അന്നൂർ ഖുർആൻ ക്വിസ്​: സുബൈദയും സലീനയും ആദ്യ സ്ഥാനങ്ങളിൽ

കുവൈത്ത് സിറ്റി: ഇന്ത്യൻ ഇസ്​ലാഹി സ​െൻറർ കുവൈത്ത്​ വെളിച്ചം വിങ്​ റമദാനിലെ ഓരോ ആഴ്ചയിലും സംഘടിപ്പിച്ച അന്നൂർ ഇൻറർനാഷനൽ ഖുർആൻ ഓൺലൈൻ മെഗാ ക്വിസ്​ മത്സരത്തിൽ സുബൈദ വേങ്ങര ഒന്നാംസ്ഥാനം കരസ്ഥമാക്കി. സലീന നൗഷാദ് കണ്ണൂർ രണ്ടാം സ്ഥാനവും യൂനുസ് സലീം കോഴിക്കോട് മൂന്നാം സ്ഥാനവും നേടി. വിവിധ രാജ്യങ്ങളിൽ നിന്നായി 700ൽപരം മത്സരാർഥികളാണ് പങ്കെടുത്തത്. വിജയികൾക്ക് സമ്മാനങ്ങൾ പിന്നീട്​ വിതരണം ചെയ്യും. നബീൽ ഫറോക്ക്​​, മനാഫ് മാത്തോട്ടം, കെ.സി. സഅ്ദ് പുളിക്കൽ, അബ്​ദുൽ നാസർ മുട്ടിൽ എന്നിവർ മത്സരത്തിന് നേതൃത്വം നൽകി. ഖുർആനിലെ ‘സ്വാദ്​’ അധ്യായത്തെ അവലംബിച്ച് നടത്തുന്ന ക്വിസ്​ മത്സരത്തിൽ പങ്കെടുക്കാൻ http://www.annoor.in എന്ന സൈറ്റിലൂടെ പേര് രജിസ്​റ്റർ ചെയ്യാം. 
എല്ലാ തിങ്കളാഴ്ചകളിലുമായിരിക്കും മത്സരം. വിശദ വിവരങ്ങൾക്ക് 99926427, 69054515 എന്നീ നമ്പറുകളിൽ ബന്ധപ്പെടുക.