കുവൈത്തിൽ റമദാൻ ചന്ദ്രക്കലക്ക് ദൃശ്യത കുറയും

കു​വൈ​ത്ത് സി​റ്റി: ഈ ​വ​ർ​ഷം റ​മ​ദാ​ൻ മാ​സ​ത്തി​ലെ ച​ന്ദ്ര​ക്ക​ല​ക്ക് കു​വൈ​ത്തി​ൽ ദൃ​ശ്യ​ത കു​റ​യും. ഇ​ത്ത​വ​ണ ച​ന്ദ്ര​ക്ക​ല കൃ​ത്യ​ത​യോ​ടെ ദൃ​ശ്യ​മാ​കി​ല്ലെ​ന്ന് അ​ൽ ഉ​ജൈ​രി സ​യ​ന്റി​ഫി​ക് സെ​ൻ്റ​ർ അ​റി​യി​ച്ചു.

ച​ന്ദ്ര​ക്ക​ല ആ​കാ​ശ​ത്ത് തെ​ളി​യു​ന്ന ഘ​ട്ടം, ഉ​യ​രം, മ​റ്റ് ഘ​ട​ക​ങ്ങ​ൾ എ​ന്നി​വ​യു​മാ​യി ബ​ന്ധ​പ്പെ​ട്ടാ​ണ് ഇ​തെ​ന്നും കേ​ന്ദ്രം വ്യ​ക്ത​മാ​ക്കി. ഈ ​വ​ർ​ഷം നോ​മ്പ് സ​മ​യം ശ​രാ​ശ​രി 13 മ​ണി​ക്കൂ​റും 10 മി​നി​റ്റും ആ​കും. സു​ബ്ഹ്, മ​ഗ്‌​രി​ബ് സ​മ​യ​ങ്ങ​ളി​ൽ ദി​വ​സ​വും ഒ​രോ മി​നി​റ്റി​ൽ വ്യ​ത്യാ​സ​മു​ണ്ടാ​കും.

ഈ ​വ​ർ​ഷം റ​മ​ദാ​ൻ വ​സ​ന്ത​കാ​ല അ​ന്ത​രീ​ക്ഷ​ത്തി​ലാ​യി​രി​ക്കു​മെ​ന്നും വ്യ​ക്ത​മാ​ക്കി. ക​ണ​ക്കു​കൂ​ട്ട​ലു​ക​ൾ അ​നു​സ​രി​ച്ച് അ​ടു​ത്ത വ​ർ​ഷം റ​മ​ദാ​ൻ ശൈ​ത്യ​കാ​ല​ത്തി​നോ​ട് അ​ടു​ത്താ​യി​രി​ക്കും. തു​ട​ർ​ന്നു​ള്ള ഏ​താ​നും വ​ർ​ഷ​ങ്ങ​ളി​ലും ഇ​ത് തു​ട​രു​മെ​ന്ന് അ​ൽ ഖ​ബാ​സ് പ​ത്രം റി​പ്പോ​ർ​ട്ട് ചെ​യ്തു.

ബാ​ങ്കു​ക​ളു​ടെ പ്ര​വൃത്തി സ​മ​യ​ത്തി​ൽ മാ​റ്റം

കു​വൈ​ത്ത് സി​റ്റി: റ​മ​ദാ​ൻ മാ​സ​ത്തി​ൽ ബാ​ങ്കു​ക​ളു​ടെ പ്ര​വൃ​ത്തി സ​മ​യം രാ​വി​ലെ പ​ത്ത് മു​ത​ൽ ഉ​ച്ച​ക്ക് 1.30 വ​രെ​യാ​യി​രി​ക്കു​മെ​ന്ന് കു​വൈ​ത്ത് ബാ​ങ്കി​ങ് അ​സോ​സി​യേ​ഷ​ൻ ഡെ​പ്യൂ​ട്ടി സെ​ക്ര​ട്ട​റി ജ​ന​റ​ൽ ശൈ​ഖ അ​ൽ ഈ​സ അ​റി​യി​ച്ചു. വി​മാ​ന​ത്താ​വ​ള​ങ്ങ​ളി​ലെ ബ്രാ​ഞ്ചു​ക​ള്‍ 24 മ​ണി​ക്കൂ​റും പ്ര​വ​ര്‍ത്തി​ക്കും. വാ​ണി​ജ്യ സ​മു​ച്ച​യ​ങ്ങ​ളി​ലെ ശാ​ഖ​ക​ൾ രാ​വി​ലെ 11മു​ത​ൽ മു​ത​ൽ 3.30 വ​രെ​യും വെ​ള്ളി​യാ​ഴ്ച​ക​ളി​ല്‍ രാ​ത്രി എ​ട്ടു മു​ത​ൽ 11:30 വ​രെ​യും പ്ര​വ​ര്‍ത്തി​ക്കും.