ചി​കി​ത്സാ സം​വി​ധാ​നം ന​വീ​ക​രി​ക്കാ​ൻ പ്ര​തി​ജ്ഞാ​ബ​ദ്ധമെന്ന് ആ​രോ​ഗ്യമ​ന്ത്രി

കു​വൈ​ത്ത് സി​റ്റി: ചി​കി​ത്സ സം​വി​ധാ​ന​വും ഉ​പ​ക​ര​ണ​ങ്ങ​ളും ന​വീ​ക​രി​ക്കാ​ൻ രാ​ജ്യം പ്ര​തി​ജ്ഞാ​ബ​ദ്ധ​മാ​ണെ​ന്ന് കു​വൈ​ത്ത് ആ​രോ​ഗ്യ മ​ന്ത്രി ഡോ. ​അ​ഹ്മ​ദ് അ​ൽ അ​വാ​ദി പ​റ​ഞ്ഞു. ‘ഭാ​വി​ക്ക് വേ​ണ്ടി​യു​ള്ള ശ​ബ്ദം’ പ്ര​മേ​യ​ത്തി​ൽ ന​ട​ത്തു​ന്ന വാ​ർ​ഷി​ക റേ​ഡി​യോ​ള​ജി ആ​ൻ​ഡ് റേ​ഡി​യോ തെ​റ​പ്പി സ​മ്മേ​ള​നം ഉ​ദ്ഘാ​ട​നം ചെ​യ്ത് സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

ഇ​ന്റ​ർ​നാ​ഷ​ന​ൽ ആ​റ്റോ​മി​ക് എ​ന​ർ​ജി ഏ​ജ​ൻ​സി​യും കു​വൈ​ത്ത് അ​സോ​സി​യേ​ഷ​ൻ ഫോ​ർ വി​മ​ൻ​സ് ഹെ​ൽ​ത്തും സ​ഹ​ക​രി​ച്ച് മി​ഡി​ൽ ഈ​സ്റ്റ് യൂ​നി​യ​ൻ ഫോ​ർ മെ​ഡി​ക്ക​ൽ ഫി​സി​ക്സാ​ണ് പ​രി​പാ​ടി സം​ഘ​ടി​പ്പി​ച്ച​ത്. കാ​ൻ​സ​ർ രോ​ഗി​ക​ൾ​ക്കു​ള്ള ഏ​റ്റ​വും മി​ക​ച്ച നൂ​ത​ന രോ​ഗ​നി​ർ​ണ​യ, ചി​കി​ത്സാ സാ​ങ്കേ​തി​ക വി​ദ്യ​ക​ൾ രാ​ജ്യ​ത്ത് ല​ഭ്യ​മാ​ണെ​ന്ന് അ​ൽ-​അ​വാ​ദി പ​റ​ഞ്ഞു.

ഇ​മേ​ജ്-​ഗൈ​ഡ​ഡ് റേ​ഡി​യേ​ഷ​ൻ തെ​റപ്പി, ക​മ്പ്യൂ​ട്ട​ഡ് ടോ​മോ​ഗ്ര​ഫി, മാ​ഗ്ന​റ്റി​ക് റെ​സൊ​ണ​ൻ​സ് ഇ​മേ​ജിം​ങ് തു​ട​ങ്ങി​യ ആ​ധു​നി​ക ചി​കി​ത്സാ സൗ​ക​ര്യ​ങ്ങ​ൾ കു​വൈ​ത്ത് കാ​ൻ​സ​ർ സെ​ന്റ​റി​ൽ ഉ​ട​ൻ ആ​രം​ഭി​ക്കു​മെ​ന്നും അ​ദ്ദേ​ഹം അ​റി​യി​ച്ചു.

കു​വൈ​ത്ത് കാ​ൻ​സ​ർ ക​ൺ​ട്രോ​ൾ സെ​ന്റ​ര്‍ റേ​ഡി​യേ​ഷ​ൻ ഫി​സി​ക്‌​സ് വി​ഭാ​ഗം മേ​ധാ​വി ഡോ. ​മി​ഷാ​രി അ​ൽ-​നൈ​മി, കു​വൈ​ത്ത് വ​നി​താ ആ​രോ​ഗ്യ അ​സോ​സി​യേ​ഷ​ൻ പ്ര​സി​ഡ​ന്റ് ഡോ. ​ഇ​മാ​ൻ അ​ൽ-​തൗ​ഹി​ദ് എ​ന്നി​വ​ര്‍ സം​സാ​രി​ച്ചു. കാ​ൻ​സ​ർ ചി​കി​ത്സ രം​ഗ​ത്തെ അ​മ്പ​തി​ല​ധി​കം അ​ന്താ​രാ​ഷ്ട്ര വി​ദ​ഗ്ധ​രും പ്ര​ഭാ​ഷ​ക​രും സ​മ്മേ​ള​ന​ത്തി​ൽ പ​​ങ്കെ​ടു​ക്കു​ന്നു. നി​ർ​മി​ത ബു​ദ്ധി ആ​പ്ലി​ക്കേ​ഷ​നു​ക​ൾ, മെ​ഡി​ക്ക​ൽ ഇ​മേ​ജി​ങ് ഓ​ട്ടോ​മേ​ഷ​ൻ തു​ട​ങ്ങി​യ​വ​യു​മാ​യി ബ​ന്ധ​പ്പെ​ട്ട ശി​ൽ​പ​ശാ​ല​ക​ൾ സ​മ്മേ​ള​ന​ത്തി​ന്റെ ആ​ക​ർ​ഷ​ണ​മാ​ണ്.