ര​വ​ര്‍ത്ത​ന​ങ്ങ​ളും സ​ഹാ​യ വി​ത​ര​ണ​ങ്ങ​ളു​മാ​യി വി​ശ്വാ​സി​ക​ൾ കൂ​ടു​ത​ല്‍ സ​ജീ​വ​മാ​കും. രാ​ത്രി​ക​ളും പ​ക​ലും പ്രാ​ർ​ഥ​നാ മു​ഖ​രി​ത​മാ​കും.

അ​വ​സാ​ന പ​ത്തി​ൽ വി​ശ്വാ​സി​ക​ളെ സ്വീ​ക​രി​ക്കാ​നു​ള്ള ഒ​രു​ക്ക​ങ്ങ​ള്‍ ഔ​ഖാ​ഫ് മ​ന്ത്രാ​ല​യം പൂ​ർ​ത്തി​യാ​ക്കി. രാ​ജ്യ​ത്തെ ഏ​റ്റ​വും വ​ലി​യ പ​ള്ളി​യാ​യ ഗ്രാ​ൻ​ഡ് മോ​സ്‌​കി​ൽ വി​പു​ല​മാ​യ സ​ജ്ജീ​ക​ര​ണ​ങ്ങ​ൾ ഒ​രു​ക്കി​യി​ട്ടു​ണ്ട്. പ്ര​ശ​സ്ത​രാ​യ ഖു​ർ​ആ​ൻ പാ​രാ​യ​ണ വി​ദ​ഗ്​​ധ​രു​ടെ സാ​ന്നി​ധ്യം ഗ്രാ​ൻ​ഡ് മോ​സ്‌​കി​ന്റെ പ്ര​ത്യേ​ക​ത​യാ​ണ്.

ഖാ​രി​ഉ​മാ​രാ​യ ഉ​മ​ർ അ​ൽ​ദം​ഖി​യും അ​ബ്ദു​ൽ റ​ഹ്‌​മാ​ൻ അ​ൽ​ഷു​വൈ​യും ഇ​വി​ടെ പ്രാ​ർ​ഥ​ന​ക​ൾ​ക്ക് നേ​തൃ​ത്വം ന​ൽ​കും. ഗ്രാ​ൻ​ഡ് മോ​സ്‌​കി​ന് ചു​റ്റു​മു​ള്ള റോ​ഡു​ക​ളി​ൽ ഗ​താ​ഗ​തം സു​ഗ​മ​മാ​ക്കാ​ൻ ന​ട​പ​ടി​ക​ൾ പൂ​ർ​ത്തീ​ക​രി​ച്ചി​ട്ടു​ണ്ട്.

ഹ​വ​ല്ലി ഗ​വ​ർ​ണ​റേ​റ്റി​ലെ മ​സ്​​ജി​ദ്​ ബി​ലാ​ൽ ബി​ൻ റ​ബാ​ഹി​ലും രാ​ത്രി ന​മ​സ്കാ​ര​ത്തി​ന് സ​ജ്ജ​മാ​യി. ഗ്രാ​ൻ​ഡ് മോ​സ്ക് ക​ഴി​ഞ്ഞാ​ൽ രാ​ജ്യ​ത്തെ പ്ര​ധാ​ന പ​ള്ളി​യാ​ണി​ത്.

ആ​ളു​ക​ൾ​ക്ക് പ​ള്ളി​യി​ൽ എ​ത്താ​നും ന​മ​സ്കാ​രം നി​ർ​വ​ഹി​ക്കാ​നും വി​പു​ല​മാ​യ സൗ​ക​ര്യ​ങ്ങ​ൾ ഇ​വി​ടെ​യും ഒ​രു​ക്കി​യി​ട്ടു​ണ്ട്. സു​ര​ക്ഷ ക്ര​മീ​ക​ര​ണ​ങ്ങ​ളും ശ​ക്ത​മാ​ണ്. വി​ശ്വാ​സി​ക​ൾ​ക്ക് വാ​ഹ​ന സൗ​ക​ര്യ​വും ഏ​ർ​പ്പെ​ടു​ത്തി​യി​ട്ടു​ണ്ട്.

ആ​ഭ്യ​ന്ത​ര, വി​വ​ര മ​ന്ത്രാ​ല​യ​ങ്ങ​ൾ, മെ​ഡി​ക്ക​ൽ എ​മ​ർ​ജ​ൻ​സി ടീ​മു​ക​ൾ, വ​ള​ന്റി​യ​ർ​മാ​രും ഉ​ൾ​പ്പെ​ടെ വി​വി​ധ വി​ഭാ​ഗ​ങ്ങ​ൾ വി​ശ്വാ​സി​ക​ൾ​ക്കാ​യി സ​ജ്ജ​മാ​ണ്. ഈ ​ദി​വ​സ​ങ്ങ​ളി​ൽ പ്ര​വ​ർ​ത്തി​ക്കാ​ൻ മ​ന്ത്രാ​ല​യം പ്ര​ത്യേ​ക ടീ​മു​ക​ളും ക​മ്മി​റ്റി​ക​ളും രൂ​പീ​ക​രി​ച്ചി​ട്ടു​ണ്ട്.